استقبال شهر محرم ... اي وحگ من هوه أنعبد

........................ نزله


....

المستهل
....

أي وحگ من هوه أنعبد ... عاشوره نحييه للابد
........
نحيي المجالس كل وكت وبكل عام
نلبس سواد وبالسواد الاحرام
لبيك صاحت ياحسين الخدام
مصابك جرح بينه يظل مايلتام
للموت مانخلف عهد... عاشوره نحييه للابد
..........
عاشوره وبهذا عزانه نحييه
هذا شرف مامثله نتشرف بيه
سلطان كل خادم حسين امسويه
مرجعنه هوه بكل وكت نرجع ليه
فاز الذي أخلص وجد ... عاشوره نحييه للابد
,,,,,,,,,,
يوم الطفوف بهل العزه نتصور
نخدم حسين او لا فلا نتعذر
كل لطمه يوم امصيبته نتذكر
دم الحسين ويوم گطع المنحر
الصدره الشمر لمن صعد .. عاشوره نحييه للابد
.......
كل خادم بهل العزه رافع راسه
قدره چبير تقدره أهله وناسه
أسمه حسيني ايصير ثابت ساسه
هاي أشكبرها للخدم باخلاصه
أوسام اللطم النه شهد ... عاشوره نحييه للابد
........
سجل يقرطاس الخدامه سجل
كل عين من دمعتها كون اتوشل
مابينه خادم يتعب او لوله أيمل
وشوف الوفاء العدنه هذا يذهل
حُبه الذي ايغذي الجسد ... عاشوره نحييه للابد
...........
يحسين الك هاي الخدامه تسوه
يرتفع شأنه المخلص او مايهوه
يحله التعب حتى المشقه حلوه
والمبتلي أبحبك يقدس البلوه
بالمحشر انريده سند ... عاشوره نحييه للابد
.........
يحسين هاك اخذ العهد من عدنه
نگطعها لو قصرت بحقك يدنه
يموت اعله حبك سيدي واحدنه
خدمتك هذي هيه التخلدنه
بطف كربله أوياه الوعد .... عاشوره نحييه للابد
...
سيد عدنان الحمامي

المستهل
.......
آنه عاشگ بالعشگ عندي جنون
دمي وشأملك لبوا ليمه يهون
........
آنه سودني العشگ عشگي چبير
أخطر مسودن لبوا ليمه أصير
حسين هذا الهوه أنشمه والضمير
واليضده خسر كائن من يكون
......
من عشگته بعشگي عندي معرفه
وعقلي عاجز هالعشگ شيوصفه
تراب نعله اللي صبح النه شفه
اٍنشد الزوار يمه من يجون
.......
انشد بكربله يالرايد دليل
وشوف بترابه يطيب أشچم عليل
تحت گبته لو جبل همك يزيل
وين مثل حسين عالوادم حنون
.......
آنه من حبيته مو عن عاطفه
و لا أجامل هاي ماعندي الصفه
شفته للخادم حسين ايشرفه
واحنه كل واحد مثل عابس وجون
........
أخدم حسين والي هذا شرف
نعمه هاي أمن الله وبحالي لطف
وين الگاها غدا باأعله الغرف
وبرضا الزهره فزت عندي ضنون
......
اخدم باخلاص يالرايد تفوز
حسين ينطيك وابد لا ماتعوز
عالسراط بخدمتك باچر تجوز
وبالشفاعه انته مسرور العيون
..........
أبد لاتبخل يمن تخدم تريد
بهل الخدامه عمر يصبحلك جديد
الله بيك ايبارك بعمرك يزيد
أتكحل بمرضات الحسين الجفون
.........
واصل بهل الخدمه وأثبت عالعهد
وجدد بدمك لبوا ليمه العهد
مايفيد اهناك لامال او ولد
للجنان تصير من السابقون
.....
سيد عدنان الحمامي

للخدام
....
المستهل
...
يادائم الفضل على البريه
وفقني أخدم فاطمه الزجيه
....
هذا مطلبي ... خادم للنبي ... يارب الصمد
مرضاتك ردت ... تقبل خدمتي ... خادم للأبد
الخاطر فاطمه ... البيها الغانمه ... ياواحد أحد
توفيقك أهم .. اثبت عالعهد ... أوفي بالوعد
أبقه حسيني أحمل الهويه
وفقني أخدم فاطمه الزجيه
.....
عاشور الألم ... ودخان الخيم ... بالريه أشم
من سبيي الحرم ... من حر الظمه ... جرحي ينلچم
مصايب كربله ... ونبلة حرمله .... يا أعظم حزن
واطفال الذي ... بخيل اتسحگت ... وبالمصرع زلم
شحال الارامل من غدة سبيه
وفقني أخدم فاطمه الزجيه
.....
مصيبة كربله ... ونبلة حرمله ... يا أعظم حزن
عاشور اليجي ... أسود ملبسي ... والطم عالوجن
للقاسم انوح .... وعالاكبر جروح .... لو نزفت أون
صدري أموسمه ... ومن راسي الدمه ... للطبره أحن
أحيي الشعائر حتى للمنيه
وفقني اخدم فاطمه الزجيه
.......
الحُره بيا وضع ... ذكرت للضلع ... من يوم انكسر
زينب والصبر ... ولوعات شكثر ... من غاب الگمر
چفين وعلم ... والعين بسهم ... جوده اعله النهر
وحسين انهظم ... رد لمخيمه .... مكسور الظهر
يبچي الاخو أيهل دمعته لأخيه
وفقني اخدم فاطمه الزجيه
.......
شامت يشتمت ... بعيال النبي ... ما ألهم حمه
جفون مجرحه ... من كثر البچي ... مدمعها دمه
وزينب حشمت ... بويه ياعلي ... يمه فاطمه
گوموا الكربله ... لموا العايله ... بالخوف وطمه
لارايه عندي اللي ترف عليه
وفقني أخدم فاطمه الزجيه
......
چم طفله وطفل ... صارن باليتم ... ما ألهن حمه
وربات الخدر ... بالخوف وذعر ... صاحن ياعلي
بساحات الحرب ... من شافن جثث ... صرخه وتعتلي
والفگدت ابو ... والفگدت أخو ... تندب من الي
لليسر سكنه راحت ورقيه
وفقني اخدم فاطمه الزجيه
....
سيد عدنان الحمامي