مسير سفينة نوح -- دم هامته مسفوح -- وفاة الامير ع

المستهل

---

صارت فجيعه اليوم -- وعيسى نزل مهموم

مسير سفينة نوح -- دم هامته مسفوح

----

من سماء القدره نازل عيسى هاليله الرهيبه

سامع اينادي المنادي خضبوا دين لله شيبه

وهدموا ركن الديانه فجعه عالامه ومصيبه

شاهَد الدنيه مكدره ظلمه وبحاله غريبه

عيسى بقه مذهول --- لاهذا مو معقول

حيدر علي المطروح --- دم هامته مسفوح

-----

عيسى متعجب يشاهد هذا ياهو براسه طبره

هذا سياف ومبارز خله للكفار عِبره

هذا چتال ابن ود الحارت الفرسان بمره

هذا داحي الباب هذا وعيسى يتألم ينظره

يمه گعد ويشوف -- وجهه علي مخطوف

بس الجسد لاروح -- دم هامته مسفوح

------------

عيسى يم راس الصميده ينظر الغُرة جبينه

هم صدگ راس المناقب هذا هوه امعصبينه

انبياء وكل رسلها عن يساره وعن يمينه

واگف ايشاهد محمد للمصيبه تجري عينه

والهادي يجري العين -- ويه الحسن وحسين

وموسى وبچه اوياه نوح -- دم هامته مسفوح

------

فُجعه ماصارت مثلهااتجرَحت منها الظماير

كل ملك هاليله امسه بالسمه امن الفجعه حاير

هذا قرآن لله حيدر ينغدر من اقسى جاير

شفرة الصارم يسمها من عمت ذيچ البصاير

سيف الغدر مسموم -- ومحرابه فاض ادموم

دين لله تم مذبوح -- دم هامته مسفوح

------

جازوا اتعاب الصميده بالغدر اهل الضغينه

نكروا اشوصه وصيته لامته الهادي نبينه

من علن يوم الغدير وعالملا اصبح امينه

وبخبخت كلها ابلسنها والعهد انشدها وينه

أمر الله من نكروه -- الحيدر حقد ظمروه

حقد اعمى منها ايفوح -- دم هامته مسفوح

-------

ضيعت درب القويم الامه من بعد الهدايه

سفكوا الدم الشريف بحقه هاي اعظم جنايه

حيدر الچان ابنظاله يسحگ ادروب المنايا

ما تخاذل ماتهاون تشهد بحقه البرايا

تشهد بدر وحنين -- وما دنگ ابصفين

وتحمل امن اجروح -- دم هامته مسفوح

-----
سيد عدنان الحمامي

الله الله الله الله الله الله الله الله الله الله الله الله الله

الله الله الله الله الله الله الله الله الله الله الله الله الله

جمممممممممممممميل ماكتبتم في حق امير المؤمنين

وكانت المفردات جدا جدا جدا جدا جميله لانه مسير سفينة نوح

كلووش حلو ولطيف

وكل ماتكتب في حق اهل البيت يدخل من القلب الى القلب

ونترقب كل جديد من ورائعك الحسينيه والعلويه بشغف سيدنا الجليل

وسئل الله العلي القدير ان يوفقك ويسدد خطاك بحق محمد وآل محمد

ولك الحمد وشكر عله هذه الولائيه التي تنجينه من النار الحمدلله

مع خالص تحياتي ومتنياتي لجنابك الغالي والمحترم

اللهم صل على محمد وعلى ال محمد وعجل فرجهم
اللهم العن قتلة امير المومنين
احسنتم سيدنا الغالي طيب الله انفاسكم الزكية
الفكرة روعة والكلمات أروع استاذنا
ورمضان دائم الخير والبركات عليكم وصيام مقبول
تحياتي وخالص الدعاء