|
#1
08-04-2018, 08:59 AM
|
||||||||||
|
||||||||||
ياغربة الاوطان - وفاة الامام الجواد ع
ااستشهاد الامام محمد الجواد ع
. المستهل ....... ياغربة الاوطان ... شتعذب ألأنسان فرگه وألم وجروح ... تحمل بعد ياروح شتعذب الانسان -- عالرضا قبل الجواد وقبله عالكاظم مصيبه أتغرّبوا تركوا وطنهم كل محب فارگ حبيبه مارحم بيهم قدرهم كل چبد يسعر لهيبه والذي يختم حياته اجنازته تصبح غريبه الكاظم سجن وقيود -- لهله النعش ميعود ظل عالجسر مطروح – تحمل بعد ياروح شتعذب الانسان ...... من چبد بالسم تگطع من غريب امفارگ أبنه أمن الرضا لأبنه الجواد الرايد ابلهفه يحظنه والألم من سم دليله بدمعة اعيونه يسكنه هوه هم مثله غريب ويدري هاي الغربه محنه بطوس الرضا ينعاك -- يوليدي ألله أوياك يبني الجواد أتروح – تحمل بعد ياروح شتعذب الانسان ……… امصيبه فوگ أمصيبه مرّت عالهواشم مامثلها فاطمه المعصومه ظلت بالغرب لايم اهلها وزينب العاشت مصايب دمعه عالدمعه تهلها لو رقيه وراس ابوها اتعيش عگبه ما مهلها لو بالبقيع اگبور -- محرومه حتى النور أچبود ودمع مسفوح – تحمل بعد ياروح شتعذب الانسان -- ياجواد الامه انته للمراد أكبر وسيله انته باب الرحمه انته انته للتايه دليله والطلب منك طلبته اتفرحه اتبّرد غليله عدنه طلبه ردنه منك شافي ارواح العليله يالتكرم الوفاد -- منك نريد أمراد الغيرك ابد منروح – تحمل بعد ياروح شتعذب الانسان -- انتو باب الرحمه ربكم عالبشر انزل رحمته بيكم الباري رحمنه وتمم اعلينه نعمته والذي يذرف لجلكم دمعه تشفع له دمعته شمعه وبگبره تضوي وعينه مسروره بوحشته انجدد عهد هاليوم -- نخدمكم انظل دوم والشارك بهل النوح – تحمل بعد ياروح شتعذب الانسان -- سيد عدنان الحمامي 
|
|
08-04-2018, 09:41 AM
|
#2 | |
 مديــر عام
|
وفاة الامام الجواد عليه السلام
بما انه دفن بجوار الامام موسى الكاظم عليهم السلام فكانت هذه القصيده وصورتها اسئل الله القبول -- -- يالكاظم دمعتك خلها هماله اتلگاه للجواد وعاين الحاله -- يالكاظم أدموعك خل تهل اليوم وبحرگة گلب عاللي گضه مسموم والبس للحزن سدوه لمصابه اهدوم وأگعد لوردت يالكاظم اگباله -- اگباله تگعد ونشده شنو الاسباب وبعينك تشاهد چبده بالسم ذاب ماتنفع ملامه ولايفيد اعتاب سم النال چبدك چبده هم ناله --- اتلگاه للجواد وياهظم عنده ابكظم الغيظ اجاك ومنگطع چبده شوف الياسبب والياجرم عنده بالسم هالخصم ياوسفه يغتاله -- يغتاله عليمن سولف انته أوياه هم مثلك قساوه راوته دنياه مثل ماتنغدر هذا الغدر يدناه يالكاظم ومثلك غيبوا اهلاله -- اهلاله غاب وانصب للحزن مأتم يالكاظم ومنكم ياچبد يسلم لو بالسيف لو بالينغدر بالسم لو من الذبح ماتسلم اطفاله -- ابهذا الحال واحدكم بعد واحد بني أميه وظلمهم للوكت شاهد الجرايمهم كلمن يطّلع رايد ينشد كربله اعله حسين وعياله -- ورثوها البني العباس اعاديكم أخذوا من بني أميه الظلم ليكم كلها اتجمعت بحقادها اعليكم ومنهم للجواد اليوم چتاله -- سموه للجواد ومن گبل سموك يالكاظم وچم عام ابسجن خلوك بالسم غدرته هالوادم الغدروك ودلالك تفطر مثل دلاله -- سيد عدنان الحمامي |
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|