|
|
|
#1
10-29-2016, 01:09 AM
|
||||||||
|
||||||||
قصائد مكتوبه ملحنه اطوار الملا باسم الكربلائي ...2
قصائد ملحنه بااطوار مله باسم
*************** 11 يبني بجيتك..يوم اعتنيتك..شفت المنيه كلبي شيجبره..من بعد كسره..كلي شبديه &&& يبني مشيت لكربله لوشفت وضعي مهمومه حيل من الجره بس ابجي وادعي محتاره يبني بالامر وبخدي دمعي مهمومه يبني من طفه هاليوم شمعي يبني سمعتك..بهاي رجعتك..سالم اليه كلبي شيجبره..من بعد كسره..كلي شبديه &&& ماحسبت يبني الجره من فاركيتك يالاكبر بروحي مهد يمه احتويتك انتظر ايام واعد بيها ارتجيتك ابروحي يبني ومهجتي انه اشتريتك دنيه عجيبه..يبني وغريبه..بيها البليه كلبي شيجبره..من بعد كسره..كلي شبديه &&& تبجي عليك اهل الارض يبني وتسمعك وتشاهد الصار وجره وتشوف وضعك يالاكبر وعلكت شمع من انطفه شمعك وتعاين تشوف الارض باجساد ربعك ماظني ارجع..كلبي يتوجع..بهم العليه كلبي شيجبره..من بعد كسره..كلي شبديه &&& يالاكبر ويبني ردت بس لحظه اشمك وارتوي منك هل العمر يبني واكلمك عاينت ساعه لوالدك وانظر لعمك يوم الرحت للمعركه شلت انه همك لاتظن اعوفك..وارجع اشوفك.. هاي المسيه كلبي شيجبره..من بعد كسره..كلي شبديه &&& امك يالاكبر من ردت يايمه نظره اخر وداعك يالولد كلبي يفطره لن بعدك اليحني الظهر مره يكسره واشتعلت بلب الكلب يايمه جمره يعلن سكوته..لو كرب موته..بكلبي الاذيه كلبي شيجبره..من بعد كسره..كلي شبديه &&& فاركتك انه ياعلي بحاله مريعه واليفكد احبابه بعجل بهاي الفجيعه شوفني يوليدي الالم الحاله فظيعه ياريت كبلك موتتي وانه الصريعه يبني بجفاكم..عيوني وراكم..تبقى ربيه يبني بجيتك..يوم اعتنيتك..شفت المنيه كلبي شيجبره..من بعد كسره..كلي شبديه &&& خادم اهل البيت ابو علي السعيدي امك اجيتك........باسم ****************************** 12 ودعتهم بالنظر..جدي وامي عل السفر كلبي مهموم انعصر..ياهلي &&& نار وبكلبي تهيج وهيه تسري اهلي من عفت المدينه وعندي عذري رحت يم امي العزيزه وجدي يدري من خذت منه الامر وعرفت قدري ندري مكتوب الاجل..ودعت خير العمل وداعهم يحني الظهر..ياهلي &&& يمه يايمه الحنيه ونور عيني جيت اكلج عالسفر يمه اعذريني ورايد اموداع اخير اتودعيني يمه هم عندج خبر لو تسئلني يمه ادري مئلمه..بدمع تبجيلي السمه كلبي يايمه انفطر..ياهلي &&& جدي صعبه نفاركه نترك مجانه خذنه منه عاطفه ورقت حنانه من زغر جدي بحضن هوه رعانه هوايه من ادروس خذنه وعلمانه جدي كلبه من يحن..علينه من يبجي يون جدي ياخير البشر..ياهلي &&& انه رايح شنهو وشنعدج وصيه اليوم شديت الرحيل بهالمسيه هاي رحلتنه الاخير وي المنيه يمه جدي الكال وشيجره عليه يمه معروف الوضع..راح اكثر بالدمع دمعي يفجر الصخر..ياهلي &&& يمه كلبي اهنا ظل يمج يريد صعب من ارحل واروحن لو بعيد كلبي بفراكج ماساعه اليهيد يمه لو طبج خبر كالو شهيد ومني لو طاح الدمه..وكالو ابنج فاطمه اليوم محزوز النحر..ياهلي &&& صعبه يمه نفاركج يمه ويهون عليج تجري بالدمع هاي العيون وكلبي من ايهيم بالنوح وشجون يمه لاتكولين راح ابني الحنون اني يمج بالكساء..