]قصائد ملحنه على الحان مله باسم الكربلائي؟اقول (390)

قصائد ملحنه على الحان مله باسم الكربلائي؟اقول
(390)
&&&&&
(1)
ياابو الفضل حامينه حامينه حامينه.. جيب الماي لسكينه لسكينه لسكينه
&&&&
حست بالخطر زينب ومتألمه
صاحت للكفيل بصوته تكلمهه
يبو فاضل يخويه اتصيحله أباسمه
من شال الدرع والجود وي علمه
انت الذي تروينه تروينه تروينه.. جيب الماي لسكينه لسيكنه لسكينه
&&&&
دنه يم المخيم سمع هالصوت
يمنجي يونس من بطن حوت
اطفال العطاشه وصلت الموت
حارت عالنهر ماتعرف تفوت
بالماي ياساكينه ساكينه ساكينه.. جيب الماي لسكينه لسيكنه لسكينه
&&&&
سمع صوت العقيله تنادي الاطفال
جبده من العطش اتوذر وصال
وسكينه العطش ياحاله الحال
حمل درعه وي جوده الهم شكال
ادري العطش يولينه يولينه يولينه.. جيب الماي لسكينه لسيكنه لسكينه
&&&&
بعد ماسمع شكواهم الضرغام
تحزم عالمنايه وشد الاحزام
حمل عالجيش كله وشردت اقزام
يصيح بصوت وين انتم يظلام
هاي الكفر تاذينه تاذينه تاذينه.. جيب الماي لسكينه لسيكنه لسكينه
&&&&
وصل يم الشريعه تذكرحسين
عفى عالماي خويه اشرب معين
بعد ماشال مايه ابيده الاثنين
اختلط هالماي وي دموعه العين
شال الماي بدينه بيدنه بيدنه.. جيب الماي لسكينه لسيكنه لسكينه
&&&&
هانت روحه ابوفاضل عل الجود
بعد ماجاب مايه تخطه الحدود
عليه التمت الصوبين جل الطود
ولن واحد يصيبه براسه عامود
تالي انبتر جفينه جفينه جفينه.. جيب الماي لسكينه لسيكنه لسكينه
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&
(2)
شيعتك وياك..لاتظن تنساك
صار الدمع مشهود..جزاها كل حدود
لاتظن ننساك
حملنه اسمك ويظل رسمك على عيوني
يالحبك سره بدمي هايم من ينشدوني
عليك اجالبت الاف رادو بس يزلوني
الهدف معروف كل همهم ينسوني
شتظن ننساك..حملنه لواك
حبك بالكلب موجود
اليوم عل الدرب جينه يبعد الروح
حملنه الغيره من عدكم حملنه جروح
الك جينه ياوالينه اجينه انوح
عطر جسمك يبعد اسمك عليه يفوح
المحب ناداك..زحف هالجاك
اديه مقيده بقيود
حلم باقي على اعناقي ليوم الدين
ابايع بيعت الاحرار جينه انبايعك يحسين
ونجدد بالعهد كل عام للطبين
وعل الارواح نتسابك ورى الماشين
اجينه انطوف..رغم كل خوف
لحسين ولراعي الجود
شفت رايات اجت ميات كله تزور
الك رخصت دماء الروح كله نذور
الك عبرة ياابو السجاد هاي بحور
تطوف بحصنك وترجع ترد اتدور
تصيح الثار..علي الكرار
يمولانه اجينه اجنود
صبر ثوار يبو الاحرار عظيم الشان
تظل تعله عل الذله وتظل عنوان
سفينه تسير حملهه جبير الي سفان
شفيع الناس اخو العباس لكل انسان
دخل زاير..بكبته مايظل حاير
براضاهه يعود
خادم اهل البيت
ابو علي السعيدي
&&&&&&&&&&&&&&&&&&&&&&&&&&
(3)
قسم بجفوف ابو فاضل ..وعينه
للهم والحزن صرنه..وعينه
لا بيه الاصل يمه ..وعينه
ولا بيه تظل عيني ربيه
&&&&&&&
تسأليني تسأليني.. يزينب شنهو ماذيني
سهم الصوب العباس.. طفه النور من عيني
&&&&
يزينب يختي ارويلج..عن اهمومي ساعته
سمعت الصوت اليه يصيح..ضاكت بيه وسعته
رحت صوب الاجاني الصوت..تهمل عيني دمعته
