بعيوني صورتها..بكبتك من طفتها

بعيوني صورتها..بكبتك من طفتها
منك خذت كحلها.. أعيوني كحلتها
منك خذت كحلها
&&&
نتمنه يوم نزوره..بالصحن ناخذ صوره
منها يشع يانوره..روحي تظل مبهوره
اتمنه هذا قدري..عليه الامر من يسري
اخدم اظل ياعمري..ويضمني هوه ابسوره
خدمتي من ردتها..بالحلم اطلبتها
يمك يظل املها
&&&
احلى حلم حلمته..ابواقعي من شفته
بجفوفي ضيفك شلته..بعيوني من خدمته
زاير الك متعني..عن كربله يسئلني
شتريد كتله مني..دمعي بعجل هملته
خدمتك ماعفتها..بااروع مثل جسدتها
خادم الك جعلها
&&&
اخدم الك بعيوني..الزوار يوم يجوني
بحبك لون لاموني..الناصبه ايبجوني
هاي الصفه معروفه..فجرونه يوم انطوفه
الجرح بيك انروفه..خادم الك سموني
بكلبي من اكتبتها..خدمتك اني اجعلتها
ربك الي رسلها
&&&
اخدم الك يغالي..ميهمني جور الوالي
تدريه لعب بحوالي..ربحي تظل واموالي
بالجنه انته يالوتد..توفلي ادري بالوعد
انته اليه والسند..توكف تصير اكبالي
خدمتك من دمتها..رصيدي من ظفتها
دمعك لون هملها
&&&
خدمتك تجري بينه..واجب تصير علينه
الكم صدك حبينه..نفدي العمر واسنينه
بالروح باقي للازل..انت ابن خير العمل
تبجي كل هاي المقل..تشهد علينه ادينه
بنوح ولطم جبتها..روحي الك سمتها
روحي تحب اجلها
&&&
يوم النجي نواسيكم..اسود لبسنه عليكم
هذا الدمع نهديكم..نوح ولطم نجيكم
كلمن حضر واساكم..يبقى يعيش وياكم
طول العمر يتناكم..طول العمر يباريكم
الدنيه من عفتها..بااول امر بعتها
اعرف صدك عملها
&&&


خادم اهل البيت
ابو علي السعيدي

ياعباس ياعباس
يالماعرفت الخوف..ياللي نطيت جفوف
ياعباس ياعباس
&&&
احنه كل عام اليجينه الله يشهد
نرفع عليكم روايه و نلبس اسود
بحركه نلطمه الصدور ودمعه بالخد
المحاضر ويانه يلطم نحسبه مرتد
كلما نصيح حسين..تنزل دموع العين
ياعباس ياعباس
&&&
لو اجه سابع محرم تدري شيصير
توكف اهواي المواكب عينك تحير
تلطم عل الصدر مره مره تطبير
روحك تروح بحشدهم وياهم تسير
روحك تروح هناك..تلطم بسم مولاك
ياعباس ياعباس
&&&
أسنين من ننصب عزاكم من زغرنه
هاي من ربك كرامه بيها سرنه
نكظي بالخدمه الجليله كل عمرنه
النفس تامر علينه ومو امرنه
تامرنه بالزينات..نحيها ذكرى المات
ياعباس ياعباس
&&&
بيهم الخدمه عظيمه ومن خدمهم
منهم ينال الشفاعه بجاه جدهم
تحضر الزهره الزجيه وبعلمهم
توكف تحي المواكب تبجي يمهم
يمهم تخلي اشموع..وبجفك المكطوع
ياعباس ياعباس
&&&
بسابعك احنه خدمكم عدنه اسرار
كلنه نكعد بالشوارع نترك الدار
للصبح ننصب عزيه احنه الانصار
ندري بالزهره تجينه وموش خطار
تبجي وتصيح الناس..انعزي ام عباس
ياعباس ياعباس
&&&
بهالمصاب اليوم من ننصب عزيه
نعزي امك يالبطل بسم الزجيه
اسمع اصوات التنادي بهالمسيه
ويل لااصحاب الظلاله من ال اميه
كلنه نصيح بصوت..وياكم احنه نموت
ياعباس ياعباس
&&&
بالحشد هذا المقدس اردعنه ظلام
بسمك انت يبو فاضل انرفعت اعلام
قاتلت كل الدواعش عدنه خدام
عل المنابر بالسواتر كلها متنام
ويانه هيه اتنوح..وتصيح يامذبوح
ياعباس ياعباس
&&&
خادم اهل البيت
ابو علي السعيدي

بسم الله الرحمن الرحيم
اللهم صل على محمد وآل محمد وعجل فرجهم وسهل مخرجهم

وصل اللهم على فاطمة وأبيها وبعلها وبنيها والسر المستودع فيها عدد ماأحاط به علمك
وعجل فرج يوسفها الغائب ونجمها الثاقب واجعلنا من خلص شيعته ومنتظريه وأحبابه يا الله
السلام على بقية الله في البلاد وحجته على سائر العباد ورحمة الله وبركاته

التوفيق الدائم في هذا

المشوار النبيل

وربي يسلمكم ويحفظكم ان شاء الله

دعائي لكم دائما