يمه ضميني برداء لو حظر يوم الخطر..ياهلي &&& خادم اهل البيت ابو علي السعيدي ********************* 13 الزهره للخدام..تنطي هيه وسام يالتخدموني.. انتو نور العين &&& الزهره من تحضر محرم وبحزنها تشكر الخادم عله ونته اليونها وكلمن اتعنه بحزن خادم لاابنها ربنا يبارك سعيكم وياحسنها خدمك بيها..يمها تلكيها الزهره وياكم ..انتو نور العين &&& بالمجالس تحضر وصوت التسمعه اتعاين المجلس بعين وشنهو وضعه ومنهو يقرالي بدمعته ومنهو ينعه واللطم بيده عل صدره وكلها ربعه من يبجيها..ودمعه يجريها الزهره تحماكم..انتو نور العين &&& انطني للخادم هديه وصكه بيده ويانه يدخلها الجنان احنه نريده نوقعه للخادمه بمنزل شهيده والله ويانه ونبينه الكم وعيده اوقعه باايدي..صكه بوريدي الزهره بااسماكم..انتو نور العين &&& ادري باب الخدمه كل عام يتجدد يبقى مفتوح بخدمته ماله كل حد ندري من واحد لواحد هم تولد كلها تشارك عزاها وكلها تنعد كلمن بجهده..ينطي اشعنده الزهره ترجاكم..انتو نور العين &&& دمعة المجلس تزيل اكبر غمامه لو تهلها بحضرته عندك كرامه ولو تقدم ماي تسكيهم خدامه تسكي عطشان وشرب ماي الامامه تحمل اسمنه..ياللي تخدمنه الزهره تنعاكم..انتو نور العين &&& نشوف يوم الطف رهيب وكل احساس ناس تخدمكم بغيره وتفدي عباس والكم تضحي ولدها وهيه بالانفاس تنزل الدمعه ودماهم تخضبه هالراس كلها تتحضر..ومنهم الطبر الزهره تشفاكم..انتو نور العين &&& خادم اهل البيت ابو علي السعيدي ******************** 14 اهلالك ولينه..من هل علينه البسنه اسود من خام..ننتظرك هاي الايام &&& هاي انصارك تنادي يانور العين واصل محرم نلطم احنه عل حسين ونزيد ونتنه ودمع عل الخدين ونادي ياعباس وين الجفين انه اعتنيتك..واليوم اجيتك هاليوم من خل اهلال..بالحزن ثار الدلال جيه حزينه..من هل علينه &&& هل يومك وبيه الحزن بيه جمرك هل يومك وبيه وتراجع عمرك هل يومك وبيه يتجبر كسرك ومن هذا كله ميتحمل ظهرك تلكه امامك..وانصب خيامك ربك البيهم اختار..تخدمهم هاي الاحرار خدمة سنينه..من هل علينه &&& كل عام احنه نستعد نشد اوزار نحضر عزانه ونوشحه الدار اسود لبسنه وكلنه غيره واصرار نعزي الزجيه والفحل حامي الجار احنه نكلهم..نخدم ولدهم حضرنه كلنه الارواح..لحسين نخدم لو صاح كلنه اجينه..من هل علينه &&& اسنين من نلبس اعليهم هالخام اسود نحضره من يصير الاحرام يزاداد بينه هالعدد من كل عام وتصير متوزره نذر هل الخدام نحضل رضانه..بخدمة مولانه خدمتنه هيه تنعاد..من ولدنه للاولاد احنه بنينه..من هل علينه &&& نرفع حداد نواسي كلنه الحاله ونعيد ذكرى الواقعه وبعياله ننصب خيمنه والدمع هماله هاليوم تبدي القافله وبرحاله نكظي عمرنه..نخدم كمرنه ونرفع اليوم الرايات..فوك المباني ولايات شكد بجينه..من هل علينه &&& رايات سوده للحزن رفعوها فوك السطوح اعلامهم خلوها وكتب خطوط الحزن من كتبوها وظلت ترف فوك النجم علوها ظلت سمانه..تنعه حمانه وسودنه احنه البيبان..واللافته عل الحيطان انخطت بدينه..