|
#1
05-02-2018, 12:28 AM
|
||||||||||
|
||||||||||
1918---- 1918 ح س ن ن 1918
للعليله
............ المستهل ...... شوفتك ليلة قدر-- بويه بويه ردت من صبرك صبر-- بويه بويه طفله وزغيرة عمر-- بويه بويه آه بويه ... آه بويه ...... طفله من حظن ألأبوّه أنحرم ليش والورد لوماي ماكو بيمن ايعيش شوفته هالهوه بريتي شمَته أفيش گلبي الزغيّر أصبره ياهلي أبيش بحظن أبويه امنعمه .. أمدلليها الفاطمه يهلي وشعدكم عذر ... طفله وزغيرة عمر آه بويه -- آه بويه .... بويه محتاجه حنانك رايح شلون بويه مو تعمه برحيلك هاي العيون عزاز گلبي فراگكم يحبابي ميهون بالظعن وياكم أمشي ياهلي أيكون فراگكم عندي صعب ... تظل عيني أعله الدرب بيّه لاواحد يمّر ... طفله وزغيرة عمر آه بويه -- آه بويه ........ العايشه بحظن الابو أتحس بنعيمه أبقه لا أم لا أبو مثل اليتيمه أنحرم من شوف اخوتي ياحريمه لاعمام ابلا عمام شگد هظيمه لهذا حالي ارتجي .. ليّه ألاكبر لويجي وعمي عباس البدر ... طفله وزغيرة عمر آه بويه -- آه بويه .... غالي بويه عندي يابويه شغلاتك بيدي چنت أفرشها سجادة صلاتك من اشوفك كل فرض بويه شحلاتك مأمنات وأنته يمهن كل بناتك أشعر بفقد ألأمل .. لو مشوا عني الاهل خلوا بگلبي كسر ... طفله وزغيرة عمر آه بويه -- آه بويه ....... منين أجيب المهجه وأتصبر عليكم وين ممشاكم الياديره سعيكم وآنه ما أدري شجره وشصا ربيكم وحتى ما أندلكم وأگدر أجيكم ظلوا وبگلبي السكن ... أجفوني لايتجرحن واسهر الطرت الفجر ... طفله وزغيرة عمر آه بويه ... آه بويه ...... وين يحبا ب الگلب عني مشيتوا كلفه لو رحتوا بعد لو ما أجيتوا وهالعليله أبدارها أتضل لونسيتوا لو متت اهون الي ... ولايتيمه ابل ولي وكسري لا ماينجبر ... طفله وزغيرة عمر آه بويه -- آه بويه .... سيد عدنان الحمامي .... 
|
|
05-02-2018, 12:28 AM
|
#2 | |
 مديــر عام
|
...
للخدمه .... المستهل .... خدمتك خدمتك .. شرّفت مقداري خدمتك خدمتك ... باركت بدياري شرف هذا وخدمتك النه الهويه ....... خدمتك أشرف هويه وبيها نفخر ياحُسين وصرت النه أنته مصدر واليخدمك بين ناسه واهله يكبر نترك الهاي الخدامه لا منگدر ياشرف ياشرف .. لهج بيك ألساني ياشرف ياشرف .. خادمك عنواني عالعهد خدامك اليوم المنيه ........ بخت هذا اچبير خدام بسجلنه كلها تخدم ناسنه باسمك واهلنه لأن باچر بالشفاعه تشفع النه جدك اللي گال حُبك هوه جنه نعتقد نعتقد .. كل اسم بكتابك نعتقد نعتقد .. مسجلين أحبابك وتشفع الخدامك الزهره الزجيه .... مامتت حي باقي انته نعم يحسين وهالكرامات شكثرها شفنه بالعين والله خصك بالشفاعه للمذنبين بيوم حشر الناس تشفع للمحبين كل محب كل محب ... بالحشر تقديره كل محب كل محب .. مايظل بحيره أوياك بالجنه تدخلهم سويه .... يالذي بدمك شريت الدين والناس وللنظال الشيدت يحسين هالساس هالذي أنشوف اليخدمك رافع الراس يفتخر عالدنيه كلها وحگ عباس أفتخر أفتخر .. عابسي ايسموني أفتخر أفتخر ... أي وضل بجنوني رغم انف المارضه والناصبيه ...... أحنه عشاگك نظل يحسين للدوم الله ينسانه اذا ننساك فد يوم الك صارت هالمواكب كثر النجوم ومايهمنه الراد بينه سيدي أيلوم هالعشگ هالعشگ .. سيدي ايماني هالعشگ هالعشگ .. آيته بقرآني جنون صار بهالعشگ يحسين بيه ......... أخذ هذا العهد بالدم من نوقعه والسمه السابع نداء الحب نرفعه انته يحسين النه عٍبره النه دمعه وصتنه لبيك هالدنيه تسمعه للابد للابد ... هالولاء البينه للابد للابد ... عالعهد ظلينه ولاللعن طول الدهر نلعن اميه .... سيد عدنان الحمامي ... |
|
|
|
|
05-02-2018, 12:29 AM
|
#3 | |
|
مديــر عام
|
...
