قصائد وابوذيات ونعي للرضيع ع اقول (384) &&&&&

قصائد وابوذيات ونعي للرضيع ع اقول
(384)
&&&&&
(1)
ايا الولد وين ...ايا الولد وين
امك تعاين للمهد ...وتناشد حسين
ايا الولد وين
&&&&
انظر لمهــدك يولدي...والمهد منك خالي
شلت يمنك حرمــله...سهمك جرح دلالي
ريتك بجرح الماشفه...وازيد تون من حالي
وتشوف اهوال الزمن...ماتنمـحي من بالي
ياناكر الدين...جارحني جرحين
اياا الولد وين
&&&&
رديت مشتــاكه الك...ولمهدك اشكي الحاله
يبني يعبدالله العــمر...من عمري كون ابداله
حنيت ايدي بدمعــتي...دم ودمـــع همال
ابني ومهجتي وسلوتي...ومناشــدي يحلاله
طكاني البين...طفالي العين
ايا الولد وين
&&&&
اعتاب عندي وي المهد...والمـهد خالي وحزنان
بس ريح تسكن داخله...ممنوعه عنه الرضعان
بالسهم نحـرك يولدي...انت الطحـت بالميدان
حالك وياحال اخوتك...تطلــبكم انتو الفرسان
ثارات الاسنين...من بدر وحنين
ايا الولد وين
&&&&
شوف الجره واللي سـده...وشافته ذني اعيوني
من شفت نحرك يولدي...هاجت عليه اضنوني
اسال عنــك والدك...واسـال اللي سالوني
انساك ابــدا" لاتظن...ولا انسه الحرموني
حنيت الادين...بالدمه والطين
ايا الولد وين
&&&&
شلون حال الفاكــده...وتشوف مهدك بالليل
وتذكر الصـار وجره...وشلون داسته الخيل
وتروح تنظر عالمهد...خالي ويهد الهه الحيل
الثدي احتاجك ترضعه...وي الدمـع كام يسيل
احتاجك الحين...ترجعلي الدين
ايا الولد وين
&&&&
وتشوف حال العـايله...وحالت حسين وزينب
تنظر لاخوهه والطفل...وتدير عيـن وتنحب
وتعاين امـه بالركن...ثكله علـــيه وتندب
وتصيح وين اهل الرحم...وينك يسبع الملعب
راح ابني الزين...ابن الميامين
ايا الولد وين
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&
(2)
وبدمه اتحنه..ياطير الجنه
ها يارضيعي..ها يارضيعي
&&&&&&
زينب متحيره..الطفل باامره..روحه المتوجره..بيه تناشدنه
****
صاحت والينه..ياهو اليسكينه..ميه الينطينه..صاحت كافلنه
****
سكنه اللي نادت..من عنده شرادت.. للطفل وشالت..لحسين ادنه
****
شاله وراوهم..عنه وحاجاهم.. يوم الناداهم..خبرهم عنه
****
كالهم عطشان..هالطفل وحزنان..سمع هالجيمان..سمعهم ونه
****
كالو نسكيهم..ماي وننطيهم..بس لا واليهم..يشرب يتهنه
****
واحد ناداهم..كلهم بااسماهم..شلون ونرواهم..مايشرب منه
****
هيهات انطيهم..ماي ونرويهم..هيج نخليهم..مايوصل النه
****
صاح ابن الظالم..من شاف الوادم..عليهم تتنادم..للشمر اتعنه
****
صاحاله بصوتين..لاتنطي ابن حسين..للصارو نصين..لايحجو عنه
****
بالسهم اتحده..وبنحره اتعده..دمعاته بخده..هالسالت منه
****
صابه بالمنحر..ياسهم الابتر..الطفل الازهر..بدمه اتحنه
****
يادم العتره..حيدر والزهره..بيه اكبر عبره..ياريح الجنه
****
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&&
(3)
******
ياسهم الموت تحاجيني..اهواي المابينك مابيني
صوبت العباس بعينه..وعبد الله بنحره مدمينه
وبكلب حسين اتاذيني
*****
ياسهم الموت الاذاني..طلعت الحقد المدفون
صوبت العباس بعينه..وداكم ذاك الملعون
والطفل الخليته اينازع..بكماطه ودمه المرهون
وحسين بجبده موذرينه..ياسهم الموت المجنون
للمجرم ياسهم تعينه..وبااولاد الزهره أتاذينه
وانه الحوراء اتبجني
*****
جم جمره اللسعت دلالي..بيوم العاشر من عاشور
واسهام الحاقد ترمينه..وباجساد اخواني من تغور
بعين العباس وجفينه..وعبد الله وياهم منحور
وحسين ابجبده مصوبينه..والدم يطلع من يفور
يطلبنه المجرم وبدينه..وبااحسين واهله موصينه
وبااسهام الموت ويرمني
*****
من وداك الظالم لينه..ياقسوه العنده ماترحم
عباس وصوبته بعينه..حسبالي اعمه وماتفهم
وعبد الله العطشان اسكيته..من دم نحره يشرب دم
