|
#1
02-19-2018, 10:25 AM
|
||||||||||
|
||||||||||
أشوف بعالم الرؤيه -- ولائيه
قصيده ولائيه
- - المستهل ..... بالزهره باچر لوصار ... يوم الحشر منجاتي .... اشوف بعالم الرؤيه ... چن يلحدني دفاني عليّ باب اللحد سده ----- ومشو صحبتي وخواني ظلام او وحشته ضليت ----- نكير ومنكر الجاني اگعد يالعبد جاوب ------ شجاوب عگدوا الساني مرعوب واصد بالعين لچن گلبي نطق بالحين خادم لبوا ليمه حسين أخدم أله بهاي الدار ... يوم الحشر منجاتي ---------------------------------- عافوني وخفوا بالحين ------ لن حسين يلفاني يگلي يالچنت تذكر -------- حشاك اهناك تنساني حاظر يالمحب يمك -------- شفيع الباري خلاني وكل الي ذرف دمعه ------- ادخله اوياي بجناني تطفي النار هالدمعه وبلحدك الك شمعه ترثيني بأ لم تنعه والدمع لوهل مدرار ... يوم الحشر منجاتي ......... ابمد البصر وبلحضه ------- وگفت ابساحة المحشر واشوف النبي واولاده ------ ايمتي اشبحت ليه انظر النواضر لاحن العباس ------- من شوگي ركظت اعبر على الوادم واهم اعليه ----- اشبگه ومنه اتعطر تلگاني بلا چفين احظنته احضني بالزندين لن ذاك السهم بالعين بيهم اواسي المختار ..... يوم الحشر منجاتي -------------------------------- العبره اهناك خنگتني ---- مر موقف رهيب النوب حرمه با لحزن والهم ---- ملهوفه تدور اتلوب دم الدمع جريانه ------ ونتها ابگلب معطوب بس يحسين اه حسين ---- تصرخ والسمعها ايذوب اثاري ام البنين اهنا ه امضيعه اعزيزها وتلگاه ابو اليمه الطفل وياه دمعي يهل جمرة نار .... يوم الحشر منجاتي ............. يمين انظرت بعيوني ----- بصرت الحشر والوادم كلها واگفه اهناكه ------ مبغض محب والنادم لن سمعي دخله صوت ------- غضو البصر للقادم طخو روسكم يا ناس ------- نظركم للجدم لازم لن الطاهره ام حسين بديها رافعه الچفين والمثلث وسهم العين گلبي بعد مايحتار .... يوم الحشر منجاتي --------------------------------- اجاها الصوت شتأمرين ----- گالت سيدي المعبود اريدن شيعتي منك ------- منطيني عليها اوعود واطلب مغفره ليهم ------- وبالرحمه عليهم جود كلها ابجنتك ربي -------- اريد اتجازي يامحمود تدري يالاهي ابدم واسوني وتحملوا هم وجاري اعليه مدمعهم برحمة الاه الجبار .... يوم الحشر منجاتي ----------- سيد عدنان الحمامي 
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|