... المسلم بن عقيل ع ... المستهل ... مسلم حيرها الفرسان .. روح أسئل عنه الميدان سياف ويرهب للعسكر .. والخيل الگامت تتعثر .... هذا مسلم چنه عمه بالحرايب حيدره مثل عباس الشجاعه بيوم سد الگنطره شمايجي جيش النزاله الجيش هذا ايدمره والشرد منهم بصرخه ايصيح بي ويعثره والكوفه التروي الاخبار ... صولاته مثل الكرار لمهم سيفه وسيفه الطشر .. والخيل الگامت تتعثر ...... مسلم بهاي البساله صار واجب ينحمد هذا أبن عم الحُسين الخلده السان المجد بروسهم سوه حصاد وگام يحصدهم حصد يجفل الفارس يشوفه أجه مسلم عالبعد فرسان أمن الخوف اتموت .. من شافوا عالخيل أيفوت ياهو أيبارز مسلم يگدر .. والخيل الگامت تتعثر ....... كلّفٌه المسلم مهمه وعيّنه المسلم سفير قلده أمر السفاره يدري ابن عمه قدير حين شاف الكوفه تاهت صفت مجهول المصير راح للكوفه وينفذ أمره لو مهما يصير للناس أيخلصها ايريد .. ينقذها امن أتباع ايزيد ويخلص الوادم من هالشر ... والخير الكامت تتعثر ........ حسين من يبعث سفيره الناس كلها طلبته أقدم اقدم ياحُسين الكوفه هيه رادته سيوف الك بتاره احنه وچم رسول البعثته وكل قبيله اكتاب ودت للحسين أو وقعته بس أقدم يحسين وشوف ... بيمينك كل احنه اسيوف ليش الموقف تالي أتغير .. والخيل الگامت تتعثر ...... عاهد حسين برحيله ويدري يوفي بالعهد وصل للكوفه ورجال الكوفه توصل بالمدد صله بالوادم جماعه شكثر الأاف العدد ثاني يوم ايصلي وحده وخلفه مامنهم أحد همه اللي رادوه فزاع .. والمسلم خانوه بساع وبالكوفه ظل وحده امحير .. والخيل الكامت تتعثر .... من گبل غدروا بحيدر بيهم اطباع الغدر وحده بالكوفه وغريب ايجاهد بقوه وصبر روحه قدمها فداء ايريد لحسين النصر تستمر هالنهظه قرر والها ضحه بالعمر يتحرر راد الانسان ... من عدهم صار الخذلان للحُر أصبح مسلم مصدر ... والخيل الگامت تتعثر .... سيد عدنان الحمامي .. |
|
|
|
|
05-02-2018, 12:29 AM
|
#4 | |
|
مديــر عام
|
...