من هل علينه &&& خادم اهل البيت ابو علي السعيدي ************************ 15 يرفرف علمهم..غايب كمرهم اموسد التربان واجفوفه يمهم &&& من شفت سهم المنيه مالي عينه..اندبت ربي ودعيته عن انينه صحت عالي الصوت بنتي ياسكينه..عمج الفارك حياته مكطعينه وحشه الليالي.. ماعندي والي وحشه وهظيمه بين ظلمهم &&& فاركتها انه كربله بهاي المسيه..اتركت خويه جثثكم عل الوطيه من خذونه عل الهزل كالو سبيه..شفت ياخويه العذاب الجره بيه شوف الجرالي..بعدك يغالي دارت هالانذال بينه حقدهم &&& من دخلت الشام وياي رقيه.. والهظم والجوع وجماله سبيه اطفال عطشانه ويتامه اتريد ميه .. الحمد لله يخويه بهالرزيه راي عقدته..وحكي اخذته عرفته ايزيد وكتله بنسبهم &&& ضجت العالم تنادي وين اخوتي..صاحت ويسمع الباري كل شكوتي يستمع رب الجلاله نص دعوتي ..ليش ياظلام تحومون عل موتي يسمع دعائي..ربي بسمائي بين حقدهم شفنه غدرهم &&& من دخلت بمجلسه دمعة عيوني..هاجت الغيره عليه وكل شجوني كتله ياظالم اميه يضربوني..ومن سياط الشمر ورمهن متوني حقدك حملته..وظلمك منعته ربك يعلهم يهلك زلمهم &&& عيني لاجت بالبعد ظاكت الوسعه..ومني نزلت الجبين بعيني دمعه من مشينه خويه ومابيه رجعه..بالشتم والسوط يضربني واسمعه بااذني سمعته..بروحي ضربته ربك يذلهم يفرق شملهم خادم اهل البيت ابو علي السعيدي ****************** 16 وفو وعدهم ولدي بعهدهم ضحو بالارواح بكلبي جمرهم &&& انه جرحي بالطفوف بكلبي شلته ..غصه بااثر غصه من جرعته الظالم الملعون يبقى اذكر فعلته..من ذبح ابني الحسين وماني شفته يبقه عل بالي..جرح الليالي وعملات الانذال هذا عملهم &&& شلون حاله حالتي ذيج المسيه..دارت الانذال كلهه من ال اميه ما رعوه الله ورسوله همه بيه..ولارعو حيدرعلي حامي الحميه عزي ودلالي ..اهل المعالي خاتم للاسلام معروفه جدهم &&& ما شفت شنهي الجره بس روعوني..شفت اطفال الحسين وحيروني عليه داور بالنشد من ينشدوني..سئلو عل حسين كلهم يعرفوني شفته بخيالي..كاعد اكبالي يااغلا بالكون دمه يدمهم &&& انه ام وفاكده ودمعه اعل خدها.. مثل نار القضى من تسري بجبدها طاحو بهااليوم من عدهه ولدها.. راح ربان السفينه الها وسندها حاميه عيالي..ريح الشمالي بسمك يعباس هوه علمهم &&& لو اسولف عالجره تهمل عيوني..ناري مشعوله سريه بكل شجوني تهيت دربي المشيته أعل الفاركوني..جرحي ابكلبي جبير من المشوني يبقى سؤالي..عنك يوالي ضحو بالارواح هذا كرمهم &&& خلفت نيران بعدك بيه جرحين..يالرحت عني ومشيت بعيد لاوين انه من ابجه بدمه كله عل حسين.. استمع شكوته روحي وهذا الونين نوحي وجروحي..ماتهده روحي الكم يالكرام خالد اسمكم &&& خادم اهل البيت ابو علي السعيدي *********************** 17 يبقى ذكرهم بعين اليضدهم بجفك يعباس عالي علمهم &&& انه ربيت الكمر ظل بعيوني..انه حره بت اسد كلها اعرفوني شلته ابروحي وحياتي وكل شجوني..اليوم بفراك الاحبهم لوعوني شفت المنيه..بذيج المسيه من عمري يبني كون لعمرهم &&& من شفت رايه علت لبن الزجيه..بيد جف الماعرف غير الخويه صارت بعين اليضدهم شوكه حيدريه..