#1
|
||||||||
|
||||||||
مهما يفجرونه -- وشمايفركونه -اربعينية الامام الحسين -ع-
مهما يفجرونه --- وشما يفركونه
نحمل صبر منك--- ما نبتعد عنك يحسين والينه * روايه اعله العلايم خمسه نتامل --- ابصلاة الواحد وخمسين نتوسل التختم باليمين اوسنه نتقبل --- وجهر البسمله وتكبير مانغفل نعفر هالجبين ابتربته البشرى --- لحسين الزياره نجدد الذكرى بفضل يوم اربعينه نواكب المسرى--- يمحينه الذنوب الصغرى والكبرى ذاتك درس ثوره --- اومترسخه ابفكره ثابت عزم ركنك --- ما نبتعد عنك يحسين والينه * يطيح الجدم لعيونك يبو اليمه --- ولا نجهب الغيرك نلهج بسمه محبتك بالفلب موعاطفه وكلمه--- رغم جور الطغات اسهام ملتمه نقدملك اضاحي بكل قلب ماتم--- ونطر حبل الصبر بخطاك نتعلم جرحنه شما نزف انت الدوى وبلسم --- انفطمنه اعله العشك بدماك نتخذم المدمع يظل يسعر --- ولاجلك يبن حيدر نسمع صدى الونك --- ما نبتعد عنك يحسين والينه * دليل الطاعه مشايه جوارحنه --- ويسطرهه الضمير بكل جوانحنه نشوف بكل كتر تكثر مذابحنه --- ابد ما تنطفي جمرة نوايحنه كبل واحد يموت بجملة العشره --- وهسه نموت جمله ونجذب الحسره نريد نموت فدوه الفاطمه الزهره--- ونطيب بالزحف هالضلع ونجبره تجري انت ويه الدم --- وهيهات ما نندم حاشه انكطع ضنك --- ما نبتعد عنك يحسين والينه * يطير البين ريض كافي لاتنعب --- وتشد رحال جنحك بالفضه وانحب لان ركب العقيله الليله جن قرب--- بمدار احسين موكب للعزاء وينصب حملناك بقصيده اتصيح اه يحسين--- ومطلعها الامل من عالم التكوين قوافيهه العقيله وكطعة الجفين --- لجن ماتنختم الابمرامي البين صوت العدل شرع --- وبحسين نتجمع نسير بركب ضعنك --- مانبتعد عنك يحسين والينه * سلاطين الجرم عاشت تره ابحيره --- بغدرهم لليزور احسين تفجيره يدوس الزاير اعله النايبه ابغيره --- ويطب الحضرته ومن غير تاشيره مسيرة اربعينك يالمحب مطلب --- ترادف هالاجل لو بعد اوغرب تخلي الناصبي شماجند شماصب--- سمومه اتراود العشاق ماتلهب غيرك فلا نهوى --- ياصاحب النجوى نعيش بوسط حزنك--- مانبتعد عنك يحسين والينه * نفوذ الهاشمي غرسوا مخالبهم --- بصدور المؤمنه الفتنه مكايدهم ويلحكه المطلك ابغدره يساندهم --- يريدون التفرق هذا ديدنهم نهج حزب البعث ماغاب واتصور --- مناهجهم كفر والحاد تتكرر يظنون بحقدهم هالزحف يعثر --- اخذنه من العقيده الجود والمنحر الجثث تتناثر --- مشايه نتكاثر زلزل عرش طعنك --- ما نبتعد عنك يحسين والينه * الحاج سامي الكعبي 18صفر 1433
آخر تعديل سامي الكعبي يوم
01-11-2012 في 12:14 PM.
|
01-19-2012, 12:42 AM | #3 |
مشرف
|
أحسنتم طيب الله انفاسكم
شاعرنا المبدع سامي الكعبي على هذه الابيات الرائعة كتبها الله لكم في سجل الحسنات تقبل مروري ولكم مني اعبق التحايا |
|
01-19-2012, 06:21 AM | #4 |
مديــر عام |
احسنتم كثيرا كتبت فابدعت موفقين وربي ايبارك بجهودكم الحاج سامي الكعبي لكم منا دعاء بالعافيه والتوفيق في خدمة الزهراء وبنيها ع احسنتم واحسن الله اليكم |
|
|
|
|