ليلة العاشر

المستهل
.....
جرح الفراك شكبره.. ياگلب يحمل صبره
غير الحزن مابينه... ياجفن تغمض عينه
.
هاي المصايب جمره خلت بالروح
جم جرح بينه شنحسب هواي جروح
يأعين شافت نحر ينزف مذبوح
من هالنوايب وين يادنيه نروح
اهلي وتذبحوا كلهم.... عالترب ينزف دمهم
بس للبچي ظلينه... ياجفن تغمض عينه
.
. اول شباب الأكبر إمن افكدناه
گلب الحسين بساعته راح اوياه
سيوف ورماح اتولته اتصد عيناه
بين العساكر طاح لمن شفناه
للمصرع يروح حسين.. جابه ويهل دمع العين
تلگت ابوها سكينه... ياجفن تغمض عينه
.
لا اخوه ظلت لا أنصار العدنه
لا گمر هاشم يرجع مواعدنه
للخيم سلابه العدو فرهدنه
حشمنه اهلنه ولا جواب ايردنه
بالمصرع نشوف حسين.. وعالنهر جود وچفين
ياهو بعد يحمينه.... ياجفن تغمض عينه
.......
بالخيم نصبنها المناحه النسوان
ماضل طفل كل طفل عدهن عطشان
والخيل تصهل عجه صار الميدان
بس لايجوهن للخيم بالنيران
من بعد كل الأنصار.. مابين خياله ونار
وينه اليحامي وينه... ياجفن تغمض عينه
.
عباس من راح وبعد منشوفه
رماح العدو اعلينه وشهر لسيوفه
ياگلب بينه مارجف من خوفه
هجينه بالبر والخدر نه نعوفه
اعلينه العدو إمن أتقدم.. بكل حافر تشوف الدم
من الذعر هجينه... ياجفن تغمض عينه
.
كل ولي ظل بمصرعه برض الدم
ماسلم حتى اليرتضع مايسلم
بحالتنه هذي الله هو اليعلم
صار الخدر والخيم الهم مغنم
بالخيم صاحوا فرهود.... لا والي عدنه موجود
صار العدو يسبينه... ياجفن تغمض عينه
.
سيد عدنان الحمامي





جرح الفراك شكبره.. ياگلب يحمل صبره
غير الحزن مابينه... ياجفن تغمض عينه
.
هاي المصايب جمره خلت بالروح
جم جرح بينه شنحسب هواي جروح
يأعين شافت نحر ينزف مذبوح
من هالنوايب وين يادنيه نروح
اهلي وتذبحوا كلهم.... عالترب ينزف دمهم
بس للبچي ظلينه... ياجفن تغمض عينه
.
. اول شباب الأكبر إمن افكدناه
گلب الحسين بساعته راح اوياه
سيوف ورماح اتولته اتصد عيناه
بين العساكر طاح لمن شفناه
للمصرع يروح حسين.. جابه ويهل دمع العين
تلگت ابوها سكينه... ياجفن تغمض عينه
.
لا اخوه ظلت لا أنصار العدنه
لا گمر هاشم يرجع مواعدنه
للخيم سلابه العدو فرهدنه
حشمنه اهلنه ولا جواب ايردنه
بالمصرع نشوف حسين.. وعالنهر جود وچفين
ياهو بعد يحمينه.... ياجفن تغمض عينه
.......
بالخيم نصبنها المناحه النسوان
ماضل طفل كل طفل عدهن عطشان
والخيل تصهل عجه صار الميدان
بس لايجوهن للخيم بالنيران
من بعد كل الأنصار.. مابين خياله ونار
وينه اليحامي وينه... ياجفن تغمض عينه
.
عباس من راح وبعد منشوفه
رماح العدو اعلينه وشهر لسيوفه
ياگلب بينه مارجف من خوفه
هجينه بالبر والخدر نه نعوفه
اعلينه العدو إمن أتقدم.. بكل حافر تشوف الدم
من الذعر هجينه... ياجفن تغمض عينه
.
كل ولي ظل بمصرعه برض الدم
ماسلم حتى اليرتضع مايسلم
بحالتنه هذي الله هو اليعلم
صار الخدر والخيم الهم مغنم
بالخيم صاحوا فرهود.... لا والي عدنه موجود
صار العدو يسبينه... ياجفن تغمض عينه
.
سيد عدنان الحمامي







.


.