قصائد مكتوبه ملحنه اطوار الملا باسم الكربلائي

قصائد ملحنه بااطوار والحان مله باسم الكربلائي
&&&&&&&&


(1)
مااشكي عن حالي..واللي جره كبالي
من شفت اطفالي.. انهظم دلالي
&&&
انا ادري وبكلبي الجمر
والشمر حاجيته..بثوبي اللي دميته.. من دمي حنيته
انا العليل اللي انجتف
بكيود عدوانه..والشمر اذانه..من يمشي ويانه
واسمع صريخ لهل النسه
سجاد حادينه..وبيده امقيدينه..والشمر يولينه
استمع يانوحي..والتهبت اجروحي
من شفت اعيالي.. انهظم دلالي
&&&
الاشد بيه والجره
الشمر حادينه..وتنادي اسكينه..ياخويه يسبينه
واللي حدى بينه
اتحملت درب اليسر..وياي تمشي هالكفر..حرمله وخول وشمر
اشكثر من عدهم شفت
مرمرني اذاني..والهظم راواني..وعل الهزل ركباني
ابعلتي وحيلي..مانمت كل ليلي
من خابت امالي.. انهظم دلالي
&&&
كل عله بيه والشجن
تاذني واتحير..وبالكيد مااكدر..عل الهزل واتفكر
عليها اشكد من خفت
عمتي واناظرها..عل الناكه اسايرها..ينكسر خاطرها
للضيج هيه رادتك
كونك تساعدها..وبالسبي تساندها..وياها وتردها
بس هيه توميلي..وياها اشد حيلي
وياها ارد تالي.. انهظم دلالي
&&&
ارجعت محني الظهر
وبعمتي ارعاها..منهو البقه وياها..هذا اللي اذاها
وياها حرس للخدر
واحرسهم اولادي..ولد النبي الهادي..خيرت العبادي
كالتلي عمتي مروتك
حالك يااذيني..عمه ويبجيني..يانورها عيني
انته ضوع عيوني..بيكم يفجعوني
تمشي بلا والي.. انهظم دلالي
&&&




عليل اشوفك ماكمت
اهمومه اكسرت ظهره..ونحيل كل عمره..شنهو اللذي يخسره
من شفت طايح والدك
مذبوح ظل ضامي..وحركوها اخيامي..وتشوف اعلامي
واجفوف عباس الابي
مطروح ظلت عالنهر..والماي يمها والشجر..مبتور اجفوف الكمر
والسهم جاوينه..طايح بنص عينه
انهظم دلالي.. انهظم دلالي
&&&

سجاد عاد من الدفن
ياحالته حاله..ويناظر اعياله..تتكطع اوصاله
ودع ابوه وخوته
ويصيح ضي عيني..بعدك يبجيني..مهموم بحسيني
والرايه ظلت ياكمر
ينادي راعيها..من ينظر عليها..واعيونه يدميها
يافركت احبابي..ظلت عل ثيابي
ظلت عل بالي.. انهظم دلالي
&&&
سجاد يوم اللي رحل
يبجي العمر كله..مهموم والعله..وبدمعه يتسله
ماعاش عمره بالهنه
من يذكر حسينه..تستمع لونينه..محد بكه يعينه
لو سجد لو صله
يبقى يطيل اهواي..وشيذكره بالماي..ويصيح ياسكاي
بالمايه اروينه..لعباس وسكينه
ياحالتي وحالي.. انهظم دلالي
&&&
من نذكره السجاد
وادموعه ترويها..قصته وشبيها..بالونه يكظيها
بالنوح كظه الروح
كظه حياته اهموم..ومن مات لن مسموم..من اهله ظل محروم
اليوم حزني اعليه
يازينها العباد..تحميها هالوفاد..وتحميها هاي ابلاد
البيه كبر حسين..واللي بجتها العين
والنزف دلالي.. انهظم دلالي
&&&

خادم اهل البيت
ابو علي السعيدي
***********************
(2)

