الى خدام الامام الحسين ع و ام البنين ع اقول (393)

الى خدام الامام الحسين ع و ام البنين ع اقول
(393)
&&&&&
(1)
انته مالك اي علاقه ..... الهامة هيه هامتي
ابتعدعني من اطبر.... لاتلوحك قامتي
حيدر حيدر حيدر
&&&&
اريد اطبر هامتي حتى اوفيه الزجيه
وارد اصيح بصوتي عالي حيدر بهاي المسيه
هذا منهجه يشيعه حيدره ورب البريه
لازم انوفي نهجنه خل تعلم ديرتي
حيدر حيدر
&&&&
لاتساوم عل الشعاير بالكلام اعلينه
احنه ما انذي نفسنه انت اللي تاذينه
احنه من نطبر نواسي ولازم اتواسينه
حتى انوافي الحجه ودمي يرفع رايتي
حيدر حيدر
&&&&
لاتحسسني بذنب وتكلي جي حبيته
من زغر عمري حملته بروحي هالواليته
شنهو جرمي اعليك كلي وياذنب سويته
انه حب حسين عندي والدليل محبتي
حيدر حيدر
&&&&
الزهره تستاهل نضحي ونرخص اله الغالي
كلبي هايم ظل يحبهم وحبهم بدلا لي
الزهره واولاد الزجيه والرسول وحيدره الوالي
الواله حيدر والزجيه وهمه نهجي وغايتي
&&&&
اليوم لحسين وننادي وخل انهل الدماء
وتنزف ويانه الدموع مثل فيضج كربلاء
حزنت الارض وبشرهه وحزن ويانه السماء
وعزت املاك السماء اليوم طاحت دمعتي
حيدر حيدر
&&&&
لاتكلي ليش اطبر وحكي من ابجي وانوح
ارد اعبر عل المشاعر وخلي افتحه الجروح
انهدمت بروحي العباره وهاي اعلاها الصروح
خل شمر الخنه يرمي علينه سهمه وموتتي
حيدر حيدر
&&&&
خادم اهل البيت
ابو علي السعيدي

&&&&&&&&&&&&&&
(2)
احنه خدامك يحسين
&&&&
احنه خدام ابن الزهره..نبصم ونوقع بالعشره
جينه نلطم ونجري العبره..نسال كبر امك جا وين
&&&&
خدام ونبقى نعاهدكم..مهموم ويلطم خادمكم
للاخر انه الر ايدكم..يوم نغرب تغمض عين
&&&&
تشفعلي رايد جلماتي..وكلمن رددهن ابياتي
بالنوح ونه واهاتي..نلطلم ونعزي من اسنين
&&&&
هالخدمه نتشرف بيهه..للزهره احنه انواسيهه
بمصاب الابن الماذيهه..وتشوف شلون الجفين
&&&&
خدامك مهمومه تنادي..كوم افزع لينه يالهادي
معروف الصاير ببلادي..اغراب الدخلو عالدين
&&&&
لازم نحيهه ذكراكم..وللموت انظل احنه وياكم
مجنون الرايد ننساكم..وانتم ماي واحنه الطين
&&&&
عاهدناكم عهد الفطره..مهما يصير علينه ويجره
انواسيه هاليوم الزهره..نواسيهه بكل ساعه وحين
&&&&
شوفوهه ادموع الوالتكم..مهمومه وترفع رايتكم
مجلبين احنه وبصايتكم..وصايتكم لينه امعين
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&
(3)
لاام الاربعه النوح ونكله..ابنج ابدا ماخان الكفله
كافله العقيله..جينه نشتكيله
ابد عباس مايوم الخذله
هاي ام البنين الطاهره انساب..مثل الهوى بالريه لون انساب
انيس حسين ولزينب لها انساب..بحبهم لو اتعلك لون انساب
وحك هظم العليله..جينه نشتكيله
ابد عباس مايوم الخذله
خطوات الولي يوم خطاهه..ياام البين اكتب خطاهه
ناريخ الشهد الهه خطاهه..خل النسه من تتبع خطاهه
لن هيه الدليله..جينه نشتكيله
ابد مايوم عباس الخذله
حره طاهره وطيب نسله..عن حسين هل جينه نسله
بذكره حسين هالحره نسله..ابدا مايوم ولساني نسله
هالحره الاصيله..جينه نشتكيله
ابد مايوم عباس الخذله
هاي ام البنين التجوه والعون..ولحسين الكلب اصبحت والعون
عبد الله اخوته وجعفر والعون..بحب حسين هايم ندري والعون
الفدو روح العقيله..جينه نشتكيله
ابدا مايوم عباس الخذله
حب حسين ساكن ندري ويروح..مثل الهوى اللي نشمه واليروح
جثيرات البقن هاجن واليروح..الي ماي الحلف بااسمه واليروح
مثل خل وخليله..جينه نشتكيله
ابد مايوم عباس الخذله
سبيل حسين ربك من هداهه..بنور الكمر هديه من هداهه
شجاعه حيدر بيهم من هداهه..جفوفه تكطع وعينه من هداهه
وياهه دليله..جيه نشتكيله
ابد مايوم عباس الخذله
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&
(4)
تكفلت بالمصيبه..هالحره النجيبه
ام البطل عباس..والله رفعت الراس
هالحره النجيبه
&&&&
علامات الولايه وثبت الدين ..من نال الشهاده
ربك بلغ الامه بالحسين..واركان العباده
كال اوصيتي ياناس بااثنين.. قرئاني والساده
