]قصائد كعده لمحرم (381) &&&&&

قصائد كعده لمحرم
(381)
&&&&&
(1)
مجبوره يحسين امشي يالولي
ماامشي اوياك..هذا اللي بجاك
ماامشي وياك
**********
مجبور امشي عالهزل من ديره خويه لديره
واساني بس خويه الدمع يوم اللفتني الحيره
مكتوب وبلوح القدر انخطت عليه السيره
للشام خويه اسري
والامر هذا يجري
بالنوح اخلص عمري
من بعد ماجنت اميره
كل عمري اتناك خويه يالولي..ماامشي ا وياك
**************
اهوال راوني الزمن مارحم خويه بحالي
الهم ولاني والشمر والنوب هم عيالي
حرمه وحيده وبالاسر منهو الذي يبرالي
عباس خويه كافلي
منهو اليحدي بمحملي
ياخويه من راح الولي
من شفت يمناك.. خويه يالولي..ماامشي وياك
*************
رديت خويه لوحدي من الشام نور عيوني
واطفال وياي ونسه والسوط دمه امتوني
ياخوي جينه لكربله خل اخوتي ينطروني
ينطروني يم المشرعه
يم الجفوفه مكطعه
اليوم جينه نوادعه
اذكرت يوم اصباك خويه يالولي..ماامشي وياك
***********
اكعدت يم جرف النهر وعاينت مايه الحزنان
دمعاتي نزلت عالوجن اذكرت خويه شجان
منعونه من مايه العده وكطعو جفوف السفان
اجفوفه ليش مبتره
عباس سبع الكنطره
يايومه الصار وجره
طاحته جربته هناك..خويه يالولي..ماامشي وياك
************
لحسين يوم اللي رحت واكعد يمه وناديت
برحيلك انت يالاخو ادريت بيه اشسويت
كطعت جبدي ومهجتي والعين منهه كفيت
اعيوني مابيه دمع
والكلب هايم منصدع
لوشفت ياخويه الوضع
حالي العده ماسراك..خويه يالولي..ماامشي وياك
****************
خادم اهل البيت
ابو علي السعيدي
&&&&&&&&&&&&&&&&&&&&&&&&
(2)
كصدنه زيارتك جينه..نريد انزور جفينه
************
كصدنه المشرعه زوار..جينه بلهفه مشتاكين
نزور اجفوف ابو الغيره..نواسي كطعت الجفين
ونمسح ايدنه بعينه..ونمسحه دموع العين
جينه نكله ياعباس
بلهفه وشوك والاحساس
تلكانه يتاج الراس
كوم انهض يخويه النه..كوم انهض يوالينه
***************
كصدتك خويه ياعباس..كوم انهض تلكاني
اشكيلك يخويه الصار..شنهو الجره واذاني
يوم اللي رحت ياخوي..وحيده بلايه خواني
اتلفت وادير العين
للعباس لو لحسين
والرايح اجيبه منين
كظت بالحسره والونه..اسمع صرخت سكينه
***************
عكب عينك ينور العين..خويه الشمر يحديني
محتاره بحرم واطفالك..خويه دمعتي بعيني
جيتك من بعد الفراك..كوم انهض وحاجيني
كوم انهض تلكاني
يخويه انت عنواني
اسولفلك الاذاني
غيرك خويه ماعدنه..بس انته اللي يحدينه
**********
كصدتك خويه هذا اليوم..خويه ناره مستعره
انه ام الخدر جيتك..وبكلبي الف حسره
نايم عالثره ياحيد..شفت اجفوفه متبتره
جفه مبتره يمه
شفته مخصب بدمه
يمه جوده وعلمه
يوم اللي سئلت عنه..وشفت الدمه وبعينه
************
وصيه من ابوي اشكال..زينب كافلج معروف
سبع الكنطره ايسموه..ويخوف تراهه الخوف
يفدي دونج اعيونه..ويرخصلج حلف لجفوف
يفديه الج عينه
وينطي وياهه جفينه
