#1
|
||||||||
|
||||||||
نحن اصحاب الدليل اين مامال نميل - الكاظم -ع-
نحن أصحابُ الدليل --- أين ما مال نميل * احنه من واقع قناعه بهألنبوه ونستدل --- عن گرامات ألكتاب وعن امامه ونمتثل نشوف قرأن الولايه بألسچون ومنچتل --- لاوى زنزانة طغات بهألمنافي ويرتچل الواجب الشرعي يصيح - انگوم ثوره ومانطيح - ونستمدها من الذبيح موسه بن جعفر جفيل --- اين ما مال نميل * ثوره هبت للعوالم للطوايف بالحزن--- ابن مدرسة الخليقه الصادق الليله امتحن عرج محراب المدينه وصارقلعه بالسچن --- حمل بيه نحر الحسين وچبد اهات الحسن هاشمي بروحك علي - ضل نداء ويعتلي - لايهاب الجاهلي رحمة الرب الجليل --- اين ما مال نميل * سابع الاقمار نور ومن علومك نقتبس --- جامعة احگام گبرى وضحت اعظم درس للخلگ علم و تچله وثابت اركان وأسس --- بين جدران الرشيد تلوج مسمومه النفس معرفه وغايه ومرام - سيف ماهاب اللئام - راهب وسابع امام لاشبيه ولابديل --- اين ما مال نميل * اشگثر لوعه اشگثر وحشه بغربته --- عاصف ومترب رحيله اشلون حالت عترته لرض بغداد السحابه وللرشيد وزمرته --- ناحت ألزرگه بحزنها بهألمصايب نطرته بسچن بصره هالمضه - السچن بغداد وگضه - انواسي والينه الرضه شما تغرب لويميل --- اين ما مال نميل * العلامات بغدرهم والمگر ندري اشگثر --- من بني العباس خلف هذاهارون الغدر بجرم هارون الزنازن والمنافي بگل گتر --- لاجزع جور الضلاله وهذا منهاج الكفر بين سچان الرشيد - امچتف بقيد الحديد - وجرح ينزف مايهيد لأبن حماي الدخيل --- اين ما مال نميل * واهب العبره وتچله ومايچف دمع المصاب --- ودمعتك موچة مصايب طافت بساحل عذاب لو يچن ليل بظلامه مساهره السجده بعتاب --- ولويطر فجر بصباحه تعاود السجده بجواب جاوب بچبده العليل - بهألسچن ماله مثيل - صبره ينفذ مستحيل عدنه برهان ودليل --- اين مامال نميل * جرع كأسات المنيه وبچت هألسبعه الشداد --- بدار غربه بهألفجيعه وألاهل عنك بعاد اشلون مانلبس عگبكم سيدي ثياب السواد --- المأتم بجسر الائمه ونوگف الليله حداد صرخه مابين ألجمع - موسه بن جعفر نبع - گعبه لاچن منصرع بساعة المحشر دليل --- اين ما مال نميل * الحاج سامي الكعبي 27-4-2011 |
05-01-2011, 09:37 AM | #4 |
مديــر عام |
سامي جميل ما سطرت من مفردات في حق
راهب بني هاشم ع واهب العبره وتچله ومايچف دمع المصاب --- ودمعتك موچة مصايب طافت بساحل عذاب لو يچن ليل بظلامه مساهره السجده بعتاب --- ولويطر فجر بصباحه تعاود السجده بجواب جاوب بچبده العليل - بهألسچن ماله مثيل - صبره ينفذ مستحيل عدنه برهان ودليل --- اين مامال نميل اسئل الله لك التوفيق والنجاح في خدمة محمد وال محمد ص والعافيه لتواصل هذا المشوار النبيل تحياتي ودعائي |
|
|
|
|