|
#1
05-29-2011, 07:39 AM
|
|||||||||
|
|||||||||
جسم الحسين ع
جسم الحسين وگع جسمك جبل من مطر دمك فوگ وطبراتك تصيح وماتضمدهه وشلت راسك بچفك والرمح مصلوب و كل طعنه بشعار الهم ترددهه وچان النزف روج ويبلع المخروع واسهام التسلم گلبك ايردهه وصح دمك تبده ونزف نور البيك شعله اعله الاحرار ويضوي موگدهه وصح جسمك توذر حته ماتنزاح شمس المصطفى ومحد يچايدهه وصح زينب سبوهه وكل رمح بي راس ويوم الوصلت الشام العزم شدهه بس الگاع ماكدرت تشيل البيك مالت وي رگبتك وانت ساندهه مالت والشمس چبدك صبغهه ادموم وكورهه الجرح من وشل العدهه من گامت جروحك تزحف اعله الخيل شافو كل جرح سياف گايدهه وشافو جيش من جسمك يرد اسهام وجروحك اسيوف ودمك ايحدهه من گال اعله شربة ماي طاح احسين وانت من المدينه ابسيف گاصدهه ومن گال الدمع بعيونك يواسيك والدمعه التطيح اتحارب بخدهه والليل بدمعهن عاصف اويالريح كل دمعه بقصيده الكم نرددهه كل دمعه ابنبي وكل جرح بي مرسول والقران صرخه المحد ايصدهه ومن گال انت تبچي وحرم عندي تصيح وامهلونه بسواد الليل ونردهه انت اكبر بحر هاج بوجه تاريخ من طگت اجروفك عجزت اتردهه انت اكبر جرح واگف بحد السيف وحلوگ الرماح اشتصرخ اتسدهه ماجرد اهدومك من اجاك ابليس بس ابليس من الرحمه جردهه خافوا والبيارغ بالعكس تندار وانت الموت سيفك راح يحصدهه كل هذا الجمع واحد صفه ولاگاك وشافك ميت الف والخوف ضاهدهه شافو كل جرح چفك يهزه اسيوف شما يصرخ الم يحسبهه ويعدهه مد خيطه الجرح جر الشمس للگاع والتفت وشيعه وعالخيم مدهه حسب طولك افق شاف الافق ينگاش اذا عالگاع تنمد تشبخ ابحدهه
|
|
05-29-2011, 08:43 AM
|
#2 | |
 مديــر عام
|
ماشاء الله ماشاء الله
جميل جدا عمي كاظم ربي ايوفقك ان شاء الله --- انت اكبر جرح واگف بحد السيف وحلوگ الرماح اشتصرخ اتسدهه ماجرد اهدومك من اجاك ابليس بس ابليس من الرحمه جردهه خافوا والبيارغ بالعكس تندار وانت الموت سيفك راح يحصدهه
---- اسئله لك العافيه نظم راقي ومفردات ارقى تحمل من الروحي الشيء الكثير بحيث تدخل الى القلب بدون استئذان وهذا هوه المطلوب من كتابة الشعر في حق ال بيت رسول لله لك العافيه عمي كاظم حتى تواصل هذا العطاء الشريف تحياتي ودعائي |
|
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|