حلف بالزهره وحسينه
شحده لزينب ويدنه..وينه اليدنه جا وينه
*************
خادم اهل البيت
ابو علي السعيدي
&&&&&&&&&&&&&&&&&&&&&&&&&&&
(3)
زينب اجت يم عباس..والدمعات هلتهه
تتلفت تدير العين..والعبرات حبستهه
************
راحت زينب لعباس..تحجيله ويناشدهه
تكله ياكمر هاشم..كلي الحرمه وشعدهه
لاام البقت عندي..وتنظر صوب والدهه
دك الصدرالهه وكال..اخوهه يوم واعدهه
كاللهه اسمعني
يزينب ياضوه عيني
اخوج وزين تدريني
وحك حسين ومصابه..اخلي اتضيع شردتهه
*************
اخلي الناس يازينب..تعرفني انه العباس
حتى لو رحت خويه..تظل عيونه حراس
شحده اليكرب عليكم..نعارج حتى بالانفاس
انتي ياضوه عيوني..يالبيكم اشيل الراس
اهواي البيني وبينج
اذكرت ياخويه جفينج
شكثر حملتني ايدينج
زينب خويه وعيونج..لخلي العده بحسرتهه
**********
لخلي العده مهمومه..وكلمن طبره بجبينه
وخلي راسهم باالكاع..وابد ماتنرفع عينه
شحده وعلي يازينب..اهدر دمه وسنينه
والرايد بسرعه يموت..خل اليوم يلفينه
اخبطه خطب صوبين
واخلي روسهم بالطين
مثل عودي ابوي الحسنين
يمنه ويسره اطبكه..واخلي اليوم موتته
***********
اخلي الناس كله تصيح..بهونك يااخو زينب
انت الشبل ابن الليث..وانت ترهب الملعب
وانت بالشدايد دوم..سيف الموزمه مجرب
شحد اليوصل ولهنا..شحده اليوصلج يكرب
فنه اليوصل لحدنه
جفين علي والدنه
يوم الوغي من يدنه
اسويهم الج نصين..وتدب بالكوم حيرته
************
يدب الرعب بيه الكوم..وكلبه يرجف ومهموم
يوم الاطب للحومه..اصيح بصوت يامظلوم
نطالب كلنه بثارك..وسيفي عل الركاب يحوم
واشوفهم صليل السيف..والسانه تعد انجوم
يموته الصوت وبحينه
ويغمض جفنه وعينه
من اصيح عليه جاوينه
اخطف روحه بالساعه..ويسمع سيفي ردته
***********
يسمع سيفي وصليله..يوم امشابج الجيمان
لو شافو لميع السيف..كله تشرد الفرسان
جم واحد اسم عباس..تدري انعرف بالعربان
بس هوه الكمر موجود..تاج وفخر من عدنان
امه الطاهره الحره
كالت مني للزهره
يحافظ ابني ولخدره
زينب كافلج عباس..الحره يوم حاجته
************
خادم اهل البيت
ابو علي السعيدي
&&&&&&&&&&&&&&&&&&&&&&&&&&
(4)
ظلمه وحزينه الليله..زينب اجت تشكيله
***********
اجت زينب لعد عباس تشكيله مصيبته
تكله ياكمر عدنان اختك بيك هيبته
تحجيله وتكت ادموع وتحاجيه دمعته
تكله ياكمر عدنان
انت ترهب الفرسان
يوم التطب للميدان
اكعد خويه ياعباس اختك دمعه سالته
دم ودمع اتسيله..زينب اجت تشكيله
*********
كالتله يخو زينب زينب طايحه بحيره
كوم انهض يبعد الروح خويه ياابو الغيره
اريد اسئلك ياخويه وسؤالي اريد تفسيره
ياهو اللي يتكفلني
لو امشي انه بضعني
وبمحمله يحملني
يوم ارحل يخويه اهناك من ديره لعد ديره
انت التعدل الميله..زينب اجت تشكيله
*********
عاين زينب العباس وبان الغيض بعيونه
كال اله يخت عباس بالعباس مامونه
اخوج وانه للكلفات بالكلفات ينخونه