صدري ظلعي..عباس وينك خويه ابو الغيره
&&&
ياخويه ياعباس اكرب اليه
نتوادع انه وياك اوداع المنيه
تطلع شمس ونغيب احنه سويه
بلغ وصيتك هاي لبت الزجيه
&&&
نتفارك انه وياك فركه طويله
ياخويه ياعباس بس بقت ليله
افراكك يبعد الروح ما ألي حيله
حملي وكع لو طاح منهو اليشيله
&&&
الزهره ياعباس تحضر تجينه
تمسح دموع العين بونه حزينه
وتعاين الجفين وسهمه البعينه
توكف تشوف الصار والجاري بينه
&&&
طبراتي ياعباس طبره عل طبره
زينب تصيح بصوت وبكلبي جمره
يوم الشفت لحسين حزوله نحره
واخذو سبيه اطفال والنسه اسره
&&&
بعدك طحت والكوم خويه لفتني
ظهري انكسر عباس يوم العفتني
بياحاله ياعباس خويه اتركتني
هد حيلي الم فركاك والكوم اجتني
&&&
وحدي اصيح بصوت ذيج المسيه
ارماح وسهم وسيوف دارت عليه
وجماله خويه الناس تشفيه بيه
ريت تشوف الصار والجاري ليه
&&&
اصفوف اجت واصفوف لجتلي صوبين
دارت عليه الكوم وحدي بلا معين
كلمن يصيح الثار منك يالحسين
نطلب بثار الراح من بدر وحنين
&&&

خادم اهل البيت
ابو علي السعيدي
************************
(3)


ناري تسري..زينب اختكم عافت الديره
&&&
يااخواني ياشجعان كومو اليه
وحيدي بكيت اليوم هاي المسيه
دارت علينه اليوم كل كوم اميه
ربع الشمر يردون يكيدون اديه
&&&
ياكمر كوم وياي ردنه لهلنه
تسئلنه هاي الناس وين الكفلنه
شنهو الجواب ايكون للي سئلنه
بس الهظم والنوح خويه كتلنه
&&&
ع الهزل حادي النوك يسمع ونيني
مسبيه خويه اليوم ومكيدني
وتعاين الظلام بس خويه عيني
بعدك يبو الكلفات منهو اليجيني
&&&
نايم عل التربان كمر الهواشم
وانده واصيح ابصوت ياخويه نايم
وسفه والف ياحيف يبن الضغايم
كلبي صبح مجروح ياخويه هايم
&&&
الله اليعين بهاي كلبي شيعينه
استمع منه الصوت خويه ونينه
يال بالضعن احديت يمته تجينه
صعبه يخويه اليوم من انولينه
&&&
حرمه وتعبني البين واهلي بعيدين
وبعيني اشوف ارماح وي راس الحسين
التفت بس ياصوب بس تهمل العين
راس الكمر مرفوع بهاي الميادين
&&&
انشد بقيت اعليك يالرحت للماي
اتمنه كون اتعود ياخويه وياي
عكبك ياراعي الجود ما ألي حماي
كلبي انمرد هاليوم وانمردت اجلاي
&&&
خويه الكلب بي غيم مثل السحابه
طول علينه الزين طال بغيابه
وحشه اصبحت دنياي جنها خرابه
اشلون الكمر ياناس يترك احبابه
&&&
خادم اهل البيت
ابو علي السعيدي
*****************
(4)
تشوفوني تحاجوني انا منكم
اناديكم تسمعوني اناديكم
عارف كلشي وداري..هلا بيكم يثواري
تحاجوني
&&&
وحك زينب الحره وكطع جفيني
احضره بشدته كلمن ينادني
يوصل للضريح ويطلب بعيني
لو شفته بعزائه ولطم لحسيني
يمن تلطم اشوفنك..وبنوحك اسمعنك
اروايكم دمع عيني اراويكم
هلا بيكم يثواري..تحاجوني
&&&
اريدن منكم ورايد كم ويايه
توفون العهد وتكونو وفايه
عل مرقد اخيتي رايد أحمايه
وصلتها النواصب علكت رايه
تنصروني بواجبكم..تحفظوها بمدامكم
دعاويكم اسمعهن دعاويكم
هلا بيكم يثواري..تحاجوني
&&&
احضرلك واجيك بيومه المحشر
يمن توفي وعودك الي من تحضر
تطردها النواصب والكفر والشر
لاهمك برد لا فكرت بالحر
اهمن انه بهمكم..وبروحي اشوفنكم
اسميكم يخدامي اسميكم
هلا بيكم يثواري..تحاجوني
&&&




