]الى خدام الامام الحسين ع ومن يريد تشويه صور الخدمه اقول (395)

الى خدام الامام الحسين ع ومن يريد تشويه صور الخدمه اقول
(395)
******
(1)
لاتشوه مذهبي..تخلي يحجي الناصبي
لاجلب انته لرقيه..وخالتك موش الابيه
صيح انه الزينبي
***
عار هذا عليك انته..واستمع مني الكلام
لا تشوه صوره اكلك..وتفعل افعال اللئام
زينب الحره العظيمه..بصدر كل مؤمن وسام
وترمي جبد حسين رايد..والحجي فعل السهام
لا رضه الله ونبيه.. انت مو ند لرقيه
هذا دس الاجنبي
***
عالم النحو شيكول..كل وصف يتبع صفه
وانت اسم اللي تحمله..كلي يا هوه يشرفه
ليش انت تسيء قصدا..وانت قلت معرفه
حتى اسم اللي تنسبه.. كون لازم تنصفه
هاي حره هاشميه..بت علي وبت الزجيه
بهاي مايرضه النبي
***
الله وبمحكم كتابه..كرم الباري الخلق
بأاحسن التقويم انته..وعدنه بس احنه النطق
وانطه للحيوان خصله..انته تبديله الرفق
هواي البينك وبينه..وكلنه انعرف الفرق
شلون ترضاهه عليه..واحنه خدام الزجيه
هذا منك مطلبي
***
الطلب جدا بسيط..وادري تعرف بالسبب
اني من اكتب قصيده..بينه انراعي الادب
ونرجع لمذهبنه احنه..ونقره شكال وكتب
الزهره ماترضه منكم..انت من اصل ونسب
خل اسمك بالدنيه..يحملهه اسم القضيه
شلون زينب تنسبي
***
لاتخلي ارجوك اسمك..يعمق هواي الجراح
تصح جلمات اللي تكتل..اشد من فعل السلاح
وعدنه فرق هواي شاسع..بين جلمته النياح
ويو سال واحد وكلك..انت تبجي وي الصياح
انت لاتزعل عليه..هذا واجب مو بيده
حسين زادي ومشربي
***
خادم اهل البيت
ابو علي السعيدي
&&&&&&&&&&&&&&&&&&
(2)
انتزع ثوب الرياء.. لكي تبكينا السماء
بشجون وحنين ..لدمأت الحسين
لكي لانهدر دماء
***
ندري بدمانه عزيزه ..بكلبي تبقى خالده
حكي لو اطبر وانوحن..خلي تسمعني العده
ردت كون القامه دمي..عليه تصبح شاهده
هذا تعبير المشاعر..وصوت روحي تردده
صاح صوت الحاضرين..واعتلى صوت الانين
طاح ابن خير النساء
***
اليوم شمر اللي ذبحنه..وادري ماطاح الجبل
صاحت املاك السماء..هذا ابن خير العمل
لاتلوم انت عل حالي..والجواب انطي السئل
حسين ياسفن النجاة..والنه يشفع والاهل
لا وحق دم المسيح..هذا من نسل الذبيح
هذا من اهل الكساء
***
لو ردت تعرف شعوري..وليش اطبر هامتي
عندي بالقراءن سوره ..البيه خصص امتي
الله يحشر من يحبه..بنفس شكله وهيئتي
وانه لبيت الرساله..مخضب اعلن بيعتي
نشارك الجزء القليل..بالدماء اللي تسيل
هذا لجل الاولياء
***
احنه من نفعل فعلنه..نعرف اشكال الشرع
هاي جزء من الاصول..والاصل منه الفرع
اية التطهير عدنه..حصن النه والدرع
ياعظم هذا المصاب..نوره من ربي اليشع
قد بكته العالمين..قبلي في مر السنين
قد بكته الانبياء
***
الله يبارك سعينه..وكلمن بسعيه يفوز
من تطبر انت كاصد..تنصر المذهب يجوز
ندري بالكطره اللي تنزل..منه نستعمله حروز
تختبر ذاتك كيانك..ومن تضحي الهم تروز
يصبح الدمك كيان..شاهدا يبقى العيان
ولنا منه الشفاء
***
خادم اهل البيت
ابو علي السعيدي
&&&&&&&&&&&&&&&&&&&&
(3)
انته مالك اي علاقه ..... الهامة هيه هامتي
ابتعدعني من اطبر.... لاتلوحك قامتي
حيدر حيدر حيدر
&&&&
اريد اطبر هامتي حتى اوفيه الزجيه
