ابوذيات للامام علي ع اقول

#1 03-31-2013, 10:13 PM

علي بحرالشرايع......وانت ندبه

شمس الله الجبيره.....وانت ندبه
لون لحظاتتذكر......وانت ندبه
النجه يونس يفك كل عكده ليه

وحك حيدر علي وكرار....والهام

شغف حب الولي يخوان....والهام
ومن ذكره يروح النحس ...والهام
وترد روحي اسعد هالمسيه

هنياله السكن يمك ....ولك جار

الك ادموعنه التنزل...ولك جار
اذا مره الوكت غثك...ولك جار
بس اندب علي حامي الحميه

اذا الله لطف بينــــه...واذا راد

ورجعتي تكون يم حيدر...واذا راد
الكم هل الشعر اكتـب... واذا راد
لاابو الحسنين شعري بخطاديه

وحك الضحىوالمغرب... ولعصار

بعد متهزني الغيمـــه... ولعصار
حبك ياعليصـــاير...ولعصار
اموت اعل النهج احسناليه

الجسم نحلاناخلافك....وخاوي

وبعدك لااخـو اريده....وخاوي
اذا جار الزمن مره ....وخاوي
الوذ بحيدر بصبر البليه

حسافه الردي وبأيده....علي هام

وتراني زين من صابر...عليهام
نخيتك ياعلي اكظيهه...علي هام
تزيح الالم والعله الخفيه

من عنده الصــبر باكات....والهم

من اذكره يروح مني الالم...والهم
اليعادون الفحل ياخـوي ....والهم
ذوله انجاس مابيهم حميه

يدنيه اوراق للمختار...كلبي
وزيدني محبــةعلي....كلبي
اذا مره العدل بالزمن...كلبي
لعد حيدر توجه بالرزيه

وحك اللي تعبدالبشر....والجان
حـبك ياعلي موجود.....والجان
هنياله حبــيب انقتل....والجان
فده لحسين يوم الغاضريه

لغيرك ماكتب قلمـي....ولارد

وابد مايتلي غيراسمك...ولارد
حبك ياعلي جـــنه...ولارد
غير أجنان ابو الحسنين اليه

شهد حبك على ضلوعي....وينساب
الفرق بين النــسب عدنه...وينساب
المثل حــيدر ظلم يهجر...وينساب
كون الشتم والسب لال اميه

علي يوم الحشر يكتب....وصولات
لكل شعي اله فعلـــه...وصولات
يكله اشعندك اصيامك...وصولات
صلاة وصوم جا عندك هويه

حلاته الوسمه حيدر....وسماك
الك حوت البحر ساجد....وسماك
يظل حبــك علم عالي...وسماك
اسم ابني واخوته فخر ليه

الوكت من يكسر ويكصي....ولك جار

تحمل لوسحل جابـــك....ولك جار
انت اهناك يم حيـــدر....ولك جار
الجاره الحيد ميخاف الاذيه

نركض عل السراب انكـول....ها يم

كلبي بالولي يخوان...هايم
اموت اندفن انه بكــــاع...هايم
يم حيدر علي حامي الحميه

اتعض كلمن كصد كبتك..جر ى اله

وعليه ادموع منعينه...جرى اله
تالي اهناك انه اصبح...جرى اله
يم كبة علي دفنتي هيه

خادم اهل البيت

ابو علي السعيدي