ازورن كلمن بعهده يعاهدني
وعل حب العقيله هوه يحبني
مسجلهن سجل بيهن التخدمني
يوفي كل عهد بيه اليواعدني
واشوفنه بلطم صدره..علينه لو حيا الذكره
اهم بيكم وبمصابي اهم بيكم
هلا بيكم يثواري..تحاجوني
&&&

يمن عندك الشكوى ودمعه تجريها
تلطم عالصدر ولحسين تهديها
وتنصب هالمتام لينه تحييها
طلبتك يالموالي حتما اكظيها
وحك زينب افرحكم..بطلبتك انه اكدكم
اتانيكم اظل عمري اتانيكم
هلا بيكم يثواري..تحاجوني
&&&

اريد بكل صلاه انت تنادوني
انه الكم شفيع بهاي اعرفوني
بااسم حسين لو دعوه تذكروني
باالزهره الزجيه من تواسوني
تناديني يبو الغيره..يمك ماتظل حيره
اجازيكم يخدامي اجازيكم
هلا بيكم يثواري..تحاجوني
&&&

خادم اهل البيت
ابو علي السعيدي
********************************
(5)





بالنحر ترمي سهام..عل الطفل هل الظلام
شمر الولاني .. فكدك عماني
&&&
ياسهم شنهو التريده انت وياي..اذبحت ابني بالمهد راد الماي
فتت جبدي وجبدته وكل حشاي..يوم الفكدته ضيعت حتى الراي
بالكلب شج ارماح..من شفت ابني طاح
واشكد اعاني.. فكدك عماني
&&&
لوشفت يبني عالوجن دمعاتي..اتنهد وتطلع غصب حسراتي
وارفعت من بعد الجفه راياتي..استمع مني يالولد جلماتي
بالمهد يمه اتنوح..والكلب كله جروح
يوم الجفاني.. فكدك عماني
&&&
العطش فتت جبدته والالام..يرموك ليش وبالغدر يبني سهام
حر العطش ماينحمل هالايام..بس ماي رادوه يرتوي وهوه ينام
بالطفل مايدرون..بيه العطش وشلون
مدري شجاني.. فكدك عماني
&&&
شفت الجره هذا الامر بين الناس..اتفرقت وتشتت وتخالطت هل الانفاس
البعض كالو يرتوي العده احساس..وناس اعترض كالو نكصه لهل الراس
بنحرك وللموت..يكطعونه وبسكوت
بسهمه رماني.. فكدك عماني
&&&
ظليت اشوفك وانتظر شنهو الصار..بديه شالك واحملك ابو الاحرار
وعليك يبني توجهو هل الاشرار..بسهام مغموسه بغدر بيها الثار
وابنحرك المذبوح..يايمه كثره اجروح
هذا الاجاني.. فكدك عماني
&&&
كطعوه نحرك يولدي بلا غيره..وبعيونه ظلت والدك بس حيره
دمك المارد ونزل عل الديره..للباري يوم اللي صعد تفسيره
للباري من ادعيت..وبدمك اتحنيت
يمه بحناني.. فكدك عماني
&&&
اتلفت وانظر ييمه بكل حين..يلفيني من عندك خبر من حسين
يشربك مايه وترتوي انته معين..تالي بالدم تنسكي بسهم البين
ابدمعي دم بجيت..ولظهري من احنيت
ظلت اماني.. فكدك عماني
&&&
خادم اهل البيت
ابو علي السعيدي
************************
(6)


اشلون فجعوني.. يبني ويبجوني .. اليوم ذبحوني
اشلون فجعوني ..يبني ويبجوني .. اليوم ذبحوني
&&&

