رحلتي وياكم..منيتي بحماكم?لسان حال الموالين ايام المحرم

رحلتي وياكم..منيتي بحماكم

رحلتي جدا طويله وتنتهي يم دارك
هيه ليله من العمر وانحسب خطارك
انت ياحامي الدخيل وتحمي كلمن جارك
كلبي ماينساكم..رحلتي وياكم

علينه من يهل محرم بالحزن نتلاكه
نرفع الرايات سوده للحزن مشتاكه
تبكه فوك اسطوح اهلنه رايتك خفاكه
بيه نص اسماكم..رحلتي وياكم

نبدي بااول يوم منه نحضر احنه للعزاء
نلبس الاسود عليهم وباللطم نوح وبكاء
موكب الزنجيل حاضر يحمل اسم الاولياء
نحمله الواكم..رحلتي وياكم

نطوف اركان المدينه موشحه بلون السواد
نعزي قائمنه ونكله اليوم يايوم الحداد
امي حزنانه وتنادي ويانه حزنانه البلاد
صوتنه الناداكم..رحلتي وياكم

توحدت كل الروايه والبقت بس رايتك
اجت مهمومه وتنادي تحي هيه مصيبتك
هذا شهر الحزن كله دموع تهمل شعيتك
دموعنه باارضاكم..رحلتي وياكم

تستمع قصة الظالم تنقره عالمسلمين
الشمر وابن الدعيه ذوله ساس المجرمين
يطالب بثارات جده يريده من الحسين
نلعنه الظلماكم..رحلتي وياكم

نصيح يازينب مصابج بجه اركان السمه
نفس ظلم الجره لمج ونفس ظلم الظالمه
الكسر ظلع الزجيه ذبح ابنج فاطمه
احنه من ننعاكم..رحلتي وياكم

خادم اهل البيت
ابو علي السعيدي

عظم الله اجوركم

وتقبل الله مواساتكم

تسلم ابو علي السعيدي

ربي ايبارك في جهودكم

احسنتم كثيرا




لكم منا دعاء بالعافيه

الشاعر الرائع
السيد عدنان الحمامي المحترم
مروركم اسعدني وفقكم الله لكل خير
منتمنيا لكم دوام التوفيق لخدمة القضيه
الحسينيه
تحيات
اخوكم
ابو علي السعيدي