الى مولا تي الحوراء ع تخاطب اخيها الامام الحسين ع اقول (316)?اقسمت خويه قسم

الى مولا تي الحوراء ع تخاطب اخيها الامام الحسين ع اقول
(316)

انه خويه انتظر حتى المغيبي..من اشوفك ينطفي ناري ولهيبي
اقسمت خويه قسم..احملت كوه الالم
خويه يحسين..خويه يحسين
***********

انه اختك يابطل صدك مطخ الراس
اتنخه ابغيرت علي واخوتي والعباس
انه حرمه وحدي مااظل الي حراس
من شلت غيرت هلي ماخفت الارجاس

علمتني الدنيه راوتني العجايب..احملت ياخويه من كثر النوايب
امضى من حد السهم..احملت خويه الالم
خويه يحسين..خويه يحسين
************

احلفت بالحره خويه وكل دمنا وتضحيات
ابقه اقودنه السفينه رغم ظلم العاتيات
عمري اكظيه وحياتي واصبح من الباكيات
لازم واخذ بحقي انحاكم احنه الجناة

رغم كل هذا الالم رغم المصايب..لازم الثار ونعيده من النواصب
لازم انصون القيم..احملت كوه الالم
خويه يحسين ..خويه يحسين
**********

اشد موقف خويه من شفتك وحيد
طايح عل الغبره وبروحك تريد
انت ياراعي الشهامه انته ياعجيد
كلت كلا والف كلا ماتبايع للعبيد

رغم كل هذا الالم رغم الاذيه..كلت كلا خويه وخاطبيت الناصبيه
طيحت خويه الصنم..احملت كوه الالم
خويه يحسين..خويه يحسين
************

من وصلت التل يخويه مادريت اصاربيه
جيتك بليله وظلمه عن عيون ال اميه
انتظرت الشمس غابت وانتهت ذيج المسيه
جلجل الليل واجيت واحملت حمل العليه

من شفت خويه الشمر حز النحر..انهدم ياخويه كلبي جن حجر
كلبي بسرعه انهظم..احملت خويه الالم
خويه يحسين..خويه يحسين
************

لكيت جسمك خويه مملي من السهام
ونار كلبي تستعر مثل نار الخيام
ايدي حنيت بدموعي بدمك اقريت السلام
وارفعت جفي لربي من صحت هذا بكلام

ربي خذ مني قرباني القليل..هذا دم حسين ابن حامي الدخيل
هذا دمك ياعلم..احملت خويه الالم
خويه يحسين..خويه يحسين
************

غابت الشمس بمغيبك وارتفع حال الظلام
الدنيه حزنانه وتنادي ياامام ابن الامام
ربي الباري يخصكم خويه وارسلك سلام
نزلت اعل الارض كله املاك وزهور وحمام

لبت اشجان الامر من الجليل..حان موعد هاللقاء أوي الخليل
اليوم من خط القلم..احملت خويه الالم
خويه يحسين..خويه يحسين
***********

خادم اهل البيت
ابو علي السعيدي