#1
|
|||||||||
|
|||||||||
يانسيم الهاب فدوه -- اخذ وياك الامانه -- ولادة الحجه عج
يانسيم الهاب فدوه -- اخذ وياك الامانه
شوفلي المحجوب وينه -- بيا كتر صاير مچانه ----------------- يانسيم الهاب مني -- اخذ روحي فوگ جنحك يم ابو صالح تذبها -- خل تگله شوكت صبحك يمته يايوم الموالي -- يبتسم يا يوم يضحك طيب اجروحه الينزفن -- ماشفن عانگن جرحك الك ثارات اليندبن -- مدري ياثار اليريحك وين يالمهدي مچانك -- وين وبيا قمه صرحك لشوكت ربنا يغايب -- مده من تظهر يمنحك طالت الغيبه يغايب -- ابليس كام اعلينه يضحك غايب الكم گال وينه -- انگله حاشاه مانسانه يانسيم الهاب فدوه -- اخذ وياك الامانه ---------------- يانسيم الهاب نخوه --محب يتوسل ٍاسمعه مر على كل الرواسي -- بلچن اتشاهدله قلعه لوشفت مهدينه خبره -- شيعتك تنطر الطلعه الغاب عن احبابه لابد -- فرد يوم واله رجعه ياسبب خلاك تبطي -- وبينه تگطع فرد گطعه والصبر علگم يغايب -- شكثر چم مره نجرعه لامتى هالغصص بينه -- غيبتك يگلون بدعه رغم كل هذا يغايب نعلگ المولدك شمعه لان يبن الحسن ندري -- كل وكت حاضر اويانه يانسيم الهاب فدوه -- اخذ وياك الامانه --------------------- حاضر بعينك تشاهد -- شما يدور اعله الوسيعه اتعاين النكبات بينه -- چم وچم نكبه مريعه المشتكى ل الله يغايب -- وأمر هالغييبه نطيعه لاچن اجروح الظماير -- من الافعال الشنيعه خزنّت چي رفضت الذل -- ورفضت الحبك تبيعه وراية الحگ والعداله -- ابغيبتك امست صريعه تنتظر يحملها چفك -- من رسول الله وديعه يمته يايوم البيان -- ابمسجد السهله تذيعه الرايه يالغايب نشاهد -- ترف للحگ ابسمانه يانسيم الهاب فدوه -- اخذ وياك الامانه --------------- سيد عدنان الحمامي |
07-03-2011, 01:31 PM | #2 |
مشرف
|
الله الله الله الله جمييييل جدا جدا جدا سيدنا الغالي وربي يتقبل منك كل خير
مباركيين لكم ميلاد الامام المهدي عليه السلام وعاد الله لنا بالخيروالسرور وننتظر منك كل جديد من ابدعتك الرائعه والمميزه من القصائد الولائيه سئل الله العلي القدير ان يوفقك في خدمة محمد وآل محمد ص تحياتي ودعائي |
التعديل الأخير تم بواسطة خادم خدام الزجيه ; 07-03-2011 الساعة 01:34 PM
|
|
|
|