قصائد متنوعه لمحرم اقول (391)

قصائد متنوعه لمحرم اقول
(391)
&&&&&
(1)
اجفوفه ابو فاضل بترها...لااجل زينب ولخدرها
&&&&
اجفوف ابو فاضل رميه.. عل النهر بالغاضريه
يوم طاح على الوطيه.. بان بيهم كل غدرها
&&&&
طلبته سكــنه اميه. .من سمع منه الشجيه
صـــاح افا عا لدنيه.. وبعد مايكدر عذرها
&&&&
كال نؤمن بالقضـيه.. وادري بالـجاري عليه
ماتهزني اجموع اميه.. ومانهاب احنه خطرها
&&&&
كطعيت اجفوف اديـه.. مني لزينــب هديه
جي شفت زينب سبيه.. تواسي زينب وي يسرها
&&&&
من شفت ابن الدعيه.. يريد ذل الهاشميـه
قدمت روحي ضحيه.. وغبت بالطف ياكمرها
&&&&
يسمع الباري ونبيه.. يوم حلت هل البليه
وانسبت حــتى رقيه.. تحملت ظيم بسفرها
&&&&
ريت خويه البيك بيه.. ياابن حامــــي الحميه
شلون حالي بهل الرزيه.. والشمر كام يأمرها
يوم تطلع الزجيــــه.. تطالب بدمي واديه
شوفو اشكالت عليه.. تبجي وتكت بدمعها
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&&&
(2)
انه بحيره..ياابو الغيره
ياابو الغيره..انه بحيره
&&&&
ياخويه الجرالي .. عكب عينك يوالي
بس يبقى سؤالي ..وجهي ليك اديره
&&&&
ابن حيدر يعباس..كوم وشوف الارجاس
لاذمه ولاحساس..لاذمه ولا غيره
&&&&
كوم ابن الدعيه..اندارو عليه
اني الهاشميه..بت حيدر اميره
&&&&
خويه شفت الاهوال..همي بكبر الاجبال
وتغير تره الحال..حالي ويامصيره
&&&&
شفت جفك يعباس..بخيل العده ينداس
صحت بغير احساس..وعيوني البصيره
&&&&
شفت من الدنيه..راوتني المنيه
انه امشي سبيه..تالي اصبح اسيره
&&&&
شفت كل العجايب..احملت ظيم المصايب
واهموم النوايب..ايامي الاخيره
&&&&
شفت اهموم واهموم..فارك عيني النوم
يوم الدارت الكوم..الكل الهه عشيره
&&&&
هوايه شافت العين..من هاي المجرمين
تالي رحت لاوينلا..امشي انه حسيره
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&&&&&
(3)
ريتك ريتك..انه انتخيتك
ريتك ريتك..خويه بحميتك
&&&&
خويه يعباس.كل هاي الارجاس..تنظر عليه
يوم انسبينه..خويه انولينه..من ا ل أميه
حادينه وينه..حادي الظعينه..هاي المسيه
تسالني الناس..عنك يعباس..شنهو البديه
صاحت صاحت زينب يخوتي
صاحت صاحت الكم شكوتي
&&&&
خويه النوايب..وي المصايب..الهن رهينه
ياحال الاضلوع..اكفكف بالدموع..منهن روينه
شفت الرزايا..وهول المنايا..دارن علينه
حاله عجيبه..اصبح غريبه..غايب ولينه
ناحت ناحت كل البوادي
ناحت ناحت السبع الشدادي
&&&&
عمرك فنيته..خويه وفديته..لله ورسوله
اخر كلامك..توصي باامامك..بكلمه خجوله
ناديته مولاي..اعذرني عالماي..ترجو قبوله
زينب عفته..خويه اتركته..شنهي النكوله
راحت راحت تحدي الظعينه
راحت راحت اختي حزينه
&&&&
خويه دليلي..وينه كفيلي..وينك يعباس
سوده الليالي..عكبك يغالي..تاجي عل الراس
يوم العرفتك..خويه انه اختك..حاطتني حراس
كلبي تفطر..ياخويه وانطر..تسالني الناس
طاحت طاحت حتى الثريه
طاحت طاحت بالغاضريه
&&&&