دليلي اتفطر وبالحال..وعيني انطفت شمعته
يرثيني يريثي كلبي اليوم يرثيني
&&&&
كعدت اكبال اخوي..ودمعي خويه أيسيل
يوم اسمعته يندبني..واسمع بس صهيل الخيل
ثكل جسمي يزينب..وركد مني يخويه الحيل
يصيح بصوت ياغالي..وعليه بنظرته ايطيل
يحاجيني يحاجيني سمعته من يحاجيني
&&&&
جبت راسي عله راسه..وهمس بااذني اليه بصوت
وصيتي خويه ابو اليمه..كبل مايدنه ليه الموت
تبلغ زينب وسكنه..وتكله عالخبر بسكوت
تكله وصيت العباس..يوم اعليهه خويه تفوت
تداويني تداويني برضاهه اختي تداويني
&&&&
تركت المشرعه وهالجيت..خويه اهناك خليته
يمه جربتك والجود..ويمه شفت ساريته
انحنى ظهري يخيتي عليه..يوم بصوت ناديته
سمع صوتي وبجه بالحال..وحيل بنحره شميته
يوصيني يوصيني بخيته من يوصيني
&&&&
بيدي غمضت عينه ..وروحه فاركته الروح
مثل نوحي يخويه عليه..كامت هالسماء تنوح
بيه زادت أشجوني..وكثرت بالجروح اجروح
عطور الجنه شميته ..كامت منه يختي اتفوح
يبجيني يبجني عل زينب من يبجيني
&&&&
خادم اهل البيت
ابو علي السعيدي
&&&&&&&&&&&&&&&&&&&&
(4)
يحسين خويه التجيه.. يحسين الك مني وصيه
يالواعدتني امشي وياك ..حل الوفه بهل الساعه
&&&&
الناوي ايروح بسفر..لازم يبلغ اوداعه
وتشوف اعيون البشر..يوم الرفع اشراعه
ويكول للحاضر واجه..بلغو هلي ومن طاعه
يحسين وبهل المسيه..الك مني وصيه
&&&&
ياخويه اسمع بالجره..واللي حدث هذا اليوم
من رحت سبع الكنطره..الحسين كلبه الملجوم
والعائله تصيح وتون..والفاكده حيل تلوم
واصوت تبجي وتنتحب..وتصيح وين المظلوم
يحسين يرجع اليه..الك مني وصيه
&&&&
من درات عليك الكوم..طاح السكف وعموده
عالصار ندري بكربله..يوم اليظل مشهوده
بيه تكنطر كافلي..طاحت اجفوفه وجوده
ياخويه من شفت الجره..ادعيت ربي يعوده
يحسين مااله جيه..الك مني وصيه
&&&&
مهموم من شفت الولي..والهم وصل لعيونه
حسين لن محنى الظهر..وكوه الي يكومونه
ناشدته عنك يابطل..كافلي كلي اشلونه
ردد بصوته وبيه هظم..مااظن بعد تشوفونه
يحسين كلي شبديه..الك مني وصيه
&&&&
شفت العده ملمتين..وكلمن بده ابمشواره
كامو يلمون الجيش..يريدون شن الغاره
حسين باقي الوحده..ومحد يحامي اكتاره
هذا ابن سيد البشر..وحيدر علي وفقاره
يحسين كوم ال اميه..الك مني وصيه
&&&&
من شفته طايح عالارض..هاجت يخويه اظنوني
تمنيت موجود الولي ..وبيه الي ايحضروني
عالجاري يابويه الي..واللي تشوفه عيوني
بجوني ياخويه الكفر..واليوم من يسبوني
يحسين نزل دمعي بديه..الك مني وصيه
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&
(5)
ياسهم الموت اتحاجيني صار هواي وياك
وداك الملعون الظالم تدري المن وداك
الك اسئل..منو اليندل
تدري المن وداك
&&&&&&&
ياسهم الموت الاذاني..طلعت الحقد المدفون
صوبت العباس بعينه..وداكم ذاك الملعون
والطفل الخليته اينازع..بكماطه ودمه المرهون
وحسين بجبده موذرينه..ياسهم الموت المجنون
كل ساعه الموت اتشوفنه ياسهم البين السواك
للظالم جا ليش اتعينه حاجيني الظالم شنطا ك
حقد تنسل..لمتى تعمل