للانصار ... المستهل ... الله الله انصارك .. يحسين أوياك اوياك بيهم محروسه اديارك .. يحسين أوياك أوياك أوياك انجاهد رايدنه ... غيرك قائد ماعدنه ..... ياثاير تصلح امه .. وتصنع ناس الاحرار بالثوره أوياك انكافح .. كل أحنه أمن الأنصار وتراوي العالم نهظه .. زرعت اعظم ثوار نوگفلك سد ونضحي ... ونتقدم خط النار من عزمك عزم البينه .. نمشي بدرب الايمان مانهتم لو ضحينه .. دمنه أيصير القربان والدرب الحق قايدنه ... غيرك قائد ماعدنه يحسين أوياك اوياك ........ عج الخيل امن اتشوفه ... وبالگاع أتغوص الخيل نحجبها الشمس الدنيه ... المصباح أنسويه ليل من يگدر يوصل يمك .. طوفان انصير وسيل عالعسكر موت الاحمر .. ينصب ويصيح الويل صوتك هادر من دوّه .. تحرر للناس أتريد بهالصوت الظالم يهوه .. ومتمد للظالم اييد سيف بايدك واحدنه .. غيرك قائد ماعدنه يحسين اوياك أوياك ...... طلگنه أوياك الدنيه .. ماتسوه الدنيه بدونك خليت الوادم كلها .. يحسين بوسط أعيونك يامصلح أمة جدك .. كلها الناس ايعرفونك تنقذهم من كل طاغي .. حٌجه اعليهم يردونك من حيدر عندك مصدر .. وتناضل لجل الدين ونذرته الدم المنحر .. ودم اولادك يحسين بهاي النهظه اتوحدنه .. غيرك قائد ماعدنه يحسين اوياك اوياك .... عين الماتبصر فضلك .. عميه ومتشوف الزين ودعت أوطانك ثاير ... للوادم هاي أتعين ظالم يخلفها الظالم ... تسلطوا عالناس اسنين فكرك جرّم كل طاغي ... وساعات احسابه اتحين للكوفه اتشد ارحالك ... بالطف صار اشمتريد ومشيت اوياك ارجالك ... تردع رايد ليزيد فكرك هوه اليسندنه .. غيرك قائد ماعدنه يحسين اوياك اوياك .... جون وعابس انصارك ... الموت اعله الحق يردون والحُر ومسلم صاحوا .. لبيك اوياهم جون سالم بس انته اوياهم .. بالدم لاميبخلون تشوف ابطال ابميدانك .. سيافه امن اينزلون بالطف عٍبره انسويها .. لليغصب حق الناس والحُر ايخطط بيها ...وقائد جيشك عباس خلي الدنيه أتشاهدنه .. غيرك قائد ماعدنه يحسين اوياك اوياك ....... شنقدم لا مو كافي ... نفديك بهل الارواح باچر كلها اتشاهدنه ... بس ايصير المصباح نحور بدرب الحريه ... خل يذبحها الذباح دمنه هذا ايخلدنه ... فدوه هالدم لو راح الموت أوياك ايشرفنه .. نتخلد بالازمان كل هالوادم تعرفنه ... يمدحنه كل السان الموت لاجلك يسعدنه .. غيرك قائد ماعدنه يحسين أويا كاوياك .... سيد عدنان الحمامي |
|
|
|
|
05-02-2018, 11:29 AM
|
#5 | |
|
مديــر عام
|
......
للاكبر ع المستهل ..... للحرب يالماخذ اگلوب .. يالاكبر بگلبك الظامي يمهيوب ..يالاكبر تنصر الدينك .. رادك حسينك .... للموادع .. صعبه اليودع أبن گلب والد .. عالود كلسا يحن شلون يغمظ .. على فراگه ياجفن ودع أبنه .. لاچن بروحه التون عله أوليده گلب الحسين .. تحير عالبعد ينظرله بالعين .. تحير ألله اليعينك .. رادك حسينك .... هيه ياروح .. تحمل أفراگ الظنه يصير كل يوم .. طوله أكثر من سنه وشاف الاكبر .. الموت من يمه دنه بجفن غرگان .. بالدموع أيعاينه سالم ويرجع للخيام .. يريده ولا يطيح ابين ظلام .. يريده بلهفته وينك .. يريدك حسينك ... مثل عباس .. عمه عالعسكر يهم گام سيفه .. يبتر بروس الزلم حارت الكوم .. بيهم أيطشر او يلم بيض اوجوه .. كفو من عنده ونعم هيبته هيبة الكرار .. تشوفه يگلب اليمنه عاليسار .. تشوفه رافع اجبينك .. رادك حسينك ... بالمصارع .. حاطته اجيوش العده چبده ظامي .. ظامي رد الوالده راده يروه .. بگطره ماي ايسانده الابو عطشان .. الله هم ايساعده ماكو ماي اليطفي جمره .. تمرمر هوه للظامي شيصبره .. تمرمر تخلد أسنينك .. رادك حسينك ... تدعي أمه .. سالم ايرد للخيم تنظر العين .. عالابن عسكر هجم ظلت أتلوب .. بحاله گلب أمه علم تحاوطه الخيل .. بعد مامنهم سلم صاحت امه بگلب ملچوم .. ييمه لاتظل بمصرعك گوم .. ييمه يقبلك بعينك .. رادك حسينك .... بمصرعه طاح .. حسين شافه الضنوته حيل مابي .. بعد يمشي خطوته يمه من راح .. گعد يمه ابدمعته أمن البواچي .. دموعه خظبت شيبته للخيم من رده مذبوح .. شمصيبه جسمه كله ينزف جروح .. شمصيبه يالغفت عينك .. رادك حسين .... سيد عدنان الحمامي .. |
|
|
|
|
05-02-2018, 11:30 AM
|
#6 | |
|
مديــر عام
|
...
