يعباس..شلون ترضاها اعوفك..يعباس..خلينه لحظه خل نشوفك

يعباس..شلون ترضاها اعوفك..يعباس..خلينه لحظه خل نشوفك
انكسر ياخويه ظهري.. ياللي عمرك عمري
يعباس يعباس
&&&

يبن حيدر حيدر شوصاك لوحلت مصايب هالقدر
انت ناوي أعل الرحيل وادري ايطول السفر
انته ماكتلي بوصيه شلون تتركني بخطر
انكسر كلبي بغيابك وانحنه خويه الظهر
وبمحنتي..استمع نوحي وانيني
وبمحنتي..كتلي ياخويه تجيني
بالنوح والهم صبري..ياللي عمرك عمري
&&&
انه اطلبك يبو فاضل وصعبه للتطلب وليها
يسمع وعينه تشوف شلون يبقى مايجيها
يشيل من عدها الهموم يشيلهن بيده اليها
يزيل من عدها الخطر لو سئل واحد عليها
وبسكتي..الالم ودموع عيني
وبسكتي..الك ياخويه حنيني
اشلون وحدي اسري.. ياللي عمرك عمري
&&&
صعب لو هلت مدامع اخت وتنادي اخوها
تحشم اطراف العشيره والكفيل من الولوها
حركو اخيمه النواصب تصيح والكل اسمعوها
وين حماي الضعينه وين اخوتها وابوها
وبحسرتي..استمع صوتي ينادي
وبحسرتي..اشتعل نار بفؤادي
بكلبي نار وجمري.. ياللي عمرك عمري
&&&
رحت ياخويه ومشيت بعد ادري ماكو رجعه
شلت بالروح همي وكبرت وصارت الوجعه
هذا صوت اللي ينادي كوم ياخويه واسمعه
انت عل التربان نايم واخوتي ياخويه صرعه
وبجمرتي..طفت نار الخيم بيه
وبجمرتي..شلت ظيم الغاضريه
سلمت للباري امري.. ياللي عمرك عمري
&&&
عليه دارت كومهم بعيني شفت المذبحه
ترضه ياخويه عليه وياهم امشي رايحه
للسبي وشمر الهظمني بجلمه منه جارحه
اليوم دارك يبو فاضل بيها صارت نايحه
وبنحيبي..يستمع صوتي بلال
وبنحيبي..دمعت عين الهلال
ياللي عمرك عمري..بيك ينشد أزري

&&&
خادم اهل البيت
ابو علي السعيدي

بسم الله الرحمن الرحيم
اللهم صل على محمد وآل محمد وعجل فرجهم وسهل مخرجهم

وصل اللهم على فاطمة وأبيها وبعلها وبنيها والسر المستودع فيها عدد ماأحاط به علمك
وعجل فرج يوسفها الغائب ونجمها الثاقب واجعلنا من خلص شيعته ومنتظريه وأحبابه يا الله
السلام على بقية الله في البلاد وحجته على سائر العباد ورحمة الله وبركاته

التوفيق الدائم في هذا

المشوار النبيل

وربي يسلمكم ويحفظكم ان شاء الله

دعائي لكم دائما