سكنه حزينه..تساليني وينه.. زينب كفلج
راح من اديه..يااختي الابيه..شدلي حيلج
طايح عل الكاع..مبتوره الاذراع..زيدي بونينج
حزن الصميده..يختي نعيده..الله اليعينج
شافت شافت طايح وليهه
شافت شافت ينده عليهه
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&&&&&&
(4)
أنه ادري حسين ماينساني..غير شخصه مااحبن ثاني
غير شخصه ماكو بالدنيه انوجد..اعرفت هالشي من ابا وجد..ارضعتني امي حليبه بالمهد
مطرز اسمك عالمهد عنواني
&&&&
اسمك المكتوب في لوح الخلود..انت ربان السفينه باالوجود..منك تعلمنه يحسين الصمود
واسمك بكلبي طبع نيشاني
&&&&
اسمك بكلبي وكلب كل شيعتك..اجت زوارك اليوم الوالتك..ممشه عالرجلين تعلن بيعتك
وشرعت خادم الك بيباني
&&&&
خادم واتشرف انه بخدمتك..ياحسين احبك والدليل محبتك..عافت الديران كله اتعنت
واسمع الزاير اجه ينعاني
&&&&
ينعه الحسين وكصد يم كربله..راح يتلكه الحرم والعايله..اليوم ردت بالعقيله القافله
يرحم الله بالدمع واساني
&&&&
يرحم الله بالدمع كلمن يزور..وكاصد المشرعه يم جف الغيور..نادي الحجه وطالب بالظهور
وصيح صوتك سيدي شمتاني
&&&&
ننتظر جيتك يحجتنه العظيم..وننتظر وياك كون احنه نقيم..هالعزه لحسين ومصابه الاليم
وصلت لحد العظم ونعاني
&&&&
وصلت لحد العظم نندب نصيح..وين عباس الشهم وينه الذبيح..كوم يامولاي كافي نستريح
اليوم شر الكفر من مساني
&&&&
من يمسني الضيم بكم صيحتي..اندبك يحسين انه بشدتي..منيتي اخدم الزاير منيتي
وابقى خادمكم يظل عنواني
&&&&
خادم حسين واظل مد الدهر..ومايهمني الجوع والظيم وقهر..لابد احنه انول فد يوم الظفر
لاان حب حسين نجاني
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&
(6)
صوته ينادكيم..زينب تحاجيكم
&&&&
زينب تنادي يشيعه والامر اذاني..يمي مجتمعه النواصب والشمر هاالجاني
وكفو عل اعتاب داري ناصبي وسفياني..بيده كل كصده يفتح ويدخل أبيباني
شروي انه عليكم
&&&&
وين اهل الغيره وين حاملي الرايه..والكصد زار الحسين والمشو مشايه
زينب تنادي بكبره وارسلت شجايه..التمت الارجاس يمه ماتشوف حمايه
اصيح تنده بيكم
&&&&
شلون لو ردت سبيه والشمر يحديهه..ودارت اعليه النواصب زينب وتوليهه
وصاحت العباس هيه ورايده يلفيهه..ادري يكلبهه النواصب سافل بعاليهه
بجربته يسكيكم
&&&&
لوفرضنا الناصبي طب دارج..شنهو عذره اللي وكف بحرارج
هاي زلم الجعفريه وكفت عل سوارج..تصيح يازينب اجينه انصارج
بهمه من نحميكم
&&&&
لو سمعنه الصوت منج زينب ينادينه..احنه فد جلمه نصيح عليهم و هبينه
ناصر بدين الرساله وننصره والينه..هاي زينبنه وحيده تربي هيه علينه
هيه من تشفيكم
&&&&
بسم حيدر من حملنه والهم تحدينه..نصيح لبينك النداء زينب وهل جينه
احنه عد عيناج كلنه يومه نادينه..نرخصه الهه عمرنه ومانوفي بدينه
شيعه اتسميكم
&&&&
ماتهمه احنه المنايا والكم اصطفينه..شلنه اسلاح العقيده من عزم والينه
بشوك وبلهفه ومحبه بيه اتسليحنه..وعل الصدر اسم العقيله بالصدر شدينه