للوداع ... المستهل ... يليلي .... عسه ليطر صباحك يليلي ... أظل أحمل جراحك يالنجوم ... أريد أويه اخوتي .... ينجمه البلسمه .. أنه بت فاطمه صباحچ ما أريده أيطر علينه أظل مستانسه .. بخوتي هالمسه وعلينه اتظل اخويه حسين عينه ينجمه بهيبتي ... اظل أويه اخوتي ولاشامت بعد يشتمت بينه عزيزه امقدره .. ولاني أمحيره صبح باچر عدو بخيله يجينه أساهر .. دهر طوّل يليلي أساهر ... لخوتي ايحن دليلي يالنجوم .. عرفتي غايتي ... يليلي لاتفل .. ولاصبحك يحل أريد أمساهره أوياك المسيه ولا دمعي يصب .. على أحباب الگلب أشوف أمچلچلين اخوه عليه أخت ومأمنه .. وحته لوسنه كل لحظه ولا يگطعون بيه ولا باچر يجي .. يليل شارتجي أخافن باچر بسوح المنيه وأعاين .. جثث فوگ الترايب و اعاين .. حرايرهم غرايب يالنجوم .. واظل بحيرتي ...... اعاين بالخيم .. عطش رهبه وألم يكسرن للخواطر خوف بيهن أم أويه الابن .. شابگته وتون يربي اندعي عطفك عليهن وام اليرتضع .. على مهده الدمع اويه عماتك تگله أمشي سبيه چم طفله بوجل .. ماعدهن أمل يريدن ماي ينتظرن يجيهن عطاشا .. النهر ملزوم مايه عطاشا ... الصبرهن أقره آيه يالنجوم ... وأظم بدمعتي ........ وبليل أموادعك .. أخاف انضيعك ظهر باچر أشوفك عالوطيه وأشوفن كل فته .. يخويه جثته .. علي الاكبر وجاسمنه سويه وگمرنه اعله النهر .. نظل ابلا گمر ويتيمه سكينه وتواسي رقيه يبو الاكبر وعد ... قبل كلشي بعد تعال أسمعها من امي الوصيه وصيه ... الك وصت وصيه وصيه ... تشمي حسين أليه يالنجوم ... أمانه برگبتي ........ بيوم أموادعه ... تدعيله بدعه تقبليه بالصدر گالتلي أمك ياهيبة هلك ... اوصلها ألك تعال وخلي يبن أمي أشمك يبو گلب السمح ... لوبيدي يصح بوسط گلبي يبو الاكبر أظمك لاچن هالامر ... مكتوب ويمر من نحرك يخضب الگاع دمك سبايا ... عگب عينك خواتك سبايا ... أويه عمتهن بناتك يالنجوم .. أصير بغربتي ....... يجمري الماطفه ... يجفني الماغفه أودعكم أوداع أمفارگ أحباب نلم العايله ... علينه بكربله گبل ميطر يخوتي فجر المصاب يتامه ابلا ابو ... خوات ابلا اخو يعتب المن شينفعهن أعتاب يحزّمنه الصبر ... ونخلصه هالعمر متغربات أحنه ونتو غياب وداعا ... يخوتي ودعوني وداعا ... بصبركم صبروني يالنجوم ... أسيره بمشيتي ... سيد عدنان الحمامي |
|
|
|
|
05-08-2018, 09:07 AM
|
#7 | |
|
مديــر عام
|
نزله
يوم 13 محرم ... ... المستهل .... وين اليسوي الاحسان ... يدفن عزيز الزهره ...... وين الذي ايريد ألاجر من ألله وبالمحشر أتصير الشفاعه ظٍّله يدفن اخويه حسين من يوصلّه جثته تظل بالميدان ... فوگ الترب ظل نحره ...... أخذوني من يمه أسيره وعفته والطمت عيني بمصرعه من شفته حسين العزيز الفاطمه وآنه اخته بعمري لوّن صح أشريه ... فدوه أروح العمره ..... هاي اله ثالث يوم اخويه بدمه لاآنه يمه ولا أجت ليه أمه أخته اگلهم أرد أظلن يمه وگلب ألأخت بعد شلون ... ألفگد ألاخوه شيصبره ...... عالرمح راسه أوياي للكوفه يروح بجسمه شكثر يهل الرحم شفت اجروح ياروح تحمل هالمصيبه ياروح عفته ومشيت بهل الحال ... داست الخيل بصدره ..... جدامي راسه وبي أحس