لو شفت يبني هظمتي.. وشغير احوالي..انذبح دلالي..واصيح يالوالي
مايسوه بعدك هالعمر.. اشلون فجعوني يبني ويبجوني اليوم ذبحوني
&&&
حنتك صارت يالولد..بدمك تحنينا.ودعينا بارينا..سالم ترد لينا
وعيوني تنظر للشمر.. اشلون فجعوني يبني ويبجوني اليوم ذبحوني
&&&
جسام يبني عالجره..يامنيتي وروحي.اجروحك اجروحي..يبني استمع نوحي
امشي عل نار وجمر.. اشلون فجعوني.. يبني ويبجوني ..اليوم ذبحوني
&&&
امك وحيده يالولد..من يسئل عليها..من المرض يشفيها..وبيده يمشيها
يايمه ماعندي صبر.. اشلون فجعوني ..يبني ويبجوني .. اليوم ذبحوني
&&&
دولبني وكتي بغيبتك.. وضاعت امالي..لوشفت احوالي..من شفتك اكبالي
كامت تذبحك هالكفر.. اشلون فجعوني ..يبني ويبجوني .. اليوم ذبحوني
&&&
وصيه جانت للحسن..لعمك توديها.. بيدك وتنطيها..شمكتوب مابيها
يجري عليكم هالامر.. اشلون فجعوني ..يبني ويبجوني .. اليوم ذبحوني
&&&
عريس يبني وزفتك..دمك ينحيها..الحومه يمليها.. روحك وتفديها
دمك ييمه ينتصر.. اشلون فجعوني ..يبني ويبجوني .. اليوم ذبحوني
&&&
جسام يبني ومنيتي..ياروحي وشجوني..عنك يبعدوني..ترضه يمشوني
للشام احدي لليسر.. اشلون فجعوني ..يبني ويبجوني .. اليوم ذبحوني
&&&

خادم اهل البيت
ابو علي السعيدي
**************************
(7)






كل مااشوفنه النار..اصرخ واصيح الكرار..ترضه العده تبجيني
الحك يبويه اعله الصار..دارت عليه الكفار.. منهو اللذي يحميني
&&&
دارت علينه الظالمه..والظلع ظل ينزف دمه..رغم الجره كله حملته
اهل السقيفه اجمعو..وعلينه بويه تبايعو..وحيدر علي تجري دمعته
جتفته انته بالعهد..محزن وغاضب جالاسد..وبجرحي يابويه ذبحته
اتامرو بعدك بالغدر..اهل الخديعه والمكر..والثاني منهم من عرفته
حركو علي باب الدار..اهل المكر والاشرار
وغلمانهم توليني
&&&
ماخافو الله ولا نبي..معروف فعل الناصبي..واسمعت كل حجيه وفهمته
طحت وصحت ياحيدره..حرمه انه تدري امخدره.. بسماروبظلعي سحلته
ناداني بااسمي من عرف.. بالدار يوم اللي وكف..اعرفت كل حجيه وسمعته
معلون من خان الولي..معروفه اصله جاهلي..تحملت بوي الالم انه جرعته
مااظل الي كل انصار..بس الدمع يجري انهار
ظلعي والم ياذيني
&&&
كالوله بيه فاطمه..ابداره ومتحشمه..ماعرك وجه ولا جبينه
لغلمانه من اصدر امر..للباب كاللهم كسر..ولا نزلت انظاره ولا عينه
من دخل الطاهره..والمله هوه ينظره..ماعرف نهج الله ولا دينه
معلون هالفاجر عمر..للظلع بيده من كسر..شلت اشماله ويمينه
معلون فاجر غدار..ساس الفجر والكفار
عليه تنظر عيني
&&&
لو شفت يابويه الوضع..محنيه مسكورت ظلع.. واسمعت يابويه سطرته
عل الخد ضربني النذل..ومن عندي طيح هالطفل.. يوم بكلامي من فضحته
طالبني بحجه وعذر..مشيته بدورب الجمر..ابكلبه اضمر كل عملته
حاججته بالوالي وعرف..لن هوه خالي من الشرف..انكشف كل امره وزمرته
انكشفت اهواي اسرار..واسمعت كل الامصار
البينه ومابيني
&&&
ماعنده كل رده الي..مااريد من بعده علي..من اسمعك بويه بخبطته
كالالي سديت النهر..والامر من عندي صدر..اخر كلام اللي فهمته
ماراد بعدك حيدره..يحكمه هاي الخاسره..والعذر اقبح من فعلته
سوا المايكدر بشر..بالباب يوم اللي عصر..ظلعي انكسر صعبه جبرته
هذا الجره واللي صار..مابينه وبيني دار
والورث ماينطني
&&&
خادم اهل البيت
ابو علي السعيدي

