الج اقره الفاتحه ..

.
المستهل
...
ياأم عباس ... الچ أقره الفاتحه
ياأم عباس ... أطلب أبلا مستحه
أدري متفشليني -- شماردت تنطيني
....
وين مثلچ يامره .. جاه عدها أمقدره .. ألچ أقره الفاتحه .. يم البنين
بكل عطاء أمجربه .. كرم والجود وأبه ..بيچ ميزه واضحه ..گلبچ حنين
منچ اليطلب نجح .. بحاجه مقضيه وفلح .. الطلب لا مو مستحه .. منچ يقين
ياوفيه .. الناس كلها بعازتچ
ياوفيه ... باب رحمه عرفتچ
شارتچ راوويني .. شماردت تنطيني
.......
گلبچ الدنيه حوه .. أربعه أكرمتي سوه .. مثل عباس الوفي ..ماله مثيل
والتضحي بچف كريم .. هاي عند الله تقيم .. الله الها يصطفي .. بهذا الجميل
بخت عندچ ها الچبير.. باب للمعوّز يصير .. صيت الچ مايختفي
ياحنينه – بنت أشراف العرب
ياحنينه ,,, عالذي عدهم طلب
بحيره لتخليني ... شماردت تنطيني
......
أدري بي گلبچ يحن ... ومنچ اطلب مطمئن .. حاجه عندي امعسره .. يم الحنان
أطلب منين وحرت .. لألله بيچ اتوجهت .. يشوف هوه بناظره – وذكره أمان
والذي بضيق وعُسر .. وسنه يومه اللي يمر .. ألله يجبر خاطره .. بأسمچ أمان
والتوسل – بسمچ لالله ربح
والتوسل .. بالعطه چفچ رجح
حاشه مترديني .. شماردت تنطيني
.....
يالذي بشده طحت .. بضيق يومك صبحت .. آنه ادليك الدرب .. درب النجاة
أقره فاتحة الكتاب .. لألله بس ادگله باب .. تكون مسرور الگلب .. تهنه الحياة
أذكر أم الاربعه .. الداعي بيها لودعه .. سهل عدها كل صعب .. تروي الروات
يالكريمه .. للمشاكل من تحل
يالكريمه .. عندچ اليصعب سهل
بعينچ اتنظريني .. شما ردت تنطيني
.....
حُره يا ام البخت .. علل بسمچ من شٍفًت .. للجرح ذكرچ دوه .. ياهومجروح
بالشدد النه يسر .. وحگ عباس البدر.. نسمه ونشمچ هوه .. عطره يفوح
هالكرم بيچ ألصفه .. عجز كلمن وصّفه .. من گدر يوصف ضوه .. لمن يلوح
ياسخيه .. شحامله عزة نفس
ياسخيه .. شارتچ مثل الشمس
كحليها العيني ... شماردت تنطيني
...
طلبوا من عدها نذر .. أبد لا ماتعتذر .. اليوم خل ننخاها .. بسم الودود
نسئل الرب الرحيم .. بجاهچ العنده عظيم .. طلبه الطلبناها .. بچف اليجود
كلنه نحتاج العطوف .. الحالنه الله يشوف .. بلكن او لباها
الغايب يعود
من يظهره .. أمن عالوادم يحل
من يظهره .. يملي أرض الله عدل
بالفرج بشريني .. شماردت تنطيني
..
سيد عدنان الحمامي
.