يبرالي وبلا كفيل أتكول ينظر حالي وراس أبو فاضل عالرمح وگبالي كل ساعه ويدير العين ... لخته يصد بنظره ....... چم راس محمول برمح يمشي اوياي آنه ورقيه وسكنه مابين اعداي ألمن اصبر هاي اصبر لو هاي ياخاطر اللي مكسور ... دمع المصيبه أيجبره ..... رمله أعله أبنها تنتحب وبلوعه تسمع گلبها من يون بظلوعه بثوب العرس كلسا تشم وشموعه حنه وشم چانت ليه ... أم الشباب أمحظره .... وأم الطفل درّ الصدر من عدها عبد الله بي چنها تحس رايدها تصفگ وجهها من تذكره بيدها وتگله گلب أمك ليك ... يبني يحن وبحسره ...... كل العيال بهل الضعن مسبيه وامسح دمعهن لوبچن بيديه ألهن أصبر لو يصبرن بيه بينه حزن گد الكون ... ماينوصف وشكبره ... سيد عدنان الحمامي |
|
|
|
|
05-08-2018, 09:08 AM
|
#8 | |
|
مديــر عام
|
بسمه تعالى.....
13 محرم .... المستهل ... كل أخو مايسلم الي ... وينه اليباري محملي .... رحنه للكوفه اساره عگب مصرع اخوتي روس فوگ ارماح تمشي من أصد بنظرتي عالنهر رايه اليه اهناك ظلت رايتي چانت أتچلچل عليه بمحملي وبهيبتي وتالي اسيره ابلا ولي ... وينه اليباري محملي ..... أعيونه وشل دمعهن بعد لادمع اليصب وكلهم ايتام وارامل بالمسير بهل الدرب والشمر كلسا يجينه بخوف وبرهبه ورعب للنجف من عيني تربي أنخه چشاف الكرب گوما لبناتك ياعلي ... وينه اليباري المحملي ..... ياعلي گوم البناتك مشن للكوفه بسبي ولارحم بيهم علينه وأحنه من آل النبي وشوف جمرالخيم شوفه أثر خله بالعبي أعزيزة العباس آنه شلون ترضه أنسبي يالبيك كل هم ينجلي .. وينه اليباري المحملي ..... نحور بالطف كل أخوتي أهناك يابويه عفت مغسله بدمهم جثثهم روس مابيهن شفت أهناك الاكبر يمه جاسم كلها صرعه أمن ألتفت بعد ساعتها غريبه واخوه ماعندي أعرفت واشتمت بينه عاذلي ... وينه اليباري المحملي ........ شلون أسيره اصفيت وآنه أخت عباس الشهم هذا أبن چتال مرحب هذاالمروع الزلم محيره بطفال أخويه أمطشره وبيهم ألم الله من المارحمنه أدعيت منهم ينتقم صرخة أيتام وتعتلي ... وينه اليباري المحملي ......... آنه عالناگه اسيره وعيني للمصرع درت ها يخوتي آنه أختكم بالسبي وحيره صرت حاولت أرد ابقه يمكم بس يخوتي مگدرت سلمت للباري أمري بهل ألمصايب وصبرت من بعد الأخوه أنولي ... وينه اليباري المحملي .... سيد عدنان الحمامي |
|
|
|
|
07-20-2018, 01:40 PM
|
#9 | |
|
مديــر عام
|
للقاسم ع
..... المستهل اذا للدار لمك ماتجيها .. عيني الماتشوفك شلي بيها يجاسم تعبي وينه ... أريدك ماتجينه ..... يجاسم أمك الفرگه چوتها .... كثرة بيها اللجروح تبچي الحالها لو بس شفتها ... حگها الفاگده أتنوح حنينه الام عليك أنته أعرفتها ... ومنها ماخذ الروح فراگك ماتريده انته الردتها .... لامو وكتك اتروح تحظن صورتك وتسولف اوياك نساني الله اذا فد يوم أنساك يالغايب علينه ... اريدك ماتجينه .............. أم وربت أوليد الكُبرها ... بي تصبح مسعده محسبه أحساب من تكبر ذخرها .. تعب الربه أيرده طول الوكت متحزمه بصبرها ... حيل أرباه تشده تنطيه لو طلب منها عمرها ... لو بس تشم خده بعد ألله حنينه الام طبعها لو راح الأبن