ربنه يباريكم
&&&&
زينب الحره العقيله بالغربه مهمومه..تصيح يااهل لمراجل افزعو كافي النومه
انت بنته بطل خيبر وامي المظلومه..شلون ترضاهه النواصب عليهه جايب كومه
وبحجر يرميكم
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&
(7)
أشتكيله.. عل العقيله.. تنسبي وين وتروح
انتظرتك.. يالامل ..انتظرتك..تحمي عمتك يالامل تحمي عمتك
&&&&
اسنين ننتظرك يغايب..وطالت الغيبه علينه
يا أمل عايش بروحي..انت ربان السفينه
بكل صلاة اللي نصلي..نفكدك احنه ولينه
نرفع اجفوف الدعاء..متى يالمهدي تجينه
لو سألتك يالولي لوسألتك..عن دمعتك يالولي عن دمعتك
من تهله.. وبمحله.. تهيج وياه الجروح
&&&&
ياجرح باقي بكلبي..طوله وبطول السنين
نذكر الطف ومصابه..وزينب وجبد الحسين
وراية العباس رفت..بيدي يوم الاربعين
نصيح يالمهدي اجينه..كلنه نمشي زاحفين
ماعرفتك من صحت ماعرفتك..بس سمعتك تنتحب بس سمعتك
ياولينه احنه جينه..اسمعه صوتي الينوح
&&&&
هواي مولاي الحملنه..وطال بينه الانتظار
متى ياصاحب الغيبه..تتخذ انت القرار
تزيل اذناب الرذيله..تمحي كل هاي الشرار
وصلت العظمه الطريه..وزادت اضعاف الدمار
يمته طلتك يالولي يمته طلتك..وبدولتك نحتمي وبدولتك
وتحمينه ياولينه.. اتحققه انت الطموح
&&&&
هواي عندي اتحققن..وكربت ايام الظهور
وزادت الالام عدنه..تفشه بينه هالفجور
والسكينه تعم بلدنه..وانكره صوت الغيور
هذا اخر وكت بينه.. هذا خاتم للعصور
من نطرتك لن تجي من نطرتك..ياعبرتك تنسجب ياعبرتك
من النهايه من البدايه..تزيل كل هاي الصروح
&&&&
متى يالغايب تجينه..وصلت لحد العظم
الذله بانت بالوجوه..وزاد اضعاف الهظم
شيعة ابن زياده تحكم..شيعه هايه بالاسم
ننتظر جيتك علينه..كافي عاد من الظلم
ماجرحتك يالوصي ماجرحتك..من ندبتك عالهظم من ندبتك
انت همي انت دمي..انت شريان اليروح
&&&&
تملي الارض بعدلهه..وتحكم بااسم الشرع
تبدل الاحوال كلهه..وبينه أتغيره الطبع
تعرفه منهو الموالي..بين الاف الجمع
منك تنور الدنيه..ونورك اعلينه اليشع
من نظرتك ينعرف من نظرتك..وبجمعتك تنوصف وبجمتعك
يامنايه من البلايه..اعليك منتظرك انوح
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&
(8)
الدنيا هالدارت ..وعله الظلم سارت..يمته لينه تظهر
شوف شجره علينه..ماتنتهض والينه..يمته لينه تظهر
&&&&
شفت الظلم بهذا البلد يالمهدي ياذيني
ترضه العده يبن الحسن اليوم توليني
يمته تطل عليه وتهب واشوفك بعيني
انذرت عمري كله الك ومنتظرك اسنيني
الدنيه هالجارت..واعقولنه الحارت..واشكي الك مظطر
شفت العده تولينه..بيهم تره ابتلينه..يمته لينه تظهر
&&&&
تانيت الك كل العمر انقاتل الظالم
ننتظرك احنه بكل وكت بيمينك الصارم
ممنون منك سيدي وانه الك خادم
انصيح صوت عل العده قائدنه القائم
الخيل من غارت..اقوام هالصارت..وعلينه هم زمجر
الطعن صاير بينه..كوم العده تاذينه..يمته لينه تظهر
&&&&
صحت ونحت صوتي عله احنه انتظرناك