شوف اعداءه الهوايل والمنيه شلته اعله ايدي.. ابني وعضيدي يانور الحسين نفسه بكمرهم &&& انه احجيها المراجل تعرف الناس..الرفت بيوم الطفوف وهزها عباس جان سكاي العطاشه كله احساس..انطه عينه وي جفوف وكال لاباس فدوه للحسين..من انطه جفين لعنت الله عل كلمن ظلمهم &&& لو يصول عل العده بضرباته ميلين..هذا ابو فاضل نعرفه وخي الحسين يعرف الميدان فارس بالميادين..مثل ابو الحسنين طبهم ناده بالحين يفرقها صوبين..بس ينخه يحسين بساعه من يصيح هوه ندهم &&& لويصيح بصوته هوه عل المله..انه كافله العقيله وانه حادي القافله انه ابن حيدر وليكم ياللي انته تجهله..تبقى مني هالعلامه وشاهده ياكربله شاهده للدين..تذكر الناسين انه ابن حيدر علي هوه قهرهم &&& رسخ اركان العقيده والجموع اتشاهده..ضربت الكرار حيدر لو يكر عالعده قدم اجفوفه هديه لزينب وكال الفده..كال وصاني ابوي وصيه هيه خالده انطيهن اثنين..نذر اوفه الدين شنهي العدوان ماخافن غدرهم &&& بكربله اكبر مصيبه شاهداها..سال وي الماي دمه وشربها الجفوف عل النهر عطشه لكها..نذر روح للزجيه من نطاها تروي من العين..هذا دم حسين انت يااشرف فصيله هو دمهم &&& خادم اهل البيت ابو علي السعيدي ***************** 18 لحظه .. لحظه يمسلم انتظر.. لحظه..اكظي يمك هالعمر ومنك اتعلم صبر ..لحظه &&& لحظة اوداعك شفتها بعمري ظلت..وصارت بكلبي وجعتي ليلة ارحيلك عليه بلا بدايه..هيجت ناري عليه وياوجعتي والفكر طول صفتني يمته تخلص من وجعتي ومن دمعتي عمري..بدمعه وبناري انظلم..عمري..شلت انواع القيم شوفوني انواع الكفر..لحظه &&& انته كل الشفته ينفع..عمري مسلم من عل سطح الاماره اني احجي عل الرجونه بسرعه اوصل..مانفع وعد الحياره مسلم وين الك منصف حتى اكلمه..حتى مليت انتظاره..يالغياره عينك بيها ذريت الملح.. تبقى تنطر للصبح مشتني بعهود وجمر..لحظه &&& صعبه يامسلم اتركك من اعوفك..ياالاهي انته سلمه تدري بغيابك ذبحني طوعه شافت بعينها الدنيه ظلمه تعرف احسن فعل عندي هاي يامسلم من كلتيلي ها يعمه عمه وفيت الوعد..عمه انت يااشرف وتد كاتتلني بعدك والهجر.. لحظه &&& يعرف البيت ونبيه انته عندي.. اشكثر تبقى بحياتي انته غالي بكثر ماجنت اخافن بالمصيبه كمت اصيحن ايا مسلم ايا والي ناري شبت وكمت انادي ارحل ارحل الك مو مقصد سؤالي عمه تتبعثر سنيني وماكلت ..عمه ..كمت انوحن تولعت..عمه ننتظره يطلع هالفجر..لحظه &&& تشرب بدمي الهموم شكد بجيتك..عمه اشوفك ليش سكته وشفت يانار السريه عمه كلبي من اصيحك استمع ونه أونته يالرحت عني بعيد لدار حقك ارتجي تاخذني بيدك انته انته اسمع..احلم وياكم احس..اسمع..فرد جلمه وفد نفس..اسمع بعد اشلون اصطبر..لحظه &&& انه ادري ماتدرني بس احاول مااصدك فاركتني تالي ابن حذلم اجاني كتله جاوب ابني وينه عذبتني ظل يعددلي اببنيني فكري يمك انت وحدك حيرتني نوحي..ابنج صريع بكربله..ومسبيه كل العايله نوحي والشده زينب باليسر..لحظه &&& انه اعرف انته تمشي بس اكلك افراكك عليه صعب من اتركتني تالي ابخطت غدر تبقى ومن عل قصر الاماره انت لوعتني اشكثر ظليت افكر بيك عمه والخبر منك اجاني ومن عفتني روحي..