طفله وعليله --- سيد مالك الياسري

طفلة وعليله وراحو هلي ما جاني منهم مكتوب الي

عافــــوني كلبــي بنـــار عافــــــوني كلبــــــي بنـار

*******************

يها التسمع اريد احجــــي واسولــف حالتــــي وهمي

أريد اروي الجره عليه بحسرتي ولو عتي وهضـمي

هلي وما اكــــدر انســــاهم عكبهم كلبــي ضل مدمي

بكيت بحســـرة وبلوعــة نحيل من المرض جسمـــي

طفله وعليله بدار الغرب وفكد الأحبه كلش صعب

بهم وكلب محتـــــــــــار عافــــــوني كلبـــي بنار

********************

عليله ولا صبــــر عنــــدي واضنـــكم ما تخـــــلوني

صحــت لمن حـــده الحـــادي يبويه وياكــــم اخذوني

عليله وكلبـــي ما يصبــر انادي ويجــــرن عيــــــوني

لفــاني حسيــن ابو اليمه ينشــف دمعـــــــة عيــــوني

يكلي يبويه بعيد الدرب وانتي عليله وامرج صعب

شمعه انتي وسط الدار عافـــــوني كلبــــــي بنــار

******************

وحيــده مسيـت هالليله ودليلي من الهجـــر مجــروح

المنازل امسـت بوحشــــه اونن ون حمــــام الــــدوح

امر بويـــه عله محــــرابك اشم عطرك وسلي الروح

اسلي رويحتـــي بعطــرك ويسلينــي الحــزن والنوح

نوحي اونيني بفكد الأهل شوفو هجركم بيه شعمل

منــــي الــــدمع مـــدرار عافــــــوني كلبـــي بنــار

اشــم بيه ريحـــة احبابــي وتعوضني على شوفتـــكم

اخـــاف من السفــر يبعد تطــــول عنـــــي غيبتــــكم

وتضل دمعاتـــــي دم تجــــري يبويه وكلفه روحتـكم

تـــدور عله الدرب عينــــي واتانــــي بلهفه جيتــــكم

اندب وانادي وعندي امل بلكن يعود ضعن الأهل

ليـــــــش الأهـــــل يا دار عافـــــــوني كلبي بنـــار

********************

يطـــارش لو رحت ليهــم امانـــــــه تبلغ الغــــــــالي

اخبــــره الفركـــــه اذتنـــي وتخبره اللي جره بحـالي

تكلـه هناكـــــه طفلتــــكم تنــــــوح بغيبــة الــــوالــي

تغيب من الهجــــر روحـــــــي ويــــذوب بنار دلالي

جا وين ابويه الكال الخبر باجر يجيبه عمي الكمر

واتنطـــر الاخبـــــــــــار عافــــــــوني كلبـي بنار

*************************************

خادم الحسين

{ع } السيد مالك الياسري