تدري المن وداك
&&&&&&&&
جم جمره اللسعت دلالي..بيوم العاشر من عاشور
واسهام الحاقد ترمينه..وباجساد اخواني من تغور
بعين العباس وجفينه..وعبد الله وياهم منحور
وحسين ابجبده مصوبينه..والدم يطلع من يفور
ماتعرف ياسهم الصاير وماتعرف منهو الجاباك
سماك الظالم بسمومه وانته البايع مابنعناك
شنو تفعل..دمه تنسل
تدري المن وداك
&&&&&&&&
من وداك الظالم لينه..ياقسوه العنده ماترحم
عباس وصوبته بعينه..حسبالي اعمه وماتفهم
وعبد الله العطشان اسكيته..من دم نحره يشرب دم
وبكلب احسين اعظم حاله..كل جبد حسين تهدم
كصيت الجبده بسجينه..ياسهم وشفناك
منبوذه ياسهم افعالك..والرامي وياك ودلاك
الك تنشل..بسهم يقتل
تدري المن وداك
&&&&&&&
جم أه ولوعه وياحسره..بالنوح وتجرح دلالي
بعينه الكافل من خليته..ماتعرف وشصار بحالي
بعبد الله تفجع والدته..ومن مهده الخليته خالي
وحسين وروحه ياروحي..نبته بجبده ولاتبالي
ياسهم الظالم مو كافي..صدك ابدا ماننساك
عانينه اهواي وماكلنه تدري هواي اتحملناك
دمه ينهل..كمر ياأفل
تدري المن وداك
&&&&&&&
ملعون الرامي وأسهامه..شما دارت بالدنيه اسنين
نذكر فعلات الظالم..من حين ويرجع كل حين
وناخذ منك حك العتره..ياسهم مربع مرتين
ولازم حق حسين اليرجع..من يطلع مهديه الدين
ياسهم اللوعه هل العيله..دارت هل اليوم الافلاك
صدكني يالعنت الظالم..عشنه ومتنه وياك
عرفنه الحل..انت انذل
تردي المن وداك
&&&&&&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&&
(6)
حيا الله ولدي..روحي ويجبدي
عمري عل عمرك..وفيلي نذرك
وفيلي وعدي
&&&&&&&
انه ام الحزن تعرفني هاي الناس..انه ام البنين أوولدي رفعت راس
فدوه للحسين انصير احنه الساس..ضحيت الاربعه من الولد والعباس
هوه رهن امرك..يمحيه كفرك
يوفولي عهدي
&&&&&&&&
انه انخاك يبني وغيرتك وين..تدافع عن عضيدك يبني الحسين
تضحي انت بحياتك تنطي جفين..وتشيل الجود يوم ايطيح سهمين
بعينك يحرمك..بس انه الامرك
انت يبني جندي
&&&&&&&&&&
انته حامل الرايه عله اليمين.. تحمل هل اللواء الشاله ابو حسين
انت من تضحي وتطفي العين..قصتك تنقره يبني بدواويين
يبني مايعذرك..الكافر يغدرك
ريت انكطع زندي
&&&&&&&&&&
انه بالحلم يبني علي وياي..فسر هالحلم وانطاني الراي
كلي عل اليصير وصاير وجاي..ابو فاضل يحمله بعدي الواي
الزهره التحضرك..وبجفك تسرك
تكول اجفوفه عندي
&&&&&&&&&&&
اشد موقف جره عليه العقيله..صارت كافله وهيه الكفيله
عليك النظر يبني من تطيله..تصيح بصوت ابن حامي دخيله
صبري عل صبرك..اوكف واذكرك
دموعي هيه ردي
&&&&&&&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&&&&
(7)
جيت ياخوي استمعني ماردت ماي.. ابظلع امي الزجيه كوم وياي
ياعيوني..ياشجوني
فاكده الراي
&&&&
كوم ياعباس اليه لمحملي..مابقه احد يخويه ظل الي
بس جثثهم عالوطيه كل هلي..اندب ابحركه واصيحن ياعلي
بكلبي ياخويه بقت ناري ويحسره..انكسر عزنه ولوانه انحنه ظهره
يسالوني..ياشجوني
فاكده الراي
&&&&
الله عالظالم اكولن واشتكي..نصرت الدين العقيده ومذهبي
