انتي يااعظم وتد..زينب..بالطف ساعتها انوجد..زينب

انتي يااعظم وتد..زينب..بالطف ساعتها انوجد..زينب
هزتني امي بالمهد..زينب
&&&
انتي يانور الارض يوم القيامه..بيج ترفع للبشر منهم ظلامه
ساعتج بالطف الي ظلت علامه..دمعتج غسلت كلب كل اليتامه
دمعي..كل كطره للظالم سهم..دمعي..من طحت ياخويه هجم
بلا اخوه ظلت لا ولد..زينب
&&&
اشكثر لوعات من عندي الحملتي..ماني اخيج اندبج وانتي اختي
جم مصيبه وجم رزيه انتي حضرتي..تالي لاارض الشام بكيود ورحلتي
شلتي عنوان القيم...زينب..الج تبجي هالخدم ..زينب
الله ورسول من شهد..زينب
&&&
انتي خلاج العرش النه اميره..تعرفج اهل الحكم واهل البصيره
انتي بلايه سفاره بس سفيره..وسفه خلاج الزمن عدهم اسيره
صوتج لعرشه هدم..زينب..عليج من جار وظلم..زينب
صوتج عليهم رعد..زينب
&&&
الصبر منج يزينب اخذ صبره..يوم شفتي حسين طبراته الف طبره
وعيني وجفوفي البقت للزمن عبره..خطت بدمي الشهاده ودمي حبره
شلت بالطف العلم..زينب..احميتي خدرج والخيم..زينب
ثوره تبقى للابد..زينب
&&&
جانت السلوه لااخوه والها سلوه..فركاهم هالزمن بالغصب كوه
شافت انواع الرزيا وماكو حلوه..صارت ام الخدر تكفل هيه ثوره
ثوره صارت بالامم..زينب..حملت معاجز بالكرم..زينب
هاللبوه من ظهر الاسد..زينب
&&&
انتي ياركن واساس بروحي جنتي..من الزغر انتي لخيج من كفلتي
بحضنج تربيت امي ومره اختي..غيابج الاثر عليه من رجعتي
بلوحه من خط القلم..زينب..تكفلتي باايتام وحرم..زينب
جنتي من يومج سند..زينب
&&&
شلتي هم العايله وصرتي دليل..ياكفيله واخت من جان الكفيل
نوحج بكلبي اسمعه من يطيل..نوح ام وفاكده ماي السبيل
كلبج اشكد انهظم..زينب..من رحل راعي الشيم..زينب
مااظن كلبج برد..زينب
&&&
خادم اهل البيت
ابو علي السعيدي

بسم الله الرحمن الرحيم
اللهم صل على محمد وآل محمد وعجل فرجهم وسهل مخرجهم

وصل اللهم على فاطمة وأبيها وبعلها وبنيها والسر المستودع فيها عدد ماأحاط به علمك
وعجل فرج يوسفها الغائب ونجمها الثاقب واجعلنا من خلص شيعته ومنتظريه وأحبابه يا الله
السلام على بقية الله في البلاد وحجته على سائر العباد ورحمة الله وبركاته

التوفيق الدائم في هذا

المشوار النبيل

وربي يسلمكم ويحفظكم ان شاء الله

دعائي لكم دائما