]الى مولاتي الزهراء ع ومولاتي الحوراء ع تخاطب شيعتهم اقول (389)

الى مولاتي الزهراء ع ومولاتي الحوراء ع تخاطب شيعتهم اقول
(389)
&&&&
(1)
رايدكم كون تذكروني.. بالدمعه اليوم تواسوني
عالظالم بيه تنصروني
&&&&
الزهره الصاحت مهظومه..وخطت الكم هالعنوان
رايات الشيعته الترفعه ..بهذا الشهر البيه احزان
والدمعه تهله وبالعبره..وتخط أسمه عالبيبان
يايوم الاول لحسين..بيه تنزل دمع العين
وياكم دمعات اعيوني
&&&&
وياكم انظر للحاله..وكل مجلس انت تقيمون
لو طاريه بهل المجلس..الكاعد لازم يبجون
ربك وصاكم بكتابه..لذكرانه انتم تحيون
الذكره نحيهه اسنين..و نشوف ادموع البكاين
بدموع العين يوفوني
&&&&
ايام النوح واهاتي..والدمعه وعبرته وعبره
مهموم العالم بالصاير..بعد ايام شبيه شيجره
يسبون اعياله واطفاله..والشمر اللي يحز بنحره
والجيش التمت صوبين..لا ناصر عنده ولا معين
وبسيف الظالم ذبحوني
&&&&
ايام وتشهد بالماضي..دور الظالم شنهو الجان
منعونه نلطم ونعزي..ونخط اسمك عالحيطان
ونزورك ظلينه بخفيه..خفنه هواي من السجان
ماخاف من الله من الدين..وبالسجن يخلي الماشين
وعن كبرك راد ايمنعوني
&&&&
منعونه اهواي الظلام..بس الهم ماطخ الراس
الاف المشايه وتكصد.. وتمشي بخفيه هاي الناس
تكصد لليشفع للزاير..وتروح اتزور العباس
وتطلم وتعزي الدارين..دار الجنه ودار حسين
واتصيح الزهره يعزوني
&&&&
دارت ايام عل الظالم..والجان علينه ويولينه
وتعاهدنه انزورك نمشي..وبدربك كلنه اتعنينه
بس الايام اتراوينه..منهو المخلص كون بدينه
يمشي دربك كون بزين..ويختار الامر باامرين
مو بس شيعي ويسموني
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&
(2)
كوني ياروحي عليهم.. لا تكوني
&&&&
عيني تعاين عليكم هيه تنشد
تحسب ايام لمحرم بعدهه اتعد
روحي حزنانه حسيره بلهفه اتحد
هالمواقف من كلبه ليهه ترصد
شاهدي اصبح دليلي وي عيوني
&&&&
جمرت مصابك اليمه بروحي افدي
ارخص اعيوني بدمعه افدي جبدي
غيركم ماعندي غايه شنهو عندي
لا وسيله الابدي بيهه بيكم ابدي
انتم الروح بحياتي بل شجوني
&&&&
ملت الروح وصبره شنهو عذري
انت شريان الحيات بدمي يجري
عايش وياكم حياتي هذا قدري
اكظي وياكم سنيني ريت عمري
بخدمت الزهره الزجيه اقبلوني
&&&&
بعد ايام لمحرم يبدي نوحي
ذنبي يزيل وي همي وبجروحي
الطم بصدري واعزي وي روحي
منيتي هاي بحياتي بل طموحي
حبهم ابكلبي صبح هوه جنوني
&&&&
يامحرم ارد اناشد شنهو لونك
كلي عن حالت فريده وبعيونك
غاليه الدمعه ورخيصه من شجونك
متى يااحبابي نجيكم وما يجونك
انتظر وعد الزجيه لو لفوني
&&&&
ساعة الحشر الرهيبه من يجني
يحظر الشاهد عليه تشوفه عيني
شاهده اللطمه البخدي وي جبيني
دمعتي النزلت غريبه عن حسيني
دمعي لو مره نزل هم يعرفوني
&&&&
خادم اهل البيت
ابو علي السعيدي
&&&&&&&&&&&&&&&&&&&&&&
(3)
شيعتهم اخت وتشيع حماها.. فاركتهم والحزن منهم خذاها
حملك وكع حملته..وينك يكافل اخته
&&&&
عمري كظيته وي خوتي ومن عمرهم
اسنين الهم من اباري من زغرهم
ماتت امي وبحزنه وصرت امهم
عشت ايامي حزينه ومن حزنهم
ياحزن هاي المسيه..كظيت عمري بالاذيه
ابنك بحضني شلته..وينك يكافل اخته
&&&&
قصة الخنساء اذكر اله ماتو اربعه
اني خوتي صار بيهم والله اكبرفاجعه
طاحو عالغبره كلهم والبقه بالمشرعه
السهم نابت بعينه والجفوف مكطعه
عالنهر بالغاضريه..مبتره اجفوفه اليه
اخوي اشدك نطرته..وينك يكافل اخته
&&&&
من رحت ياخوي همي صار وجعه
اعرفت ماترد ليه وماكو رجعه
غركت عيني الدموع وتبقه دمعه
ظلت لحد النهايه خلك شمعه
فاركتنه المنيه.. همي كبر عليه
دمعي يخي هملته..وينك يكافل اخته
&&&&
من فكدت اخواني البيهم روجتي
ايست من الحيات وردت موتي
الدمع هوه اللي يحجي انخرس صوتي
يسمع الباري دعائي وكل شكوتي
ارفعت اثنين اديه..ودمعي ينزل عالرزيه
دمعي الك ذخرته..وينك يكافل اخته
&&&&
انه بنتك يالصميد يطول وني
سولفت حتى السماء وحجت عني
اني علمت الحزن ماضحك سني
