ابوذيات الحزن؟؟اقول

ابوذيات الحزن


جرى دمعي عل الوجنه..من العين
ومنك مطلبت رحمه..من العين
حكي من اسب انه..من العين
يزيد وزمرته وكل ال اميه

همومي زادت أمصابك.. من الهم
كمت صبر الجراح الهم..من الهم
يروحي تواني بمصابج..من الهم
كلمن ذبح نحر ابن الزجيه

انخلط دمعي وصعب فرزه..من الدم
الدنيه لو زهت مره..من الدم
حكم هارون ويزيدك.. من الدم
بس الحسين وصروحه اليه

مشي للحضره من نمشي..من الروح
ونشم اترابك وعطرك..من الروح
منيتي جانت بكلبي..من الروح
ابقى خادمك يبن الزجيه

اسولف عالجره اعليه..من الصار
اصرار بعزم ضميتك..من الصار
هنيئا الك يالخادم..من الصار
بااسم حسين خادم للبريه

اريد احجي عل الجاري..من الدار
وأحجي من ذهب الهم..من الدار
زينب سئلت وتنشد..من الدار
اصبحت دار الكرم وحشه وخليه

زينب ناحت من الهم..من الجار
عليه وسده بغيابك..من الجار
اسئلك حامي للشيعه..من الجار
ومنو حامي الظعينه بهل المسيه

الحرم واهل الحرم حزنت..من شهار
وقضية حسين معروفه..من شهار
اللعين بسوط من هايم..من شهار
بوجه زينب علي بذيج المسيه

خادم اهل البيت
ابو علي السعيدي

عظم الله اجوركم

وتقبل الله مواساتكم

تسلم ابو علي السعيدي

ربي ايبارك في جهودكم

احسنتم كثيرا




لكم منا دعاء بالعافيه

الشاعر الرائع
السيد عدنان الحمامي المحترم
مروركم اسعدني وفقكم الله لكل خير
منتمنيا لكم دوام التوفيق لخدمة القضيه
الحسينيه
تحيات
اخوكم
ابو علي السعيدي