|
#1
11-01-2014, 06:35 PM
|
||||||||
|
||||||||
]الى سيدي ومولاي ابا الفضل ع قصائد مع ابوذيات اقول (396)
الى سيدي ومولاي ابا الفضل ع قصائد مع ابوذيات اقول
(396) &&&& (1) عباس انهض يا بو الغيرة .. من بعدك ضلينه بحيرة واليفكد مثلك يالوالــــي .. يفكد كل رايه وتدبيره عباس انهض يابو ألغيره &&&& عباس اگعد خل نتعاتب .. وارويلك ضيم المر بيه من بعد احماك وعزتنه.. شوف ألدنيه سوت بيه انظر للحادي بدمعاتي .. و افراگك حيل أوڇر بيه خليت اجفوفك مگطوعه .. مهضومة انه امشي ومسبيه يا سبي الذله الاذاني .. عل الغبره خليت إخواني المن نشكي الوجه نديره &&&& اگعد شوف خيامي شبيهه .. ياحيلي وياسلوة عمري نار اعداكم من شبوهه .. بخيامك وبكلبي التسري لفراكك هيهات اتحمل .. للذلــــــــــة ماسلم امري انه اخت الكافل معروفه .. من حيدر متكون صبري صبر الكرار المغوار .. اكعد يابن حامي الجار من بعدك ضلينه بحيره &&&& روحك شهدت والجفين .. والمشهد ثابت بالحومه يا كمر الديره وعزتهه .. واخوانك بالحومه نجومه يخسه اليجرأ وينازلكم .. ردت عدوانـــــك مهزومه انت اليث اللي يخشونه .. ضرباتك كلهه محسومه ضرباتك مثل الكرار .. وتبايع بس الاحرار كل ضربك ما بيه تكريره &&&& زينب واطفال الترعاهه .. والسجاد يلوج يعاني تنظر لاطفالك مرعوبه .. لان الحادي هو الجاني تصرخ وبصوت الما يسمع.. راحو مني كل اخواني يبن الضارب بالسيفين .. لاهلالك ننطر ونتاني نرجه منك كون تعود .. ياخويه حزنان الجود يحله بجتفك وانته اميره &&&& درعك والجود وجفينك .. اكبر شاهد للاعيان لو سالوا اول من ضحه .. ما يحتاج اهنا عنوان انته ابن الاسلم اولهم .. من قدم اربع خوان ناده بصوت وكلهه تسمعه .. لاجل احسين العمر يهون عمري وجفيني وخواني .. والهم يشهد انه الساني عباس وهذه تكبيره &&&& لخادم اهل البيت ابو علي السعيدي &&&&&&&&&&&&&&&&&&&&&&&&& (2) عباس البطل وينه..والمكطينه له جفينه يموت الخوف.. باارض الطفوف لومره خزر عينه &&& عباس البطل والنعيمن.. بالشدات عضيد حسين انطه وي الجفوف العين..ثيت بدمه الدين ماهمته السيوف..فرقه الصفوف يصيح بصوت لحسينه &&& عباس البطل رايه..يوم اعتنه المسنايه كصده يجلب المايه..لزينب فات وفايه نذر هالشوف..كمر مخسوف لجل اخته الحنينه &&& صاح الصوت وتسمعه..جيوش العده مجتمعه تعرفه شنهو وطبعه..حالف جفه ايكطعه جفوف اثنين..نذر لحسين وانطه جفوفه وي عينه &&& ابن حيدر علي عباس..تاج وعزه والنوماس لزينب خله الحراس..شافت زوده كل الناس هذا ابن ابو الحسنين..الضارب بسيفين هذاالكافل مسمينه &&& مره لودخل ميدان..تموت بخوفه الجيمان هذا فارس الفرسان..بدر من الهواشم بان كحله العين..اخوهه احسين لواء حسين منطينه &&& خادم اهل البيت ابو علي السعيدي &&&&&&&&&&&&&&&&&&&&&&&&&& (3) ابوذيات للامام العباس ع صحت عباس خويه ليش..مايات وعليه اعداك دارت دور..مايات غشت عيني واحس الارض..مايات صحت عباس خويه الحك عليه &&& عد عينج يزينب ..كافل اني واشد سيفي عليهم..كافل اني الج مرخوص عمري..كافل اني لن انذرت انه اجفوف اديه &&& ونعم والله يخويه..من خويتك بزغر عمري خويتك..من خويتك احنه اخوان ادري..من خويتك باسم عباس ياتاج الدنيه &&& يتاج الراس ياخويه..وخيلاج اصيرن ظل الج اني..وخيلاج متى تنهض يبن حيدر..وخيلاج تودي اطروش لاارض الغاضريه &&& تودي اطروش يالعباس..مرسا ل بدموع العين خط القلم..مرسا ل عليه انشد يخويه وكول ..مرسا ل وين تروح زينب هالمسيه &&& نويتي بهالمسيه وين..لاوين وجفوف الغدر كل حشاي..لاوين عليه لاعتب خليت..لاوين حتى الون شكه بظيمه عليه &&& لون مره الهظم يختي ..شكالج وبعد مايفيد للدنيه..شكالج ادري بخوتي مااظن..شكالج يوم العفت سكنه بلايه ميه &&& عسى عالماي خويه..لاهنالي خواتي اصبحت لاألهن..لاهنالي لاساعه اركدت لحظه..لاهنالي بكيت مكيده والسوط بيه &&& خادم اهل البيت ابو علي السعيدي انا العباس..