وارد اصيح بصوتي عالي حيدر بهاي المسيه
هذا منهجه يشيعه حيدره ورب البريه
لازم انوفي نهجنه خل تعلم ديرتي
حيدر حيدر
&&&&
لاتساوم عل الشعاير بالكلام اعلينه
احنه ما انذي نفسنه انت اللي تاذينه
احنه من نطبر نواسي ولازم اتواسينه
حتى انوافي الحجه ودمي يرفع رايتي
حيدر حيدر
&&&&
لاتحسسني بذنب وتكلي جي حبيته
من زغر عمري حملته بروحي هالواليته
شنهو جرمي اعليك كلي وياذنب سويته
انه حب حسين عندي والدليل محبتي
حيدر حيدر
&&&&
الزهره تستاهل نضحي ونرخص اله الغالي
كلبي هايم ظل يحبهم وحبهم بدلا لي
الزهره واولاد الزجيه والرسول وحيدره الوالي
الواله حيدر والزجيه وهمه نهجي وغايتي
&&&&
اليوم لحسين وننادي وخل انهل الدماء
وتنزف ويانه الدموع مثل فيضج كربلاء
حزنت الارض وبشرهه وحزن ويانه السماء
وعزت املاك السماء اليوم طاحت دمعتي
حيدر حيدر
&&&&
لاتكلي ليش اطبر وحكي من ابجي وانوح
ارد اعبر عل المشاعر وخلي افتحه الجروح
انهدمت بروحي العباره وهاي اعلاها الصروح
خل شمر الخنه يرمي علينه سهمه وموتتي
حيدر حيدر
&&&&
خادم اهل البيت
ابو علي السعيدي
&&&&&&&&&&&&&&&&&&&&&&
(4)
يلا لله نطبر...نصيح نكبر
خل تنزل كطرات العين...تردد تصرخ أيا حسين
حتى الدمعه تريد اتعبر
*******
خل انطبر هاي الليله...انواسي الزهره وكل العيله
كطرات الدم اللي طاحت... محسوبه وي الدمع اتهيله
وصدرك لو شارك بالموكب...وبروحك يصدرك يعنيله
واجمع هل الموقف والصوره...وشيطلع عندك تحليله
تنعد انت من الانصار...اول واحد بالثوار
واحسن موقف بيه التنصر
********
والطم وارفع كل ذرعانك...واتوجه للزهره ونـــادي
وسمع صوتك كلمن حاضر...وسمع من تصرخ يالهادي
ومن تسمع صوت بداخلنه...جن الزهره تصـيح اولادي
الكسرو ظلعــج يالزهره...همــه المردو نفس افادي
نردد انصيح احنه الثار...انهض لينه وي الاحرار
بسمك يالغايب ونكبر
*******
من كونك رايد وتطــــبر...اترك كلشي يمس الناس
ونذر روحـــك اهدر دمك...خل فعــلك مثل العباس
ضل شامخ والناس تكصـده...واطرد كل هم اووسواس
وخل النيه بحب حسين...وشوف شمحلاه هل الاحساس
ساعته اتشوف الكرار...ياصوب وكتر التندار
وياك يكبر ويصبر
*******
شوف الدم الينزل منـك...تنزل بيه محست رحمن
نابع من شريان بكلبك...ونابع هو من الوجـدان
انواسي حسين وي العتره...وتعبيرك اضعف ايمان
ولو تنظر ساعته وتوكف...وينظر حاله كل انسان
هذا الموقف بيه اسرار...بيه العالم ظل محتار
وكل واحد للثاني يخبر
********
اخبار العالم تتنــاقل...وتشوف الدم مثل السيل
حتى الشايب شد احزامه...محــضر للتطبير بليل
واطفال اتشوف وجن زهره...وي الشايب شد الحيل
كله اتجمعت شنهو الغايه...وكل جيل يسلمه لجيل
وتخافك كل الاشرار...لو صار حسين المعبار
والعباس بأيده ايعبر
********
هذا الموقف يجسد عبره...كل حـر لازم ماينساهه
يذكر زينب ذيج الحـره...واطفال الضلت ترعاهه
واخوته الضلو عالغبره...وحتى الكافل حامي الواهه
انطبر نذكر هالموقف...ونذكر سبيــته وممشاهه
للشام وبيد الكفار...بيه انواسي حامي الجار
لو دنيانه تريد اتغبر
********
خادم اهل البيت
ابو علي السعيدي