كل ما اشوفك - الحاج باسم الكربلائي
********************************
(8)

عهدك يعباس انكطع وي الحبيبه.. لاام البنين اتحملت وزر المصيبه
دمعات الجفه..تنزل للوفه
&&&
يالسنين اذكرت اولاد الي باقي ذكرهم..بالكلوب الشجن باقي وسكن وي عللهم
والحروف اساميهم تطشر وانه المهم..بالجفون دمع ينزل ويعصرني المهم
ياجفن نزلت دمعتك وابجي عليها..هاي ام الاربعه الانطت بنهيا
دمعات الشفه.. تنزل للوفه
&&&&
يروحي اشلون اصبر عل البجو عيوني..يتركون كلب هايم ولا همه اسئلوني
يعرفون اصيح ابصوت مااظن يسمعوني..ااصيحن اهنا ياللي مشيتو تحيروني
هاي ام البنين الرفعت الراس..تصيح حسين ساعه وساعه عباس
كلبي حلفه.. تنزل للوفه
&&&
وحيده خمسه اولاد شالو هيه عدها.. مصيبه ولا واحد سئل عنها ونشدها
اتروكها هاي ام البنين اتظل وحدها..حزينه بس دموع تجريها أعل خدها
من راحو كل ولدها وظل لواها.. بيهم تزيد النوح هيه ومن عماها
النورانطفه.. تنزل للوفه
&&&
يعباس هاي امك كوم امسح دمعها.. يمقدام عليها اهموم بيكم منفجعها
بالدموع تنوح بلوعه تبجي ومن سمعها.. يمذبوح تصيح حسين يمه من وجعها
يبني تصيح بصوت امك اسمعوها.. يبني بنار افراكم هم لوعوها
يالبيك الشفه.. تنزل للوفه
&&&
تنادي تكول حسين ابني يمته جيته.. تشاهد تنطر عالدرب انه هيه وبنته
تخاطب ياهو اللي يجي منهم سئلته..تكلهم عل الراح ومارجع منهم عذرته
اكولن اسئل بالاجه طروش الاحباب.. اناشد اليه من خبر كلولي اشجاب
يالكلك دفه.. تنزل للوفه
&&&
اصيحن يبني الراح مني اشلون بيه.. انوحن اظل ابجي العمر ليوم المنيه
يروحي اظل ارثي بدموعي الغاضريه..صفتني اسمع صوتي تسمعني الزجيه
عليهم احس بدموعي تنزل وي دمهم.. اكلهم ياولدي المشو من شافت امهم
يمكن مااعرفه.. تنزل للوفه
&&&
بعيوني شفت انه العذاب والف حسره.. يكلبي ناري اللي اسعرت وبكلبي جمره
علمهم من جابو خبرهم منهو اخبره.. اناديك عيون من البجي والكاع حمره
يالعيون اختلط بالدمه ابني ودمعته.. يالجفون وبكلبي يصيح انه سمعته
منهو نكلفه.. تنزل للوفه
&&&


خادم اهل البيت
ابو علي السعيدي
*******************
(9)