تمسك بالنهج انت والثقلين..اتنوله مراده
خل تسمع الناس..والله رفعت الراس
هالحره النجيبه
&&&&
لو دارت الدنيه ومرت ازمان..ماننسه الزجيه
ولا ننسه الاربعه لحسين خوان..الفاتو عالمنيه
ولد الطاهره واضح العنوان..لكل هاي البريه
بيهم يتعض لازم الانسان..ويطلكهه الدنيه
واسيهه بالاحساس..والله رفعت الراس
هالحره الابيه
&&&&
يوم التكصد تزور وتنادي .. ياام الميامين
ياام الاربعه تنور ابلادي.. الضحو دون الحسين
عليج اليوم خل اعلن حدادي..وخلي تهمل العين
الله انطاج رحمه للعبادي..انتي البيه تشفين
تحفظينه من الارجاس..والله رفعت الراس
هالحره النجيبه
&&&&
كرامه ربج انطاج وتقيه..ياام الكرامات
تصيرين السند وي الزجيه..في يوم الملمات
تشوفين الجره من ال اميه..وتبجين السموات
عليج اتنوح كل هاي البريه..من تقره الدعاات
هذا صوت الانفاس..والله رفعت الراس
هالحره النجيبه
&&&&
ارثيج بكلامي وصتي ايكول..يالحره العظيمه
شما مرت الذكره وداير الحول..ذكراكم اليمه
علينه كامت الانذال اجول..مولاتي هظيمه
كلبي من الهموم اليوم معلول..مصابج هالنقيمه
اليوم ادك الاجراس..والله رفعت الراس
هالحره النجيبه
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&
(5)
شفتك بالكلب يحسين..احسك وي رميش العين
انوخذ مني نظر عيني..والك اهديهن اسنيني
بمجان الرايه والجفين
&&&&
احس بالكلب موجود..وانت عيوني واضواهه
يالعايش بنص الروح..وروحي عايشه وياهه
جا شلي بعد بالعين ..انت الشوف تلفاهه
شفتك بالحلم مذبوح..وعيني البين طفاهه
ليش الحزن يلفني..واني الامن بديني
واحنه بنهجك الماشين
&&&&
الخدمه واجبه عندي..وبسمك يلهج الساني
عانيت الامر مولاي.. لهسه نبقى انعاني
يالعايش بنص الروحي..انت تسلي وجداني
خادم منبرك يحسين..بااسمك ربي سماني
ادري هواي تنطيني..بخدمتي الك تحيني
وخدمتك واجبه بالدين
&&&&
عالمنبر صعدت اهواي..وخدمتك تجري بروحي
من اذكر مصابك ليش..تهيج اعيوني وي نوحي
يالجرحك بقه موجود..عايش باقي بجروحي
تدري منيتي مولاي..والكم هذا كل بوحي
عيون اثنين تهديني..وعل دربك تمشني
واجيكم زحف عل الرجلين
&&&&
خذه مني النظر بالعين..حكمه ربك انطاني
صحيح العله مو بالشوف..وقليل المؤمن يعاني
لجن كلبي فلا ينساك..بذكركم يلهج الساني
وصيه والدي شوصه..يوم الرحل وصاني
صير بدينك حسيني..واريدنك تبجيني
حين تصيح اه يحسين
&&&&
ضرير وعمري كظيته..بخدمتك سيدي اتشرف
يوم اللي يجي عاشور..كلبي عليك يتلهف
اصيح ابصوت ايا حسين..من اذكر مصاب الطف
البس عندي احرامي..وحزن يعكوب مايوصف
هواي البينك وبيني..احبك زين تدريني
اسمك صار ضي العين
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&
(6)
جري دمعي علطول العزاء.. لمن اذكر مصيبة كربﻻء
هذا السان ام اﻻربع الوفيه.. والله بمصابهه نعزيهه الزجيه
&&&
خل اللام يايمه يلمنه..وجرحك يالبطل يمه يلمنه
عكب شخصك يبو اليمه..يلمنه..منهو اعل خوتك هاي المسيه
استمع يمه مني هل النداء..انت ابن خير البريه الانبياء
والله بمصابه نعزيه الزجيه
&&&&
نشدت الروح عل الخوان عالدار..وسالنه عن حديث الصار عالدار
ابوفاضل عضيد حسين عالدار..نفس دم الولي حامي الحميه
خامس من اهل الكساء..عليهم اتنوح الارض وي السماء
والله بمصابه نعزيهه الزجيه
&&&&
جروحي مشتته بيدي .والمه.. وعلينه شما كثر طعني والمه
زينب عاينت تشكي والمه..تصيح بصوت يمه البيه بيه
ابن خير البريه الاوصياء..سيد الكونين اصحاب الرداء
والله بمصابه نعزيهه الزجيه
&&&&
يبني اشكي بالصاير وحالي..ومني منهدم عمري وحالي
منك من وصل مخبر وحالي..نشد يبني ونشاهدهم عليه
ظلم بسرعه عليه المساء..واستمع صوت الينادي بالدعاء
والله بمصابه نعزيهه الزجيه
&&&&
سهم الموت ها يبني ولاني..اصبحت ثكله ويسمعونه ولاني
لاني ميته وياكم ولاني..بسهم فركاك ظل النفس بيه
اليوم يبني من حل البلاء..وسالت اهواي من عدهم دماء
والله بمصابه نعزيهه الزجيه
&&&&
خادم اهل البيت
ابو علي السعيدي