انه الويت الليالي ما لوني
يشهد الباري عليه..وتشهد دموع الزجيه
عليك النهر سئلته..وينك يكافل اخته
&&&&
خادم اهل البيت
ابو علي السعيدي
&&&&&&&&&&&&&&&&&&&&&&
(4)
يالكاصد انته لحسين بالروح شيل الرايه
يالكاصد انته لحسين بالروح شيل الرايه
&&&&
يالكاصد اتهل العين دمعك نزل ويانه
كل شعي هوه ومبدئه بيه تعرف عنوانه
معروف ياثوب الحزن من يختلف بالوانه
معروف هوه معدنه وتنعرف بيه الغايه
&&&&
حافظ عل نهج النبي واتبع نهج الثوار
واتعلم انت المعرفه ياعلم كل ذيج الدار
المدرسه بيت النبي وبيه المدرسه كرار
اتعلم افنون الحرب واتعلم انته اقرايه
&&&&
الكرار يابيت العلم والمدرسه ابو الحسنين
ماخذ علوم الاوله وانطه علومه السبطين
ثبته اركان الهدى وثبت علومه بالدين
الناس تشهد ياعلي جم سوره وجم ايه
&&&&
نبجي ونهل احنه الدمع والحزن ماخذ بينه
ايام تكظي وي العمر يبقى علي والينه
ونبقى نزورج كربله ونبجي البطل جفينه
ونشوف جوده والدرع مملي يفيض بمايه
&&&&
اللطم يحله وي التعب وعيوني اتكت ادموع
والكلب هايم بالحزن والكلب هايم مفجوع
كربت ايام الحزن وينزل دمعنه الممنوع
نضحي الهم بالعمر الهم نظل وفايه
&&&&
نوفيه حقه من الدمع واللطم نذكر عاشور
نكتب قصايدنه بحزن ويبجي بس كون الطور
تنذكر اصحاب الظلم واهل الظلم واهل الجور
وللباري نرفع بالدعه كلحنه اله شجايه
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&&&&
(5)
ياصبر ايوب..صبري عل المصاب
ياجرح جتال ..لا يشفى ولاطاب
&&&&&
انه ام الخدر زينب بت علي الحزنانه..عمري اكظيه بنياحه مااذل لعدانه
عالمصيبه خل انوحن وخل ينوح ويانه.. يعينه الله اللي فكد بالجمع خوانه
جرحه غايره فاكد الراي وصواب
&&&&
حالي ياحال الرزيه يوم حل هذا المساء..غيمت تمطر علينه تبجي حزنانه السماء
تبجي تواسي الزجيه تشوف كطرات الدماء ..تعزي مهمومه وتنادي ياحزنه الانبياء
تشوف همه تزيد ونته وعتاب
&&&&
اشد موقف عالكفيل شفته يوم اللي جره..هذا ابن حيدر علينه بطل سبع الكنطره
اعتنه الماي ويجيبه كصد صوب الكافره..واسمعت بيه شجراله جفوفه هيه مبتره
حلمي ياحلم الطفوله اصبح سراب
&&&&
اذكرت ايام زغري اخوتي والعايله..اصبحت مهمومه خويه وصرت خويه الكافله
من بعد عباس عينك شلون حالج كربله.. منهو بعد الشهم خويه هوه يحدي القافله
خويه ياعباس صارت للرجاب
&&&&
مانريد الماي خويه ريت عالماي العفه..انت ياكمر الهواشم بيك مرجيه الشفه
اليوم تنعاك السماء وتبجي نوح العارفه..الاشد واعظم عليه خويه انه خايفه
خويه ياعباس تبجيك الشباب
&&&&
انت ياراية محمد بيك همي ينجلي..خويه ياعباس ضخري انت كافل محملي
غيرة العباس كالو مثل ماعد الولي..الكنطره تشهد عليهم كله تصرخ ياعلي
سيفه هو يصول ويسمع الجواب
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&
(6)
يانهجنا الغالي دمك..يبن علي
تلك الشهاده في فمك..يبن علي
&&&&
قد حملت الجود عونا يا حمانا
تجلب الماء لطفل قد رجانا
يسقي العطشان جودك وظمانا
وقف الاعداء دونك ولوانا
ليتنا لا نفهمك..يبن علي
&&&&
ياابا الفضل جراح العز تحكي
فيض جودك للمنايا ماذا تروي
أي شيئا قد جنينا ليت عذري
يشفع اليوم لزاما فيه ذكري
اليوم طاحت انجمك..يبن علي
&&&&
بتر الكفين قد وافا الاخاء
وسما في دربه علوا الولاء
ذالك الفضل لسبط الانبياء
ردد القول صريحا ياسماء
الله ينظر يرحمك..يبن علي
&&&&
سيد الكونين قد اوصى العباد
لقتيل الطف قد حان الحداد
يحزن المرء ارتدى ثوب السواد
هذا يوما اصبح فيه الجهاد
الله فيه يعلمك..يبن علي
&&&&
لعنت الله على كل البغاتي
بسيوف الهند حزو ارقاب الولاتي
يظهر القائم فينا ينتقم من الجناتي
نحن من فاز بحب سيد سفن النجاتي
هوه حي يسمعك..يبن علي
&&&&
قد ينادي المرء غوثا ياحسين
نحن جئناك رجالا ونساء وبنين
نرتجي منك الثواب وتزول الظالمين
انت عين الله نشهد بل يقين
قد نراه معصمك..يبن علي
&&&&
خادم اهل البيت
ابو علي السعيدي