|
#1
11-05-2014, 11:52 PM
|
||||||||
|
||||||||
]الى ليلة الوحشه اقول (407)
الى ليلة الوحشه اقول
(407) &&&&& (1) يامن بكته السماء..خامس اهل الكساء مرفوع راسه عالرمح..من الكفه هوه منذبح يامن بكته الانبياء &&& دمك الطاهر نذرته انت للباري نطيته مانسيت الذكر لحظه وربك العالي رعيته حتى الظالم نصحته واليذبحك ذكريته ثبت الاسلام دمك وانته لدينك فديته ياشرف كطرات الدماء..هاي دم الانبياء اليوم كلبي منجرح &&& انذرت عمرك فديته وجاهدت حق الجهاد لجل دين الله ورسول وماتظل هاي العباد وجانت الرحله الاخير تخلدك ارض السواد كل سنه وكل عام ذكرك ينعلن بيه الحداد الك بس تنطي الولاء..والك تحمل هاللواء انت يااعظم صرح &&& ماتهاب الموت انته ويعرفك كل المله من وكفت تنادي الهم تصيح صوت بكربله والحضر يسمع حجيكم وبيه يسمع حرمله خبرت زينب رحيلك وكلت حمل العايله يوم سمعت النداء..حضرت دمع البكاء والحزن عند الصبح &&& انجرح عز الهواشم يوم ناديت الرحيل وبلغت اخر وصيه لزينب وصية الكفيل زينب اختي ياعظيمه عينج بعين العليل يحضرج حاضر الشده ذاك حماي الدخيل يمج يظل اللواء..يختي يجمعنه اللقاء ودمعتج من تنمسح &&& عل الرمح مرفوع راسك وتنظر لحالة رقيه مكيده بطوك الحديد وي الظعن تمشي سبيه توجهت للشام تمشي وي اشرار البريه تركت اجساد العزيزه رافكت راس الشفيه تسمع اصوات النداء..صوت يدوي كربلاء يصيح هذا اكبر جرح &&& الجرح كلش جبير ومايفيد ضماد بيه حزن يعكوب الجرالي وبعد اكثر هم عليه من شفت طاح ابو فاضل من المهر ذيج المسيه ولا بكه واحد بخوتي وزينب انه امشي سبيه وي اشقى الاشقياء..انحجب نور الضياء انتهى وكت الصلح &&& خادم اهل البيت ابو علي السعيدي &&&&&&&&&&&&&&&&&&&&&&&&&&& (2) عباس ياغيرة هلي ونخوتي..انهض يخويه واستمع شكوتي انهض يخويه الي..عباس غيرت علي ********************** زينب اتحاجي اخوهه..اتكلهه ياخويه وعضدي عمري ماينفع بدونك.. كلبي ينزف وي وريدي لو رحلت ورحت مني..وافركت راحته ايدي يصبح الهم العليه..ثكل طبكات الدنيه..شلون حالي بهالرزيه لا اصيح ولا اذلن للعبيدي عباس ياخويه اشعظم حيرتي..كوم انهض وردني لديرتي انهض يخويه بمحملي..عباس غيرت علي ******************** عباس يحجي وي العقيله..يكله اسولفج يحره حسين من يبقه وحيد..هاي بيه الف عبره أجمعت الاف ضده.. وقلت اعلينه النصره بيه كلبج ينشلع..وحدج بهذا الوضع..اتذكري يوم الظلع تذكري انتي الزهره لو شفتي خويه رايتي..مكطوعه خويه بيمنتي تعرفين طايح مبتلي..عباس غيرت علي ****************** زينب تحاجي وليهه..كبل ساعاته الاخيره تكله ياعباس خويه..شلون من بعدك بحيره يوم تهجم ال اميه..واصبحت خويه اسيره اذكرت خويه الزجيه..يوم وصتني وصيه..كالت اعله الغاضريه واقعه جدا مريره اصبح يخويه كافله لعيلتي..بعدك يخويه اعلك رايتي والعيله وياي وهلي..عباس غيرت علي ***************** سلمت زينب للامر..وعرفت الجاري عليهه تعرفه اليجري ويصير ..عارفه مبلغه نبيهه كالته امهه الزجيه ..وبلغه حيدر وليهه شيجري عليهه ابكربله..هيه تحدي القافله..وتصير زينب الكافله تكود ناكته بيديهه حيره يخويه بعدك حيرتي..منهو اللي يردني لديرتي كلبي ظل يغلي غلي..عباس غيرت علي ********************** زينب بيوم الوداع..هايمه بهذا الجمع منه مفطور الدليل..يذوب حسرات الشمع تبجي وتون لوحده..بهيده أتنزل الدمع وحيد بين ال اميه..تشوف نار الغاضريه..يوم حلت هالمسيه الكلب ظل منشلع وتصيح وين انه اخوتي..