علينه تهل يالمنتظر نكوم احنه وياك
يبن الحسن دار الزمن مااظن ننساك
سيف الظلم علينه صعب هوه تحداك
الشمس من نارت..اوجوهم فارت..والوجه صار احمر
انت اللذي أدلينه..بدربك احنه مشينه..يمته لينه تظهر
&&&&
دير النظر شوف الجره والصاير علينه
اصبح اسير بهل البلد والكفر تولينه
انهض يغايب عل الظلم كله تعادينه
صحنه الك صوتي عله يالمهدي ملينه
كله الك زارت..واسنينه بارت..كله الك تتحضر
فد رجل هبينه..وانصيح مهدينه..يمته لينه تظهر
&&&&
امرك كرب تطلع الي يالمهدي ندري
بيكم افكر عل الوضع منشدهه فكري
شفت العده شبينه عمل كصرلي عمري
اطلع الي انه انتظر يالمهدي صبري
كله الك شارت..بااصبعه من دارت..حتى الوضع تغير
يوم الالك نادينه..يمته تجي وتجينه..يمته لينه تظهر
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&&&
(9)
ارفعه زنجيلك.. الطم بكل حيلك
وا ذبيحاه ..وا غريباه
&&&&
اطلع انت ويانه..الزهره تتلكانه.. تستمع اندانه
الزهره لن تدعيلك..الحجه ايباريلك
واماماه ..واحسيناه
&&&&
اليوم مرفوع العذر..لازم نرد الشمر.. احنه انراوي الكفر
خل يظل تهليلك..ابعزم زنجيلك
واحسيناه..واذبيحاه
&&&&
خل يون دمامك..وتسمعك ظلامك.. تنصره امامك
احنه ما نشكيلك.. اضربه بكل حيلك
واغريباه..واماماه
&&&&
باللطم هز الارض..هذا واجب بل فرض..امشي بالطول وعرض
الجدم يمشيلك..بالنهار وليلك
واذبيحاه..واغريباه
&&&&
المتن خله ينوح.. وخلي نيشان وجروح.. هاي غايه والطموح
بالدمه يجريلك..والظهر نحنيلك
واعلياه..واماماه
&&&&
بالطم عزي الامام.. خفف عليه السهام.. أوكف بوجه اللئام
احنه لن دخيلك..اراوحنه نفديلك
واماماه..واعلياه
&&&&
اللطم شيا قليل..لبن حماي الدخيل.. نذر لجفوف الكفيل
ارواحنه نهديلك.. هامتي اتشيلك
واكفيلاه..واحسيناه
&&&&
نرخصه هذا البدن.. نلبسه احن الجفن.. صوتي يعله بالشجن
استمع ارويلك..بقصته ابجيلك
.واذبيحاه ..واغريباه
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&
(10)
خلي يدري المادره..انه حره مخدره
من شفت طاح العلم..والركن بيه انهدم
صحت سبع الكنطره
&&&&
صحت ياحيدر علي..كوم ليهه ياولي..منهو يحمل محملي
اليوم حركوه الخيم..والنسه بيه وحرم
حسين حزو منحره
&&&&
شفت اهوال الزمن..وضكت نواع المحن..هموم ونياحه وشجن
اليوم دلالي انهظم..طايح بنصه السهم
رغم هذا صابره
&&&&
هوايه خويه اللي سده..كربله اتظل شاهده..يوم ظلمونه العده
تحطم بسرعه الصنم..وانظر لهاي الخدم
تحجي بااسمي ثايره
&&&&
اليوم نوصل للضريح..نطوف بيك ونستريح..حتى ويانه المسيح
كاصد احزام احتزم.. بيك من طاف وحرم
عينه تنظر حايره
&&&&
امس يايوم الطفوف..دكت اعلينه الدفوف..اجمعت هاي الصفوف
تحملت خويه الالم.. شلت اسمها القيم
واصبحت اعظم مره
&&&&
الثوره ظلت خالده..رغم جور الحاقده..حسين يبقى شاهده
نزرعت بهاي القيم..وشاهد ايرف العلم
ينور الكم منظره
&&&&
خادم اهل البيت
ابو علي السعيدي