حي الله كل الخدام - هالشرف هذا اشكبره

للخدم
.... ميمر...
المستهل
....
حي الله كل الخدام ... هالشرف هذا أشكبره
.....
حي الله خدام الحسين أو حيهم
نذروا أرواح وأله نذروا دمهم
صافي الحليب امرضعتهم أمهم
ماقصروا بالخدمه ولله كلهم
بالخدمه صاروا أعلام ... هالشرف هذا أشكبره
.....
هنياله كل خادم خدم هنياله
من فاطمه ياشرف هذا الناله
باچر بحشره فاطمه تبراله
فرحان ويشوف الحسين أگباله
وبصدره أيخليله أوسام ... هالشرف هذا شكبره
.....
وسامه اعله صدره من يروح الگبره
يمه تجي ام الحسين الزهره
والگبر نور ايصير من تحظره
أعله أفراگ أهله اطمنه وتصبره
مأمن بگبره لو نام ... هالشرف هذا أشكبره
......
كل الخدم باچر تموت أمقدر
واللي أخذ وياه خدمته مصدر
يحظر علي يمه وفلا يتعذر
باللحد يم راسه يطمنه يحضر
كل خادم عد حيدر هام ... هالشرف هذا أشكبره
.....
هالخدمه لليخدم تطيّح أذنوبه
حتى الشفاعه بصفحته مكتوبه
لحسين كل خادم صبح محبوبه
وشخصيته مابين الخلگ مهيوبه
يملك شجاعه وضرغام ... هالشرف هذا اشكبره
.....
أتمسك يخادم بالخدامه الزمها
دمعاتك الزهره بديها اتلمها
اليوم القيامه أويه الدموع أتظمها
وهناك الك هالجائزه أتقدمها
ويشوفك الخاص وعام ... هالشرف هذا اشكبره
....
سيد عدنان الحمامي
...