يمكن علي مو عباس؟؟لسيدي ومولاي الامام علي والامام العباس ع اقول

يمكن علــــي مــــوعبــــاس
يمكن علي مو عباس






من صاحت اجموع المله..وعيون عدهم هامله
واللي شرد هام الفله..والطاح روحه معلعله
والطاح بالرجل انداس


يمكن علــــي مــــوعبــــاس

الزلم تندب صوبين..وتصيح ياابو الحسنين

الوياك كللنه منين..كل ظنهم حيدر اثنين

وتصيح هذا الـفراس

يمكن علــــي مــــوعبــــاس

ندبة وصاحت هالزلــم ..واللي طلب راد السلم

من حيث وصلت للعظم..والجيش صابه الهظم
وتصيح وين الحــــــراس
يمكن علــــي مــــو عبــــاس

الجمع من شافه نزل.. بعباس ينظر والفحل
اليوم حل بيه الاجل ..خلاهه تبجي هالمقل

مثل الوصي دك الساس
يمكن علــــي مــــوعبــــاس

والسيف يوم الجرده ..وشالاه أبوجه الرده

بيمنـته يوم اتقلده .. وهم يسرته عل العده
من الخــوف انحبست انفاس

يمكن علــــي مــــوعبــــاس

هاي الزلم للكلفات .. ماتهاب كثر الجيمات
معروف ياابو الحملات ..وعباس يوم اللي فات
بالمـــوت حط المــــقياس

يمكن علــــي مـــوعبــــاس

يوم اللفاهم الخبر .. عالجيش حيدر من عبر

الخوف بيهم انـتشر..الجيش كله انكسر

عزرايل شافت بـالـكـاس
يمكن علــــي مــــوعبــــاس
شافت الويل الفرسان .. وجرت اذيال الخذلان

واللي بقه بالميدان..ايعالج بروحه حيران
والجيش طـــك راس بـراس
يمكن علــــي مــــوعبــــاس
فرت قادته هالجمع .. من الخوف ملجوم الطبع
والسيف يوم اليرتفع..اتشوف راس وينكطع
ترتجـــف منه الارجــــاس

يمكن علــــي مــــوعبــــاس

القوي بيهم انـهزم .. جالاسد لو غط الغنم

والجود بيده و العلم ** علمهم انواع القيم
بسيفه خله الوسواس

يمكن علــــي مــــوعبــــاس







خادم اهل البيت
ابو علي السعيدي