جبريل كبر بالسمه كل الخلك سمعوها -- وفاة الامام علي ع

سلام علكيم

------------

المستهل
-----------

جبريل كبر بالسمه كل الخلك سمعوها
الله واكبر ياعلي والهامتك طبروها
--------------
الله واكبر ياعلي ياهو اليصدك بيها
هامتك ونته ابسجدتك هذا النذل يدنيها
مو سيفك الجن والانس ياحيدر امبجيها
وضربتك وحده بالحرب من تظرب ايعرفوها
----------------------
انته الذي اتموت الخصم لو شافك ابميدانها
فرسان منك ترتهب يعكد الموت السانها
يمنجي نوح امن الغرك يمسكن الطوفانها
وآيات من رد الشمس جفك بعد شافوها
-------------------
غزوات بيهن جاهدت ياما انصرت هادينه
وسيفك يبو حسين الذي اصبح عمود الدينه
بالشدد كلها عافته بس انته بيها اتعينه
بالخدنق احنين أو بدر صولتك ماينسوها
------------------
مرحب وأبن ود بالحرب من منهم اليدنالك
شلون ابن ملجم ياعلي بسيفه اجاك ونالك
مسموم سيف اللي طبر هامك وغاب اهلالك
وكل النواصب تشتمت فرحتهم ايعلنوها
----------------
يالبيك دين الله ثبت ماظنه يشفه اصوابك
وهاي اليتامه بالحزن كوملها جتي ابابك
بدموعها وحسرة الم تحمل شلون اغيابك
صرخة اموادع ياعلي اسمعها من صرخوها
------------------
كل الارامل تنتحب نايبه اعليها اجبيره
بس عطفك اعليها عطف كل عطف ماكو غيره
بعازتك تبقه ياعلي موقف صعب تفسيره
دمعة حزن دمعة قهر يابا الحسن ذرفوها

--------------------
سيد عدنان الحمامي

طيب الله انفاسك الزكيه مولاي

قصيده روعه

وفقك الله لهذه الخدمه المباركه

وعظم الله اجورنا واجوركم بوفاه امير المومنين ع

الله الله الله الله الله الله الله الله الله الله الله الله

الله الله الله الله الله الله الله الله الله الله الله الله

جميييييييييييييييييييله جدا جدا جدا جد جدا هذه الابيات وطيب الله

النفاسط العطره

وسلمت يمناك عله ماتقومه لتنشر القصائد الولائيه في هذه الصرح

العطر والمبارك

وننتقرب كل جديد من كلماتك العطره سيدنا الجليل

وسئل الله ان يطول النا بعمرك ويوفقك في هذه الخدمه المباركه الجليله

مع خالص تحياتي وامتنائي لجنابك الغالي والمحترم

اللهم صل على محمد وعلى ال محمد وعجل فرجهم
اللهم العن قتلة امير المومنين واللعن من ظلم العترة الطاهرة
احسنتم سيدنا الغالي طيب الله انفاسكم
على الكلمات الولائية المعبرة والروعة
الزكيةدعائي لك سيدنا العزيز ان يحفظك الرحمن ويسددك بالقول والفعل احترامي وحبي
خادمكم
محمد ابورغيف