من كثر ظيم المصاب والسبي..كمت مااوجد يخوتي بمغربي
أي وظلع الزجيه ومنهو اسره..الظلم والجور بيه حملت قهره
يمنعوني..ياشجوني
فاكده الراي
&&&&
مثل امي احملت هاي المصايب..كثرن ودارت عليه هالنوايب
شلت سيف الحك بديه وانه اطالب..واشربت عزت اخوتي من المشارب
اعرف النهج الحملته وانه ادره..واركبت هول المنايا صار مهره
يحسبوني..ياشجوني
فاكده الراي
&&&&
انه ام الاخت صارت والوطن..شما تدور الدنيه بينه والزمن
احملت كثر المصايب والمحن..بسكته نوحي صارخويه والشجن
رحت ياخويه سبيه واحنه اسره..بس بقت نار البكلبي تبقى جمره
من سبوني..ياشجوني
فاكده الراي
&&&&
ايام مرت عالزجيه انه ادري..احملت مثل امي حملي عل ظهري
اعرفته من الطفوله يجري قدري..حتى صبري عالمصيبه غلب صبري
ياكلب مجروح عندي وصعب جبره..مثل ظلع امي الزجيه صار كسره
يندبوني..ياشجوني
فاكده الراي
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&
(8)
وصتني الزجيه بهاي الوصيه..لو شفتي خوج حسين ذيج المسيه
ابجي عل صدره..شميلي نحره
ذيج المسيه
&&&&&
بجت امي تودعني وتوصيني..بكلام الطيبه سرتني وتحاجيني
تكله بنتي انه اوصيج اسمعيني..لو شفتي اخوج اوحيد اذكرني
وصيتي بركبتج تنزل دمعتج..وتهل دموع العين كون بطلبتج
خليني احضره..شميلي نحره
ذيج المسيه
&&&&
قدر مكتوب كلشي يجري علينه..نرحل من نعوف الدار نتركه اهالينه
ركبنه بالسفينه وياه من جينه..كالاه الحسين اهنا محطتنه وامانينه
خويه العقيله انتي الكفيله..يمج تظل اطفال انتي الدليله
بلغني امره..شميلي نحره
ذيج المسيه
&&&&
اجتنه ساعته التوديع والخوفه..من ناده الحسين ايريدنه انشوفه
اجينه والدمع بالعين ونطوفه..وصانه الوصيه وعدنه معروفه
تحرك خيمكم ولايظل يمكم..بس الشمر ويصيح وينه علمكم
ودمانه تجره..شيملي نحره
ذيج المسيه
&&&&
كام وخطب عباس اوجوده بيده..واستئذن من حسين كال لعميده
خويه اريد الماي الحاله شديده..سكينه تصيح ابصوت عمي اريده
العطش بحشاي وينه يعمي الماي..عمي انتخيتك كوم انتهض وياي
انه ارد اخبره..شميلي نحره
ذيج المسيه
&&&&
جا بويه عمي وين راح ومجاني..لاشفته يمي هنا يمكن نساني
يمكن نسه شوصيت ومتذكراني..لاشفت جوده هنا ماي وسكاني
يمته يجينه وتشرب سكينه..ننتظره كون يعود جوده بيمينه
ابكلبي جمره..شميلي نحره
ذيج المسيه
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&&&&
(9)
غايب كمرهم..يرفرف علمهم
نايم عل التربان واجفوفه يمهم
&&&&
من شفت سهم المنيه مالي عينه..اندبت ربي ودعيته عن انينه
صحت عالي الصوت بنتي ياسكينه..عمج الفارك حياته مكطعينه
وحشه الليالي.. ماعندي والي
وادري العده معروف ليه ظلمهم
&&&&
فاركيت انه العراق بهل المسيه..اتركت خويه جثثكم عل الوطيه
خذونه عل الهزل كالو سبيه..شفت ياخويه العذاب الجره بيه
شوف الجرالي..بعدك يغالي
وبين هالعده بينه حقدهم
&&&&
دخلت الشام باطفال ونسه وياي.. وحر الهظم خويه الفتت اجلاي
اطفالك عطاشه وتطلب مني الماي.. الحمد لله عندي وكامله الراي
راي عقدته..وحكي اخذته
