لاستشهاد الإمام الجواد ع. عالجواد أعلن حداد

وفاة الجواد عليه السلام
.
.
عالجواد أعلن حداد وخل دمع عينك يسح
غدرته چفوف الخيانه وچبده بالسم ينجرح
.
بصوته ناعي الحزن ينعه والرضا ايهل دمعته
وبالعزه لبست سواد وعدها مأتم شيعته
للرضا اتشارك بحزنه عالجواد بغربته
هيه كل عترة محمد لو بسم لو تنذبح
.
من بني أميه بجرمهم بني العباس اقتدوا
بيت بيت البني الزهره بالجرايم روعوا
بالسجون وكل بلاد إمن المظالم هاجروا
عن وطنهم غربه صاروا لا أمان الهم يصح
.
نكروا شوصه محمد گال سمعوا أمتي
وبكتاب الله تمسكوا وثقل إلا آخر عترتي
للرشد درب الهدايه تظل عدهم رايتي
فاز بيهم من تمسك بيهم الحق يتضح
.
بيهم شعملوا جرايم شاهد بطف كربله
ماسلم حتى الرضيع اللي يذبحه حرمله
حسين مذبوح واخوته يتموا كل عائله
و روسهم كل راس شافوا يرتفع فوگ الرمح
.
للسبي كل الحراير بعد ولياها مشت
والمصايب عله العتره بالقتل والسم بدت
اليوم معصومه اويه اخوها عالجواد شگد
بچت
هوه يادمع العليهم والمصايبهم يشح
.
الموسى بن جعفر نواسي بالجواد بهل العزه
وصوت استنكار نصرخ كل حقود ايفززه
وحبنه الهم كل زمان وكل مكان انعززه
نبني واجب صار عدنه بكل گلب الهم صرح
.
.
ابوذيات
.
مصايب عله العتره دوم ورها
بكبر هالدنيه عدنه الحزن ورها
المصابه نار وسط الگلب ورها
الجواد ايغيبه سم المنيه
.
يحبل الحزن مافد يوم ينحال
عله العتره شيمر ياحال من حال
الجواد بچبده سم الغدر من حال
يموته السم مثل مامات ابيه
.
.
سيد عدنان الحمامي