عاشور هذا العام من جانه

مستهل
عاشور هذا العام من جانه
حسين ابو اليمه انجدد احزانه
...
لحسين حزني وحزنك بهل المسه
واحدنه أسود لو حزن ملبسه
كل الشباب بهل العزه اويانه
.
.
فاطمه بكل عاشور تنزف قهر
زينبها بالطف من سباها الدهر
تذبحت ويه حسين وليانه
.
.
بالطف ذبايح عالترب چم جسد
لاراس بالجثه صفت لا ابد
متروس كله جثث ميدانه
.
.
احواله هذا الكون صار بحزن
ينسمع بي كل ملك لمن يون
بالطف شهيد حسين عنوانه
.
.
منصب المأتم والعزة بكل بلد
حتى النبي حزنه عليهم شهد
توشحت بسود حتى دنيانه
.
.
الله أكبر جم طفل جم ظنه
جم شاب ذبحوا حتى عمره سنه
كلها حجاها الدهر بلسانه
.
.
حركوا خيم سحكوا أطفال وحرم
حتى الرضيع بمهده لا ماسلم
أصبح شهيد الطفل عنوانه
.
.
طف كربله صار النه اعظم درس
حتى الشباب انحرم من العرس
بكل بيت سد الفرح بيبانه
.
.
وچفوف النه اعله النهر شاهده
وعين بسهم طفاها جور العده
وبلا حمه عباس صيوانه
.
.
انصاره سبعين الكضوا عالارض
ورفع الرؤس اعله الرمح ينفرض
بيهم الدين الثبت بنيانه

طيب الله أنفاسكم، وأحسن الله إليكم، وجزاكم عن سيد الشهداء خير الجزاء.
لقد أجدتم في تصوير المصاب، وأحييتم بصدق الكلمة لوعة عاشوراء في القلوب. فما دام هناك قلمٌ يذكر الحسين عليه السلام، فإن رسالة كربلاء تبقى حيّة في ضمير الأمة.
نسأل الله أن يجعل هذا الشعر في ميزان حسناتكم، وأن يكتب لكم أجر الباكين والمبكين على الإمام الحسين بن علي، وأن يرزقكم شفاعته يوم الورود، ويثبتكم على نهج محمد وآله الأطهار.
هنيئًا لكم خدمة المنبر الحسيني بالكلمة الصادقة، وهنيئًا لهذا اللسان الذي نطق بذكر المظلوم، ونسأل الله أن يرزقكم دوام التوفيق والإخلاص، وأن يكون أجركم عند أبي عبد الله عليه السلام، حيث لا يضيع أجر المحسنين.
عظّم الله أجوركم، وطيب الله أنفاسكم، وجعلنا وإياكم من خُدّام الحسين عليه السلام، ومن السائرين على نهجه حتى نلقاه وهو راضٍ عنا.