خطبت بمجلسه وكتله بنسبهم
&&&&
ضجت العالم تنادي عل المله..صاح بيهم انه ابن عقد الوله
جدي حيدر انه والذبيح بكربله..والدي انه الحسين ياللي تنشد هله
احنه المعالي..هذا سؤالي
ليش وياهم تساعدهم غدرهم
&&&&
ذيج ساعه صارت بمجلس يزيد..كالت الحوار كيد كيدك بالوعيد
واسعى سعيك بينه انته شما تريد..الله يهلك كل جبار عنيد
حقدك حملته..وظلمك منعته
كيد كيدك الله يهلكه زلمهم
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&
(10)
وفو وعدهم ولدي بعهدهم..ضحو بالارواح بكلبي جمرهم
&&&&
انه جرحي بالطفوف بكلبي شلته ..وبكسر ظلعي وجنيني حنظل جرعته
الظالم الملعون يبقى اذكر دفعته..من عصرني الباب وبعيني شفته
يبقه عل بالي..جرح الليالي
وعملات الانذال هذا عملهم
&&&&
شلون حاله حالتي ذيج المسيه..دارت الانذال كلهه من ال اميه
ما رعوه الله ورسوله همه بيه..ولاعو حيدرعلي حامي الحميه
عزي ودلالي ..اهل المعالي
خاتم للاسلام النبي جدهم
&&&&
لو شفت شنهي الجره شنهو عليه..يوم هجت بالفه اطفال الزجيه
من شفت ابن الخنه وابن الدعيه..دارو عل حسين كلهم ناصبيه
شفته بخيالي..يذبح كبالي
يااغلا بالكون دمه يدمهم
&&&&
انه ام وفاكده تبجي ولدهه.. مثل نار القضى فتت جبدهه
طاح اليوم من عدهه عدهه..وراح الجان ساكيهم سندهه
حاميه عيالي..ريح الشمالي
رافع راية حسين هوه علمهم
&&&&
لو اسولف عالجره كلبي يهيج..ناري مشعوله سريه طول الطريج
تهيت دربي المشيته بلا رفيج..جرحي ابكلبي اشوفه شكد غميج
يبقى سؤالي..عنك يوالي
الضحه ابروحه وحياته هذا كرمهم
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&
(11)
يبقى ذكرهم بعين اليضدهم..بجفك يعباس عالي علمهم
&&&&
من شفت رايه علت لبن الزجيه..بيد جف الماعرف غير الخويه
صارت بعين اليضدهم شوكه حيدريه..شوف الاعداء اهوال المنيه
صاح صوتين.. جيت يحسين
لاحت من بعيد انواره كمرهم
&&&&
انه احجي عالمراجل وحامل الرايه..الرفت بيوم الطفوف وهزت اهوايه
جان سكاي العطاشه وماشرب مايه..انطه عينه وي جفوف وكال وفايه
انطه جفين..وياهن العين
لعنت الله عل اللي ظلمهم
&&&&
لو يصول عل العده تشوف عملاته..هذا ابو فاضل نعرفه شنهي ضرباته
يعرف الميدان فارس من يطب صولاته..مثل ابو الحسنين يرعد تستمع دوياته
يفرق الصوبين..لو يصيح حسين
تشرد الجيمان منه لوندهم
&&&&
لويصيح بصوت هوه عل المله..انه كافله العقيله وانه حادي القافله
انه ابن حيدر وليه ياللي انته تجهله..تبقى مني هالعلامه وشاهده ياكربله
شاهده للدين..تذكر الناسين
انه ابن حيدر علي اللي قهرهم
&&&&
رسخ اركان العقيده والجموع اتشاهده..ضربت الكرار حيدر لو يكر عالعده
قدم اجفوفه هديه لزينب وكال الفده..كال وصاني ابوي وصيه هيه خالده
انه انطي اثنين..كون اوفي الدين
ومااهاب العده انه وغدرهم
&&&&
بكربله اكبر مصيبه شاهداهه العلكمي..سايل وي الماي شريان الدمي
والجفوف عل النهر ظل مرتمي..يغسل العباس مايه بالدماء المعصمي
يغسل النهرين..هذا دم حسين
انت يااشرف فصيله هو دمهم
&&&&
خادم اهل البيت
ابو علي السعيدي