يخوتني الهظمه هظمتي انهض يخويه يالولي..عباس غيرت علي ****************** من بعد حرك المخيم..زينب تنادي وليهه كوم خويه انهض يوالي..الحرمه كلي وشبديه كلي خويه عالظعن..منهو بعدك ظل عليه يركبني خويه بناكتي..والحسره هرشت جبدتي..وبصوت اصيحن اخوتي والشمر كام يحديهه وليه يخويه ولتني دنيتي..ضيعت دربي يخويه وسجتي غيرك بعد مالي..عباس غيرت علي خادم اهل البيت ابو علي السعيدي &&&&&&&&&&&&&&&&&&&&&&&& (3) شحال زينب هالمسيه..تودعه ابن الزجيه &&& تودعه زينب اخوهه..تبجي مهمومه اسمعوهه باجر الكوم السبوهه..تحضرت هيه سبيه &&& تحضرت هيه تصيح..وين جدي والمسيح باجر اوكف عالذبيح..باجر انشوف المنيه &&& باجر انشوف الخيم..تحترك وي العلم الليله دلالي انظم.. كلبي ناره تظل سريه &&& كلبي مهموم عل خوتي..الليله بيهم كل رجوتي اتمنه كون ويجي موتي..ولا اخوتي عل الوطيه &&& لا اخوتي البقو يمي..بويه منهو يشيل همي الليل من انهدر دمي..واصبحت لن خارجيه &&& اصبحت وحيده وكفيله..بويه مهمومه وعليله منهو يابويه أشتكيله..وين حمامي الحميه &&& وين حماي الدخيل..البقه بس العليل بعد عينك يالكفيل..دارت الدنيه عليه &&& دارت الدينه بهله..دمعتي يابويه هله عيلتك منهو كفلهه.. ثكل ياحمل العليه &&& ثكل ياحمل الكفلته..غصب يابويه حملته واجب علينه انه شلته..انه الحره الابيه &&& خادم اهل البيت ابو علي السعيدي &&&&&&&&&&&&&&&&&&&&&&&&&&& (4) قدر محتوم يخويه حسين صعبه من تودعوني على الاهات والحسرات والدمعات بعيوني &&&& ياهو الاسئله عنكم ويردلي وصايكم نخوتي اليوم ياخوتي ريت الباري يرعاكم ظلمه دنيتي بعيني وحشه الدار بجفاكم حرمه بلا ولي ظليت وانه الجنت بحماكم اسأل مايجيبوني...ام الحزن سموني...يخوتي طحت عينوني عجب بالسرعه تنسوني وانه مساهره عيوني &&& سهرت يالولي عيوني وعكبك ماحلالي النوم ظلت خاليه اخيمكم بس اسكينه وام كلثوم وبطفالك يخويه اشلون من هجمت علينه الكوم بيهه حركو اخيمنه وكلبي من الحزن مهموم عيوني ساهرت وياك ...وكلبي ابد ما ينساك...اتيسر بعد فركاك مشيت اعداك هظموني وبالاسواط ضربوني &&& سبيا اليوم ياخويه اهل الشام سمونه محتاره وعليل وياي عالهزل يركبونه همي بالكلب ياخوي بين اعداك خلونه اسيره مكيده وللشام لهل الكفر ودونه تتفرج علينه الناس..وانه مخدرت عباس..واحنه للهدى نبراس لاواحد سأل عني شكولن من يسألوني &&& شكولن من يسأ لوني وين اخوتج يازينب اطفال وحرم وياي واصوات النسه تنحب وين الاكبر وجسام وين الراهب الملعب وينه الحاضر الشدات حيدر سيف المجرب نخيتك ياعلي مره...تحضر امي الزهره...زينب انه الحره وحيده ابكيت بين الكوم عدمن جا تخلوني &&& وحيده ابكيت بين الكوم راحو ساعدي ويمناي همه الضخر بالشدت منهل للعلم والراي اسأل وين اخوي احسين أوين الكال اجيب الماي سبيا والعليل ايلوج ظلت بس حرم وياي وينه حيدر الضرغام....بيده يحمل الصمصام....وين الاكبر و جسام جاوين الوعد يكرام هنا يالي كفلتوني &&& بيكم جنت مهيوبه وتدري الهيبه للخوان وانه بلا اخو ظليت تحدي بالضعن عدوان وين اخواني الجانت ترهب ساحة الميدان انتو الاخوه والنعمين والكم يشهد القرأءن ابن فارس بدر وحنين.....عباس وحسن وحسين.....اركان الهدى والدين شلون بهم تخلوني وحيده اشلون عفتوني &&& بيكم يثبت الاسلام بالدم صارت الحنه شلون بهم تخلوني هنا ياسادة الجنه بيكم تطلب الغفران شيعه وصابئه وسنه وبان بكل كتر مخفي شوف وسمع بان النه كلشي واضح ومعروف.....