#1
|
|||||||||
|
|||||||||
وصية الوالد ---ولائيه في حق الامام علي ع
--
ولائيه في حق الامام علي ع وصية الوالد للوالد - - - - أبويه بحب علي من زغري دلاني وحليب امي بمحبته هوه غذاني -- ابويه بحب آميري تعلمت منه وگال أمشي بطريقه ولاتزل عنه جنه حب علي للي يحب جنه وبدرب الولايه أمشي خلاني -- وصاني اعله حبه وگال اي يبني آسولفلك علي مايوم خيبني نذور شكثر يبني أشكثر يطلبني ولا فد يوم هوه بنذري داعاني --- كل شده أشكبرها اللي طحت بيها وياناس الذي بل الشده انخيها كلها تعتذر ماكو كفو ليها بس حيدر أمن أطلب حاجتي انطاني -- اي يبني الشدايد يم علي حلها وچم عين الذي بمراده كحلها وچم حاله عسيره وهوه سهلها وما فد يوم حاير يبني خلاني --- وأمك لوردت يوليدي تنشدها عن حيدر معاجز شوفها اشعدها مايوم اعتنتله بمشكله وردها يحلها المعظله وبأمر رباني --- اي يبني بعد صاغي اذن خليك أمك بالولاده بيوم طلگت بيك صاحت ياعلي بالله دخيله أعليك وينه اللي أذكره بفرضي وآذاني --- وربك يسر الها وكل عسر ماظل ومن ندبت علي الله الامر سهل اي يبني بعلي كل مشكله تنحل والله بحب علي چم مره نجاني --- يوليدي بعلي أتمسك علي آيه علي الكوثر غدا يرويك من مايه علي بكل عين حاقد خلّه سلايه علي هوه صلاتي وهوه قرآني ---- سيد عدنان الحمامي -- - -- |
|
|
|