قصيدة(مدارس) بحق ابي الفضل العباس ع

قصيدة (المدارس)

مدخل :....

الي يريد الدراسه يجي العباس
مدارس اربعه فاتح والحسيـــن
واليــــريد الرئاسه يروح لبعيد
كلحنه خدم لم الميامين
------------
اول مدرسه يــــذكر التــــاريخ
علم المصطفى موجود بيــــهه
تعلمهه كبــــــل من علي الكرار
وهسه الناس كلهه تروح ليهه
فقه كل الاصول وحتى الفروع
من زغره وهو تـــربه عليــهه
وثاني مدرسه ربـــه يــتـــاماه
موش تــــروحله هو يــــجيهه
على البيبان يوكف سائل يصير
ابد ميــــريد هو يـــــحط بديهه
وثالث مدرسه تــــذهل الطلاب
وسيــعه وماتحدهه كل الحدود
موعلــــورق مكتوبه العبارات
كل طلابـــها تكتب على الجود
تكتـــب بألأصابع موش باقلام
واذا رادو مداد المــاي موجود
السبوره الفرات بلا طباشيـــر
والعبـاس شاله بس بــالزنود
بس عاف الدروس وهم للخيام
وكال السكنه لتصدكين ماعود
جبتلج ماي طول الدهر يكفيج
بس ماريـد دمعه تهل علخدود
ورابع مدرسه ويه الثالثه تصير
اسم واحد بـــنص الباب شفته
رسم للجود يسكي بكل الاجيال
وجوه الجود انــه الكافل اختـه
وعلى سياج المدارس راسم جفوف
وجف بالباب من شفته عرفته
جف جبير شفته وبيه مكتوب
أنا العباس جفي الاختي جبته
عهد وي حيدر الكرار اخذنــاه
وعهد وي زينب اني الي اخذته
وبقه جف علشريعه هناك موجود
لأجل الشيعه اني هناك عفتــه
العنده حوائج خليــجي اليـــوم
بس خادم يــجي لحسين ردته
انا بــاب الحوائج ماألي بــاب
حتى الكل يجيني بابي شلتـــه







القصيده ولدت توا

اسألكم الدعاء ان يتقبلها الله مني

وثوابها لكم والى كل شيعة امير المؤمنين عليه السلام






خادم اهل البيت
ابو ظاهر البركي

ربي ايبارك بجهودكم ويعافيكم

ابو ظاهر البركي

لكم منا دعاء بالعافيه

والتوفيق في خدمة الزهراء وبنيها ع

احسنتم واحسن الله اليكم

اقتباس : المشاركة الأصلية كتبت بواسطة سيد عدنان الحمامي [ مشاهدة المشاركة ]

ربي ايبارك بجهودكم ويعافيكم ابو ظاهر البركي لكم منا دعاء بالعافيه والتوفيق في خدمة الزهراء وبنيها ع احسنتم واحسن الله اليكم

السلام عليكم مولاي سيد عدنان

الله لايحرمنا من حضوركم وتشجيعكم

وفقكم الله وسدد خطاكم لخدمة محمد وال محمد



خادمكم
ابو ظاهر البركي

اللهم صل ِ على محمد وال محمد
طيب الله انفاسك الولائية شاعرنا الكريم
ابو ظاهر

على هذه الابيات الرائعة وفقكم الله لكل خير
اسئل الله لكم وافر الجر ودوام خدمة الحسين عليه السلام