بدمه سطراها احروف.....يوم التعتنيله اصفوف يوم الحشر امي تصيح كل الشيعه بعيوني &&& لخادم اهل البيت ابو علي السعيدي &&&&&&&&&&&&&&&&&&&&&&&&&&&&&&&& (5) يشايل جسم ابو اليمه.. امانه وياك اوديهه گل لحسن ولعباس .. اختكم من يباريهه &&& يشايل جسم ابو اليمه .. خذت روحي ودليلي اوياه ريّض خل اودعنــــــــه .. مانگدر على فرگـــــــــاه غــربه ودوهنانـــه البين .. نتيتم تره بجفــــــــاه وارحم حالة السجـــاد .. وارحم علته وشــكــــواه اصيح وما يسمعوني.....عليهم راحت اعيوني..... يخوتي بهاي ارحموني اصيح بصوت خويه حسين .. عيالك من يداريهه &&& اصيح بصوت خويه حسين .. عدمن ودعتني اليوم وانه بس عليل ويـــــــاي .. علينه اتحاشمت هالگوم اصد بهظم لسكينـــــــــه .. وارد ابــنوح لام كلثوم واصــد لحاله السجــــــــــاد .. واطفالك عليه تحـــــوم ارحم حالتي ويسري..... يخويه محيره بامري.....بين اهمومي وصبري لوين مدوهنه اعيالك غيرك ياهو واليهه &&& ارحم حالتي وهظمـي .. ولوعات الشمر بينه تمنيت الكفلني اليوم .. ينظر حالة سكينـــه واشكيله الجره والصار .. الگوم الدارت اعلينــــه شــــبت بالخيم نيران .. مــا تگعد يوالينــــــه اگعد شوفني بيا حال.....مسبيه ودمع همال.....صرنه بولية الانذال اختك يبن حامي الجار ترضه الشمر يسبيهه &&& اگعد شوفنه بيا حــال .. من بعد الخدر وحماك صرت ام الحزن والنوح .. خويه من بعد فرگــــاك عگب احماك يا عبــــــــاس .. اتيسر عگب عينـــــــاك وانته الكافل ضعـــــــوني .. ماتگعد تشوف الــــــواك ماتگعد يواليهه.....واگب كربله بيهه.....چفوفك من يلاويهه وانت البطل ياعباس ترضه الگوم تحديهه &&& الخيل بصدري كون اتدوس .. خويه الداست ابصدرك بيهه ارتجت الدنيــــــــه .. يوم الشمر حز نحــــرك هتاف من السماء ايگــول.. سلم يالولـــــــي امرك سلام الله الــــــك يحسين .. وسلام الباسك بثغــــرك هذا جدك الهادي.....ابوكم بالظعن حادي.....وامك يمه اتنادي اهنا يلي عدة يوسف زينب ليه تحميهه &&& لخادم اهل البيت ابو علي السعيدي &&&&&&&&&&&&&&&&&&&&&&&&&&&&&&&& (6) شيعتهم اخت وتشيع حماها.. فاركتهم والحزن منهم خذاها حملك وكع حملته..وينك يكافل اخته &&&& عمري كظيته وي خوتي ومن عمرهم اسنين الهم من اباري من زغرهم ماتت امي وبحزنه وصرت امهم عشت ايامي حزينه ومن حزنهم ياحزن هاي المسيه..كظيت عمري بالاذيه ابنك بحضني شلته..وينك يكافل اخته &&&& قصة الخنساء اذكر اله ماتو اربعه اني خوتي صار بيهم والله اكبرفاجعه طاحو عالغبره كلهم والبقه بالمشرعه السهم نابت بعينه والجفوف مكطعه عالنهر بالغاضريه..مبتره اجفوفه اليه اخوي اشدك نطرته..وينك يكافل اخته &&&& من رحت ياخوي همي صار وجعه اعرفت ماترد ليه وماكو رجعه غركت عيني الدموع وتبقه دمعه ظلت لحد النهايه خلك شمعه فاركتنه المنيه.. همي كبر عليه دمعي يخي هملته..وينك يكافل اخته &&&& من فكدت اخواني البيهم روجتي ايست من الحيات وردت موتي الدمع هوه اللي يحجي انخرس صوتي يسمع الباري دعائي وكل شكوتي ارفعت اثنين اديه..ودمعي ينزل عالرزيه دمعي الك ذخرته..وينك يكافل اخته &&&& انه بنتك يالصميد يطول وني سولفت حتى السماء وحجت عني اني علمت الحزن ماضحك سني انه الويت الليالي ما لوني يشهد الباري عليه..وتشهد دموع الزجيه عليك النهر سئلته..وينك يكافل اخته &&&& خادم اهل البيت ابو علي السعيدي 
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|