زينب هزته بمهده..باست جفه وخده
يفديهن هل الادين..لخته يكحل العين
&&&

لو شفت روحك مبتلي.. بالكلب حسره اونه
وروحك عليله من القهر..بس اطلب انته اتمنه
بس انخه زينب بالكفل..ذكرهه انته بضعنه
يوم الوداع اشكد صعب..افراكه اكبر محنه
اوداع الحبايب..الكلب ذايب
زينب هزته بمهده..باست جفه وخده
يفديهن هل الادين..لخته يكحل العين
&&&
شكد معاني اتسجلت..بالخوه نضربلك مثل
الاخت من تفدي الاخو..زينب تفديه الكفل
لو وكف يمه لو نشد..اتروح من عده العلل
المثل زينب تنسبي..وتفكد اهواي الاهل
صعبه وحريمه.. الفركه عظيمه
زينب هزته بمهده..باست جفه وخده
يفديهن هل الادين..لخته يكحل العين
&&&
ايام مرت بالشجن..زينب تنادي بلوعه
وينك يكافل للخدر..اختك تره موجوعه
تنظر تعاين للنهر..واجفوفه المكطوعه
تذكر الصار وجره..داست الخيل اظلوعه
اظلوع الزجيه.. نفس الاذيه
زينب هزته بمهده..باست جفه وخده
يفديهن هل الادين..لخته يكحل العين
&&&
زينب كامت تحتضر..كامت تودع العيله
الدمع ينزل عالوجن..دمع الحزن وتهيله
تذكرت اخوته المشو..اتريد اخوه الليله
تباوع اوجوه الاجوه..ياهو اليجي تربيله
تسئل بالونين..ومغمضه العين
زينب هزته بمهده..باست جفه وخده
يفديهن هل الادين..لخته يكحل العين
&&&
الاشد واصعب والسده..زينب تنادي اخوته
رادت يحضره الكفل..يوكف عل اجنازته
يشيعه هوه والحسن..وحسين كل رادته
يحضره ويواري الكبر..يمه يحضر موتته
يحضره عباس..وتشوفه الناس
زينب هزته بمهده..باست جفه وخده
يفديهن هل الادين..لخته يكحل العين
&&&

خادم اله البيت
ابو علي السعيدي

*********************
(10)

عليك الدهر لو حده..سيفه عليك اتعده
نادي زينب بالعجل.. عليج عباس الكفل
&&&
لو شفت ضاكت دنيتك..انخه العقيله بعباس
واصيح وين اهل الرحم..بالدمعه كونك واحساس
يلفيك حاضر شدتك..وبيده يوكفلك ساس
مندوم ماتحير وعلي..ميخلي يهبط هالراس
يرفع راسك للسمه..وتشوف حسن الخاتمه
رايد امرادي بالامل..اعليج عباس الكفل
من الروح ماي تبده
&&&
الدنيه لو مالت صدك..وعليك صار اللي صار
انخه العقيله واندعي..وصيح يخت الاحرار
جيت بهمومي والالم..واتركت مولاتي الدار
الله ونبيه من امر..وصانه بسابع جار
جيتج بروحي الخجل..عليج عباس الكفل
خلصت تراهي المده
&&&
خسران كلمن ماعرف..زينب شنو معناها
ام الصبر وام الوفه..وكلمن بجه وياها
عنوان صارت للبشر..رب البشر خلاها
رحمة الباري باامته..للشيعه هوه انطاها
حلفه انته بالاهل..عليج عباس الكفل
بحسين اخوج وجده
&&&
ظلت علامه خالده..زينب تنور علينه
شمعه خلاها علي..بحاضرنه وي ماضينه
نسوان خلده الزمن..تنذكر لو ذكرينه
زينب عنوان الصبر..وام الصبر تحمينه
كلله تنطيك المهل..عليج عباس الكفل
جفك ابدا مترده
&&&
ظلت عظيمه وتنذكر..وتكحل ادموع العين
اخت الكفيل اللي انعرف..وانطه فداها جفين
ام المصايب من زمن..جرعه اشكال البين
باامه وابوهه اتعذبت..ومصابه وي حسين
حلفه بجفوف البطل..عليج عباس الكفل
من طاح منه زنده
&&&

خادم اهل البيت
ابو علي السعيدي
****

بسم الله الرحمن الرحيم
اللهم صل على محمد وآل محمد وعجل فرجهم وسهل مخرجهم
وصل اللهم على فاطمة وأبيها وبعلها وبنيها والسر المستودع فيها عدد ماأحاط به علمك
وعجل فرج يوسفها الغائب ونجمها الثاقب واجعلنا من خلص شيعته ومنتظريه وأحبابه يا الله
السلام على بقية الله في البلاد وحجته على سائر العباد ورحمة الله وبركاته

أحسنت ووفقت ان شاء الله

والقبول لكم هذا النفس الحسيني الرائع
اللهم عجل لوليك الفرج يالله

واسئل الله ان يجعلنا من المنتظرين

ويرزقنا الشهاده بين يديه الشريفتين

احسنتم واحسن الله اليكم

دعائي لكم