اسد بغداد ..... قصيدة القائية

موعيب العشگ لو چان مصدوگ ....... سودني الغرام أبقصتي هاي
حبيبي أسمه نبع مابين العروگ .......... ولجل أمحبته آنه الموت سلواي
أحن لزيارته چن حنة النوگ............... وذكرنه وغصَّـن حته بالماء
حبيبي أسمه أسد بغداد ويلوگ ......... واسم باب الحوايج فدوه اله حشاي
يم داري گبل چنت أصعد الفوگ ......... تسحرني المناير كحل عيناي
غربني الزمآآآآآآآآآآآآن وروحي اله أتوگ ..... شيجرعه الصبر والحنظل أغذاي
بجناح النوارس طار اله الشوگ ...... وذكره من يمر تتكهرب أعضاي
علگوهه الشموع وشدو أعلوگ ......... وهم روحه المسير وجدم ممشاي
أتعنه وابوگ أمن العمر بوگ ........ وأشوف الكون مابين ايده عناي
يبستان المحبه أمحمل اعثوگ ....... يفوجات النهر للضامي رواي
دنيآنه بضايع والعمر سوگ ...... وميزان العدل ما يخطي حگاي
لوغابت شمس ماغابت أحگوگ .... ولو بار الصدگ يطلعله شراي
صدگ صار الحديد وگيد والطوگ ... تراتيل الصمود أورفض دواي
صدگ صار الظلام بسجن مظيوگ ...... شعاع وللعرش قنديله ضواي
صفه وين الوكت بالصمم أحلوگ ... بقصور الترافه وطرب والناي
الحاچه الغمامه وگال مسبوگ .... غوث أشما نزل أبگاعي عطاي
دنيه وللظلم أتصفگ أصفوگ ..... لاچن لو جفت مايضل وچآي
أندرس تاريخه الاسود وأسمه محروگ ...وشبع لعنات كل صبح ومسه هواي
كل جلاد مترف شعبه مسحوگ .... ماليهه السجون وحاجب الراي
فنه أيشوف گبه وصحن مرموگ .... چا بان الندامه ودمعه هماي

بقلم
محمد أبورغيف

احسنتم واحسن الله اليكم

قصيده طيبه وممتازه

احسنت كثيرا سيدنا الجليل

دعائي لكم

اقتباس : المشاركة الأصلية كتبت بواسطة سيد عدنان الحمامي [ مشاهدة المشاركة ]

احسنتم واحسن الله اليكم قصيده طيبه وممتازه احسنت كثيرا سيدنا الجليل دعائي لكم

الف شكر على المرور سيدنا العزيز
السيد الحمامي
عطرت المتصفح
ربي يبارك بك سيدنا الغالي
تحياتي وخالص الدعاء

بارك الله بكم وربي يوفقكم ويرعاكم

لكم...

مني كل الاحترام والتقدير



اخوكم علي

قصيدة رائعة
بحق مولانا ا لامام
موسى بن جعفر ع

شاعرنا القدير محمد ابو رغيف

اقتباس : المشاركة الأصلية كتبت بواسطة علي هاشم البدراوي [ مشاهدة المشاركة ]

بارك الله بكم وربي يوفقكم ويرعاكم لكم... مني كل الاحترام والتقدير اخوكم علي

الاخ الغالي علي هاشم البدراوي
مشكور على مروركم العطر والبصمة الرائعة في الصفحة
ربي لا يعدمنا انفاسكم العطرة
تحياتي مع خالص الدعاء
اخوك محمد ابورغيف

اقتباس : المشاركة الأصلية كتبت بواسطة خادمة الشفيع [ مشاهدة المشاركة ]

قصيدة رائعة بحق مولانا ا لامام موسى بن جعفر ع شاعرنا القدير محمد ابو رغيف

الاخت الكريمة
خادمة الشفيع
تحية شذية لمروركم الكريم
وألف شكر وتقدير لبصمتكم الرائعة
تحياتي وفائق الاحترام