انه كافل الحره
وحك ظلع امج الزهره
لخلي اكلوبه حسره
جيش اللي تريد اليوم كبرج من يهدمونه
اخوج وشلهه بحيله..زينب اجت تشكيله
***********
رفرف شارب العباس يوم اللي انتخت زينب
كام ونهض يمهه وكال انه سيف المجرب
اخلي جيوشه طشار فنه اليكرب الملعب
اخلي النايحه صوبين
وماطكه وعلي طكتين
اصيرن مثل ابو الحسنين
يوم الصال عل العدوان وبيده جندله مرحب
نظرهه اخته اطيله..زينب اجت تشكيله
**********
من شافت زعل عباس كالتله يخويه بهون
اخاف من العده خويه ليه بعد متردون
اظل طول العمر انعاك خويه وماتظل عيون
اظل طول العمر انعاك
صعب خويه عليه اجفاك
اريدن خويه اموت وياك
وحدي بكربله ياخوي ترضوهه عليه شلون
ياهو عني تسيله..زينب اجت تشكيله
************
خادم اهل البيت
ابو علي السعيدي
&&&&&&&&&&&&&&&&&&&&&&&&&&&
(5)
ياعمي شفت الاحزان..والدمع ينزل باالوان
************
صاحت سكينه يعمي هاي دنيانه العجيبه
مانريد الماي عمي خايفه هول المصيبه
مااريد الماي عمي وشنهي يردون الضريبه
اجفوفك انته تنبتر.
.معروفه هاي اهل الغدر.
.اصحاب ايزيد وشمر
ابد مو حاله غريبه
عباس ابن الكرار..لسكينه نزلت دمعته
فارك اليوم الخوان..والدمع ينزل باالوان
**************
من نزل عباس ناده وينهم كوم ال اميه
انه ابن حيدر ولينه وخادم انه للزجيه
تكفلت بعيالي كله وخدمت سكينه ورقيه
الهم افديه العمر.
.واتحمله نار الجمر
..لون جفي ينبتر
ولا تهزني الناصبيه
هذا ابن حيدر علي..العباس غيره غيرته
عايش بنص الوجدان..والدمع ينزل باالوان
*********
صاحت سكينه يعمي العطش فتت جبدتي
شبت النار عل كلبي وصعدت اوصلت مهجتي
ترضه ياعمي عطاشه وتنزل بخدي دمعتي
العطش ياعمي ظالم
ارجعنه نريد سالم
ارجع وجيب الغنايم
جيب ماي لعيلتي
عباس ياعمي الماي..العباس سكنه صاحته
انت الامل للعطشان..والدمع ينزل باالوان
***********
من وصل عمي الشريعه وصل يم ذاك النهر
شال بيده الماي يشرب بسرعه صاباه القهر
العطش بحسين يذكر ومن غرف هوه ذكر
ذكر مايك يافرات
اشلون منعوه الجناة
وماشرب منه الولات
ساعته ظهره انكسر
عاد بالجربه الي..بسرعه يملي جربته
انته سند للخوان..والدمع ينزل باالوان
***********
من مله الجود بيمينه ورجع صوب الخيم
رافع ابيده الجربه ورافع الاخره العلم
ساعه لن واحد يطبره وطاح وعينه السهم
بترو اجفوفه ال اميه
اليمنه واليسره سويه
وساعته تبدت الميه
طاح جوده وانهظم
والسهم صابه بالعين..وبتروه يمنه ويسرته
وجه كئيب وحيران..والدمع ينزل باالوان
*************
ودع حسين وينادي عليك ياخويه السلام
خويه ياعمري وحياتي ياامام ابن الامام
من وصله حسين ناده مايشوف من السهام
خويه من خط القلم
احنه نحمله القيم
شال من عينه السهم
وعينه ممليه ظلام
حسين يوم اللي وصل..وصه لسكنه وصيته
لحسين جان الربان..والدمع ينزل باالوان
*****************
خادم اهل البيت
ابو علي السعيدي