لاتظن .. مات الكلب من اقترب اجلكم

الدنيه خصام عدكم ..مات ابوها
فعلتو افعال ندري..مات ابوها
يتيمه بعين تنظر..مات ابوها
تشوف الناس مابيهم حميه
&&&

لاتظن .. مات الكلب من اقترب اجلكم
لاتظن.. غاب الكمر من انتهى عمركم
راية انتصارك..تبقى عل دارك
&&&
يبني تعرف روحي يمك مستراحه
تدري باليترك اخوته يكظي عمره بالنياحه
تهيج كل ساعه شجون وي جراحه
نذكر ايامك تجينه البيه راحه
مايرد..نفس الزمن بديله
مايرد..لم الشمل والعيله
اعرفت خيارك.. تبقى عل دارك
&&&
شرد اسولفلك واكلك عل الاماني
راحت وياكم صفت ذكرى بمجاني
اسنين عيني عالدرب تنطر تتاني
يمته يالغايب تجينه شكد نعاني
لا تسل..شنهو الجره علينه
لاتسل..بس الهظم جنينه
طال انتظارك.. تبقى عل دارك
&&&
يبني بعيوني شفتها انته السماحه
يالرحت عني اتركتني بهل النياحه
واحملت ظيم الزمن هوه ورماحه
هاي دنيتنه مصايب بس وقاحه
لا تنتظر..حمل الوكع ماشيله
لا تنتظر..راسي العدو احنيله
يالكلت خيارك.. تبقى عل دارك
&&&



بالكلب كثرت همومي والف وجعه
ونزلت من عيوني دمعه باثر دمعه
يالغبت من عيني رحت بيوم جمعه
لو تشوف الحال عدنه وشنهو وضعه
لا ترتجي..تنسى مكانك داري
لاترتجي..انسى صعب قراري
تسئل عل دارك.. اسمعت قرارك
&&&
لو دريت اشصار بيه من عفتكم
ظلت بكلبي وعيوني كل صوركم
انه محتاره بزماني شنهو اكلكم
يبني احملت الماسي من هجركم
ياوضع ..يرحم بشر بهل المصايب
ياوضع.. واكبر وضع أفراك الحبايب
تمشي ابمدارك.. تبقى عل دارك
&&&
ابتدت هل اليوم قصتها حياتي
وبرحلتي هالطويل وكل صفاتي
احملت ضيم النوايب لحد مماتي
انت يالاغلى عليه من غلاتي
اتاملك ..ترجع الي نفس الوضع اتاني
اتاملك ..نكعد سوه ونحقق الاماني
تكظي نهارك.. تبقى عل دارك
&&&
يالكسرت اكلبي وحدك لا تهاجر
عليك يبني تبقى مشبوحه النواظر
انت يالعايش بعيد اعل السواتر
لا تخليني بهمومي ابقى حاير
اتاملت..ترجع الي وتجلب سعادت عيني
اتاملت..توصل تجي وتمسح عرك جبيني
احملت شعارك.. تبقى عل دارك
&&&


خادم اهل البيت
ابو علي السعيدي