يكسر ضلعها تناديك الحنينه ..... أريدك ماتجينه ...... عله أمك ماتحن وينه حنينك ... أحبك مو شفتني يمه ما اعوفچ گتلي وينك ... شو تالي عفتني الشيبي ردتك وعيني اعله عينك ... بيك أفرح ردتني يوم ابيوم أعد وأحسب أسنينك ... يشهد هذا متني ها كُبرك صرت شاب شحلاتك عزيز أمك يغالي وشغلاتك تظل أمك حزينه ... أريدك ماتجينه .... ياشمعة ضوه ومنوره الدار ... گمره باليالي ينشدوني عليك وگلبي يحتار ... يبني هذا حالي ومن أسمع باسمك أشتعل نار ... راح الچان غالي منك ماتجي يوليدي أخبار ... بگبرك نمت تالي ....... شكُبرها وحشتك تدري أشكبرها أمك ما بعد مايسوه عمرها ظل گلبي بونينه ... اريدك ماتجينه ......... دلوني الصبر يهل الصبر وين ... يبچي الصخر حني محسود الولد چن صابته العين ... بي ينگطع ظني وآنه الساهرت وتعبت اللسنين ... ظاع التعب مني والضاع أمن أديه يلتگه وين ... حسراتي سلًني يالمدلل تعال أگعد أگبالي أذكرك بالربه وتعب الليالي حنانك يبني وينه ... اريدك ماتجينه ........ أريد الصبر من ألله أعله فگدك .... الله يعوظ أمك يالبلحدك نمت ليًه اشيردك ... لو أندفن يمك محد يمك وأدريها وحدك ... گبرك بس يظمك هم لمك تحن يوليدي بعدك ... من چانت تشمك يموتني الك يبني حنيني أبچي بطيف لوشفتك تجيني حالي الله يعينه ... أريدك ماتجينه .... سيد عدنان الحمامي |
|
|
|
|
08-28-2018, 11:14 AM
|
#10 | |
|
مديــر عام
|
ا
. . عبد الله الرضيع ع . . . .. .. المستهل .... من دمع تبچيله – بلليها الشيله راح عبد الله أنذبح يمه ..... من رقيه أمن البواچي بعد ما الها عذر يارباب اتصيح أبويه لايطيح أمن المهر جاب عبد الله ذبيح ويجري دمعات الصبر بويه ماخليته يمنه طفل وزغير عمر كل رحم مابيهم ... ليش أخذته ليهم طفل وبدمه سبح يمه ..... چان ظل ابمهده يمي ومن دمع عيني ارتوه ولوا بويه هوه وآنه اثنينه أعطاشه سوه وغصن گلبي من ظمايه وخوفي والرهبه التوه وماتمر بريتي أحسّن حتى نسمات الهوه عمي راح ومايرد --- أيجيب رادنه الوِرد الماي من جوده نضح يمه ....... بويه يحسين أنته ظامي العطش صاحوا بالخيم ومن شفت عبد الله خذته وصابه رماي السهم ورتوه بدم الوريد بدمه عبد الله أنفطم شلون ونته بعطش روحك وحملت هذا الالم هاي رميات القدر --- گلبك وگلبي أنكسر وگلب شماتي فرح يمه ....... شلون حالچ يارقيه وكلشي شفتي بعينچ رجع بصوابه الرضيع ويبچي جابه أحسينچ وينچ أو وين المصايب يارقيه وينچ هذا عبد الله ذبيح بهاي الله يعينچ ظامي مات بنبلته – من وريده ذبحته وچبد الحسين انجرح يمه .... گومي يمه يارقيه هذا مذبوح الطفل خاف بعده بعطش گلبه وصوبه رامي النبل شربيه دمعة اعيونچ يالحنينه من تهل مايفك عينه عليچ وما أظن بعده عدل گعدي يم مهده بعد – لو سمع حسچ گعد عسى يومي لاصبح يمه ...... بويه بيك شلون ونته العطش ذوب مهجتك شلون لو بالحجر صابوا يبو الاكبر جبهتك شلون وخيول بحوافر تجي تسحگ جثتك شلون لو سهم المثلث بعد گطع چبدتك لو عدوا أتولاني -- طفله من يرعاني باليتم آنه أتضح يمه ....... سيد عدنان الحمامي .. |
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|