ايا الولد وين..امك تعاين عالمهد وتناشد حسين؟لسان حال ام عبد الله الرضيع ع اقول

ايا الولد وين ...ايا الولد وين
امك تعاين للمهد ...وتناشد حسين
ايا الولد وين

انظر لمهــدك يولدي...والمهد منك خالي
شلت يمنك حرمــله...سهمك جرح دلالي
ريت بجرح الماشفه...وازيد تون من حالي
وتشوف اهوال الزمن...ماتنمـحي من بالي
ياناكر الدين...جارحني جرحين
ياا الولد وين

رديت مشتــاكه الك...ولمهدك اشكي الحاله
يبني يعبدالله العــمر...من عمري كون ابداله
حنيت ايدي بدمعــتي...دم ودمـــع همال
ابني ومهجتي وسلوتي...ومناشــدي يحلاله
طكاني البين...طفالي العين
ايا الولد وين

اعتاب عندي وي المهد...والمـهد خالي وحزنان
بس ريح تسكن داخله...ممنوعه عنه الرضعان
بالسهم نحـرك يولدي...انت الطحـت بالميدان
حالك وياحال اخوتك...تطلــبكم انتو الفرسان
ثارات الاسنين...من بدر وحنين
ايا الولد وين

شوف الجره واللي سـده...وشافته ذني اعيوني
من شفت نحرك يولدي...هاجت عليه اضنوني
اسال عنــك والدك...واسـال اللي سالوني
انساك ابــدا" لاتظن...ولا انسه الحرموني
حنيت الادين...بالدمه والطين
ايا الولد وين

شلون حال الفاكــده...وتشوف مهدك بالليل
وتذكر الصـار وجره...وشلون داسته الخيل
وتروح تنظر عالمهد...خالي ويهد الهه الحيل
الثدي احتاجك ترضعه...وي الدمـع كام يسيل
احتاجك الحين...ترجعلي الدين
ايا الولد وين

وتشوف حال العـايله...وحالت حسين وزينب
تنظر لاخوهه والطفل...وتدير عيـن وتنحب
وتعاين امـه بالركن...ثكله علـــيه وتندب
وتصيح وين اهل الرحم...وينك يسبع الملعب

راح ابني الزين...ابن الميامين
ايا الولد وين

خادم اهل البيت
ابو علي السعيدي

رزقنا الله واياكم
شفاعة عبدالله الرضيع
ابو علي السعيدي

الاخت الفاضله
خادمة الشفيع المحترمه
سيدة الحرف الجميل والقلم الندي
بارك الله فيكم وجعلكم من اخلص الموالين
مروركم الكريم والاطراء الجميل
وفقكم الله لكل خير
تحيات
اخوكم
ابو علي السعيدي