استشهاد الزهراء ع. المن يايمه اتعوفينه

المستهل
.
عمري الزهره صومي وصلاتي
عني تروحين شلي بحياتي
شلون ابلا أم تخلينه.. المن يايمه تعوفينه
عمري الزهره صومي وصلاتي
.

يتيمة ام صفيت و ياجرح يشفه
فكد الام صعب اليتيمه شتوصفه
بنار فراگ تلهب مابعد تطفه
يم گلب الحنين ويا كُبر عطفه
أيتام نصير يمّنه الحنونه
وجور الايام يحمل ابونه
وين نشوفج وتشوفينه
المن يايمه تعوفينه
..... عمري الزهره صومي وصلاتي
.
الله يعينها للفاگده امها
شحال البت تصير وامها مو يمها
أظلم دارها يادار اليلمها
وكت غروبها شكبره بعد همها
اركان الدار وحشه ومكدره
لفراگ امي گلبي شيصبره
ياهو اللي ماتهمل عينه
المن يايمه تعوفينه
عمري الزهره صومي وصلاتي
.
.
علي بويه تشيع فاطمه بظلمه
يم تابوتها خل انتحب يمه
شوف حسين ظلعه منطوي اعله امه
شمطلوبه نزف من الصدر دمه
الله الله كسروا ضلعها
الله الله وتهل دمعها
بصوت الاحزان من نادينه
المن يايمه تعوفينه
عمري الزهره صومي وصلاتي
.
.
يبويه الله يعينك صعبه هاليله
اعاين والدي اعليها انهدم حيله
مدري ابچي عليها مدري ابچيله
ميته فاطمه الدنيه تراويله
جمرات اوداع امي لهيبه
روحه هيه وهيه الحبيبه
لفراگ امي يصّبّر بينه
المن يايمه تعوفينه
عمري الزهره صومي وصلاتي
.
.
. بسمار الضلع للزهره روعها
المردني من كبل متموت اسمعها
تگله اجنازتي باليل شيعها
وآثار الگبر بيدك تضيعها
اخذت روحي بهاي الوصيه
ابچي اعليها وتبچي عليه
خذتي عمري وكل اسنيه
المن يايمه تعوفينه
عمري الزهره صومي وصلاتي
.
.
عاشت دنيه مامال الحزن عنها
الله اوياچ يمه وبعد مامنها
من شفته لبويه بظلمه يدفنها
ولاجيه تجينه امنه ونعاينها
روحي الجدي يمه اشتكيله
و دمعچ بيده يمسح مسيله
واحچي خلافه شسوو بينه
المن يايمه تعوفينه
..
. سيد عدنان الحمامي