وبكلب احسين اعظم حاله..كل جبد حسين تهدم
جنك كصيته بسجينه..وبالكاع اوذار مسوينه
شكصده ياسهم تراويني
*****
جم أه وعبره وحسرات..والنوح أو ونه بدلالي
بعينه الكافل من خليته..ماتعرف وشصار بحالي
بعبد الله تفجع والدته..ومن مهده الخليته خالي
وحسين وروحه ياروحي..نبته بجبده ولاتبالي
ياسهم الظالم تولينه..وبااغلى الناس اتبجينه
وبنار اخواني أجويني
*****
ملعون الرامي وأسهامه..شما دارت بالدنيه اسنين
نذكر فعلات الظالم..من حين ويرجع كل حين
وناخذ منك حك العتره..ياسهم مربع مرتين
ولازم حق حسين الرجع..من يطلع مهديه الدين
ويطالب بجفوفه وعينه..وعبد الله شلون مجبلينه
وبأسم حسين يناديني
******
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&
(4)
يارضيعي يارضيعي..عليك حزنان المهد
ياهظمتي ياهظمتي..ماشفت بيك الولد
*******
يارضيعي يارضيعي..الدنيه من دارت عكس
يارضيعي يارضيعي..وضيعت يوم الامس
يارضيعي يارضيعي..همي شفته منحبس
ياهظمتي ياهظمتي ينتكل طير السعد
****
يارضيعي يارضيعي..شلون حال الفاكده
يارضيعي يارضيعي..انه امه او والده
يارضيعي يارضيعي..كلبي منهو يساعده
ياهظمتي ياهظمتي..الله مايخلف وعد
*****
يارضيعي يارضيعي..اشربت دم النحر
يارضيعي يارضيعي..شربك سهم القدر
يارضيعي يارضيعي..اليوم يايوم الكدر
ياهظمتي ياهظمتي..جبدي يايمه انمرد
*****
يارضيعي يارضيعي..شلت ايدك حرمله
يارضيعي يارضيعي..من رماني بكربله
يارضيعي يارضيعي..ذبح طفل العايله
ياهظمتي ياهظمتي..بعد ماينفع ضمد
*****
يارضيعي يارضيعي..امك وحك من انوح
يارضيعي يارضيعي..بيه كثرت هالجروح
يارضيعي يارضيعي..غايتي انته الطموح
ياهظمتي ياهظمتي..نتفرك احنه بعد
*****
يارضيعي يارضيعي..الكلب هايم يصيح
يارضيعي يارضيعي..ياسهم ابني الذبيح
يارضيعي يارضيعي..من العطش انت استريح
ياهظمتي ياهظمتي..بخيمتي طاح العمد
*****
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&
(5)
الرضيع ع
********
أهز مهدك يعبد الله ودليلي موجر بناره
ام وهايم وتصيح ابني العطش محتاره
تدير الوجه مدري لوين تصيح بصوت وحراره
وين حسين والعباس وين الغيره باانصاره
ماذنب الطفل ياناس جبدته صايره مراره
صاح حسين للعدوان حكمه وبيه اسراره
شنو ذنب الطفل عطشان شال ابين كفاره
زاد ومن نزاع الگوم صار الجيش طشاره
واحد كال خل نسكيه والاخر زادت اعذاره
حكم حرمله بالگوس ورماه بنحره واوتاره
ولن دم الطفل فاير شاله حسين ولداره
ضم الطفل عن امه وجابه تحت اكتاره
ميت هالرضيع اشلون شنو العذر والچاره
**********
وحك جدك الخاتم من ..نبلهه
ورياجك يالولد دمك..نبلهه
سكاك الموت من كاسه..نبلهه
سكاك الموت من كاس المنيه
**********
سكاك الموت من كاسه..بل سهام
وصارت حصته انته..بل سهام
وامك يالولد هامت..بل سهام
ام وفاكد شتكول هيه
&&&&&&&&&&&&&&&&&&&&&&&&&&&&&&&&&&&&&
(6)
شلون بيه..رايح اوليدي من اديه
رددت صوت الرباب.. شلون بيه
&&&&&
شلون حاله حالتي..وياهظمتي ومحنتي
..راح مني سلوتي..شكال راوتني الدنيه
&&&
شلون حالي وشرد اكول..همي من هم البتول
كثرت اعلينه الخيول..وداست اطفال الزجيه
&&&
شلون بيه عالجره..طايح ابني عالثره.
الناربيه موجره..وحالي ياحال الرزيه
&&&
شلون ياحال العليل..من شفت طاح الكفيل.
راح من عدنه الدليل..زينب تون بشجيه
&&&
شلون ظيم اللي حملنه..ياهو اليردنه لوطنه.
ولو احد عنكم سالنه..شنهو ردي يكون اليه
&&&
شلون يانار الشماته..ابني محلاه صفاته.
.يسالن عنه خواته..وعنه تسالني رقيه
&&&
شلون يوم الراح مني..ثكل ياحملك ضهدني.
.هذا يوم اللي فجعني..بيك ياابن الزجيه
&&&&
خادم اهل البيت
ابو علي السعيدي
&&&&&&&&&&&&&