انا العباس &&&&&&&&&&&&&&&&&&&&&&&&&& (4) ابن حامي الحميه..ومثل امي الزجيه انا العباس..انا العباس &&& من يصيحلي حسين..اكله ياضوه العين..شتامر سيدي الحين واله حزام وتجيه..انا العباس &&& اجيه بهمه وزود..واكباله اكعد كعود..واحضر رايتي وجود بس يامر عليه..انا العباس اخوي الهيبه ياناس..حلاته يصيح عباس..عيوني اله حراس وجفوفي الهديه..انا العباس خادم انه لحسين..ابوي الباس جفين..وصاني وصتين بالحره الابيه..انا العباس &&& كال اوصيك عباس..ادري ماتطخ راس..عل زينب الحراس وبحسين الوصيه..انا العباس &&& يوم تشوف صوبين.. ملتمه على حسين..بيه اذكر اثنين انه والزجيه..انا العباس &&& اعرف كلشي اليصير..وادري بزينب تحير..يوم اعليكم اتغير كل خيل ال اميه..انه العباس &&& شفت حسين مهموم..يدير بعينه عالكوم..كلبه حيل مالوم من طايح اخيه..انه العباس &&& اجاني وصاحلي بعيد..اجيتك خويه ياحيد..ذوله الموش اجاويد كل شرهم عليه..انا العباس &&& خادم اهل البيت ابو علي السعيدي &&&&&&&&&&&&&&&&&&&& (5) عباس..عباس..يوم مصيبتك عباس..عباس.. الحره نادتك &&& عباس ياحادي الظعن..ياهو اليردنه للوطن..كثرة علينه هالفتن..رايد يخويه فزعتك &&& عباس يابعد العمر..ننتظرك احنه جالبدر.يحدينه ترضى الشمر..وانه الجنت بحمايتك &&& انه عزيزه..مخدره..شو وصاك بيه حيدره..اكلبه خويه الميسره..اعرفه انه غيرتك &&& صاحب الغيره ياوفي..وادري الكمر ماينطفي..بالنصر رايد نحتفي..تعله عليهم رايتك &&& تعله يبو فاضل بعد..شما جيش اجيوشه وعدد..انبشر احنه بن سعد.. معروفه شنهو غايتك &&& معروفه من خط القلم..الفرق كلاء والنعم..كالها شيال العلم..اليوم اللي كطعو يمنتك &&& عباس ياخويه الامل..انت ابن خير العمل..ياكمر نوره واكتمل..بجتني خويه فركتك &&& البعد ياخويه صعب..تهيت مااشوف الدرب..لازاد يهنه ولاشرب..الاهم عندي شوفتك &&& لوعنه خويه حرمله..وهامت البيده العايله..هجت وتركت كربله..وبصوت كله صاحتك &&& صاحت ونادت ياعلي..فرت خواتي وكل هلي..من شافت اجفوف الولي..عالنهر يمك جربتك &&& خادم اهل البيت ابو علي السعيدي &&&&&&&&&&&&&&&&&&&& (6) ياكمر هاشم ولينه..نذر خويه ومن تجينه عمت عينج يالسهام..طحتي وبكلب الامام وانكسر ظهر السفينه &&& شلون ياسهم المنيه..والعتاب يطول بيك مادريت اشصار بيه..لاتكول انت شعليك تحملت منك اذيه..طاح كلبي ابين اديك زينب انه الهاشميه..اليوم ياسهم ارتجيك من رماك ابن الحرام..طحت وبعين الامام انهدم باب المدينه &&& ياسهم اسمع كلامي..ومني اسمع هالنداء فتت جبدة امامي..ابن سيد الاوصياء لعنته الله عل الرامي..بجه اركان السماء من رماك ابن الحرامي..هذا اشقى الاشقياء اتصوبت عين الكرام..طحت وبعين الامام وكثر النوح وبجينه &&& من رماك ابن اللعين..وبايعت انت يزيد شنهو عذرك للحسين..وأيد فعل العبيد اسمع النوح وانين..ليش وبفعلك سعيد ليش هالحقد الدفين..وانت كلك من حديد صارت بعينك غمام..صوبت عين الامام والا ؟انت ماتبينه &&& ياسهم اسمع شكوتي..انت خالي من الكمال مايهزك عظم صوتي..النوخت حتى الجبال لاتبالي انت بسكوتي..الك مااشكي الحال من عكب عزي بخوتي..هسه اركب عالجمال ويحدي بيه ابن اللئام..يوم صوبت الامام والشمر كام يحدينه &&& لاتبرر كل فعالك..انت كل فعلك قبيح اكرهت ظله خيالك..وكلبي مهموم وجريح أجمعت بيه نصالك..واكرهك حتى المسيح نكطعه لابد وصالك..ولابد اليوم التصيح بنفس صوت اهل الخيام..يوم صوبت الامام نكلك احنه مو بدينه &&& الدنيه هيه اخذ وعطاء..وانتظر مني الجواب اتعرف شنهو الكساء..واتعرف معنى المصاب واتعرف مافي السماء..وتعرف حزن الرباب اتعرف معنى الوفاء..اتعرف يوم الحساب يوم من توكف قيام..يحاسبك هو الامام وروحه مهمومه وحزينه &&& خادم اهل البيت ابو علي السعيدي 
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|