|
#1
09-01-2015, 02:50 PM
|
||||||||||
|
||||||||||
للقاسم ع -- گعده --- ياهي الفكدت اوحّيد تجيني
گعده في حق القاسم ع
................ المستهل ......... ياهي الفگدت اوحّيد تجيني اتشاركني بدمع عيني او ونيني اصفگ راح بالراح --- جاسم من فگدته ........... وين يا أم عدها واحد راح من يمها وفجعها ونصبت ابداره المناحه وينزف اعله الخد دمعها خل تجي اتسولفلي همها هم طوت مثلي ضلعها هم مثلي محنية ضلع ---- هم جمر من تبچي الدمع مو آنه طفولي شمع ---- مصيبتي محّد جرعها جاسم من ابوه عندي أمانه لابيّ يرحم وبيّه زمانه تعبي وعمري چن راح --- جاسم من فگته ..................... هذا يوم الام تريده بالابن مهجتها تفرح تبتهج كل الجوارح بالاماني الفكر يسرح رمله ماحسّبت لمن فاگده اوحّيدها تصبح مايرحم صواب الدهر -- ضيعت اتعاب السهر ابجسام يفجعها القدر -- والقدر شفراته تذبح ذباحك عسن گبلك ذبحني ولا فرگاك ياجاسم جرحني لاطر يوم مصباح --- جاسم من فگته .............. گبل ميودعني گلي رايد العمي انصره هوه رباني بحنانه كون اطش عمري اعله عمره ولازم اوفيله واضحي هالنحر من گبل نحره افديله روحي ومهجتي –- لو طفوا حتى شمعتي ومن دمي تصبح حنتي -- عمي غالي اعليه قدره يمّه للنصر حني اديه --- عرسي بالطفوف ايلوگ اليه هالنهظه للاصلح -- جاسم فگته .................... اهدعش عام سنين عمره اويه الاقمار الهاشميه اتربه بحظان الامامه العرس يوم الغاضريه عرسه للثوار فرحه وفوز لنفوس الابيه جسام قدوه الكل فته – الاحرار كلها عرفته ماراد ذله ابدنيته – راد نصره بهل القضيه ساحات الشرف والعز تريده --- وبدم النصر حناها ايده وليل الظلم ينزاح --- جاسم من فگته ................. هاي فتيان الكرامه الاصبحت للحق طلاسم حلمه من الحسن عوده او صبر عمه عنده جاسم والشجاعه حيدريه وبالحرايب وجهه باسم ابساحة الحريه ظفر --- وبدمه عالطاغي انتصر جسام خلّد هالاثر --- بانتصاره الچان حاسم كل حر وشهم هذا خياره --- لابد يحسم بعزمه انتصاره وهلال النصر لاح --- جاسم من فگدته ...................... هاي هيه الدنيه بيها لو فرح لو حزن قاسي والذي تفگد ظناها اتبچي لجبال الرواسي وآنه فگد وليدي مني شيب اعله وليدي راسي ظليت بجروح الحزن ---لا أهدأ ولا استچن كون اجرح بدمعي الجفن --- وياهي لأم جاسم تواسي واسوني افگدت زينة الشبان --- واسوني بدمع عيني والاحزان شيطيب هالجراح --- جاسم من فگدته __.................................... المصيبه ..... انطفت شمعة بيتي اظلم صار بعيوني نهاري والعمد طاح وتهدم بالمصيبه اعليه داري بيش أسكّن دمع عيني بيش اطفي بگلبي ناري راح العزيز ومارجع من صدري چن گلبي وگع ونّ البروحي ماهجع راح من اييد امه جاسم بعد ماتنفع مناحه .................. 
|
|
09-05-2015, 11:01 PM
|
#2 | |||
|
المراقبين
|
السلام على القاسم ابن الحسن ابن علي ورحمة الله بركاته أجركم على عريس كربلا القاسم علية السلام .. قضى الله حوائجكم و يسر أموركم .. دمتم و دام عطائكم الولائي ... نسألكم خالص الدعاء .. |
|||
|
اِلـهي هَبْ لي كَمالَ الانْقِطاعِ اِلَيْكَ، وَاَنِرْ اَبْصارَ قُلُوبِنا بِضِياءِ نَظَرِها اِلَيْكَ، حَتّى تَخْرِقَ اَبْصارُ الْقُلُوبِ حُجُبَ النُّورِ فَتَصِلَ اِلى مَعْدِنِ الْعَظَمَةِ، وَتَصيرَ اَرْواحُنا مُعَلَّقَةً بِعِزِّ قُدْسِكَ. اِلـهي وَاْجَعَلْني مِمَّنْ نادَيْتَهُ فَاَجابَكَ، وَلاحَظْتَهُ فَصَعِقَ لِجَلالِكَ، فَناجَيْتَهُ سِرّاً وَعَمِلَ لَكَ جَهْراً.
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|