عمه و بنار الالم..روحي..جاواه وبنار الندم..روحي من اعرفت بيها الامر..لحظه &&& انتظر زينب تعاود وامشي ليها لازم اسئل عن اخوها عن كمر زينب سؤالي والكفلها يبقه ساكت من سبوها ابني بس غيره وحميه وشيصبره يم زينب سلبوها اختك كتلك امانه بركبتك..كلبي يكلي عذرتك اختك عد زينب اعتاب شكثر..لحظه &&& ابقى انتظرك يمسلم ليه ترجع من اجيتك عيني عموها ارد اسئلك عن اخوك حسين يعلم بالجره اعليك اعملوها عن حقيقة امرك الجاري عليك وكلها هاي الناس اكلبوها ناسك..كلها رادت ركبتك..ناسك..بسيوف وارماح حاطتك..ناسك اتعذب انته اشكثر...لحظه &&& خادم اهل البيت ابو علي السعيدي ******************* 19 لا لا تذكروها طوعه بيوم الاسباع. من تذكره مسلم بيها اتهيج الاوجاع بعيونها اتشوف الوضع..وادموعها مثل الشمع اتهيج الاوجاع &&& ياللي طبعك طبع حيدر بالسماحه وساعة الشده مثل طبعه وجراحه مثل طبعه الذله ماتقبلها ومناحه ياللي طبعك وفي وتحب الصراحه ياطوعه خبرني لمن صارت انياح خبرني عن مسلم لمن هوى و طاح بعيونها ينزل دمع.. وادموعها مثل الشمع اتهيج الاوجاع &&& مثل طوعه المراءه من تنطي ولاها بالكلب والروح من تنصب عزاها تصيح يامسلم نجم انته بسماها تصيح ياحيدر علي ويسمع نداها ياللي تسمعوها طوعه بصوت مسموع أتنادي يامسلم بعد ماتفيديك اجموع مسلم ياحلو الطبع.. وادموعها مثل الشمع اتهيج الاوجاع &&& طوعه ولمسلم تشجعه تكله ممنون بالكلب ذكراك تبقى ابين العيون تكله يامسلم فداكم كلشي ايهون انتو بالمدمع دمعها ماتغيبون لالا تبجيني كلبي عليكم وينوح ماغمضت عيوني يمسلم كلبي مجروح مدري صوتي ينسمع.. وادموعها مثل الشمع اتهيج الاوجاع &&& شفت من طوعه دمع بسكته تجرعه شافت الموقف جرالي وصعب وضعه نزلت بسكته عليه دمعه دمعه كالت اشلون العزيز اهنانه اودعه من يوكع الغالي حيلي ايطيح واحساس وانظرها ملتمه تريده بسيفها الناس مسلم راسه ينكطع.. وادموعها مثل الشمع اتهيج الاوجاع &&& طوعه دمعه النزلت بعينج شفتها بروحي ياطوعه طبع انه اطبعتها انه مسلم حشمت كوم اعرفتها بس مره وياي ساعتها اطلبتها عالماي من أركض اشرب ياضوه العين ارتوي من عندي واشرب بسم الحسين ياحيف ماشفنه الربع.. وادموعها مثل الشمع اتهيج الاوجاع &&& طوعه من عندي الج هاي الوصيه لو سمعتي بخبره موتي هالمسيه انتي بلغي حسين وبهاي الرزيه خلي يسمع منج اعلوم المنيه من يسمع ينادون طوعه بشروها هيه الشجاعه اليوم لازم يذكروها مسلم بيها منفجع.. وادموعها مثل الشمع اتهيج الاوجاع &&& خادم اهل البيت ابو علي السعيدي *********************** 20 بويه عذبنه جفاك..واحنه ماعنده سواك شلون بويه باليعيل.. احنه مو جنه بحماك &&& يالرحت بويه سفير..ولاامامك من تروح احنه اولادك صفينه..بيك متعلك الطموح تدري من عنه تغيب..تنفتح بينه الجروح ياللي اختارك حسين..وكال هوه مني روح ياللي اختار امام..بدل عنه بالكلام انته يانجمه ودليل.. احنه مو جنه بحماك &&& ننتظر بويه تجينه..اولادك احنه من نصيح احنه كل مغرب يجينه..نودي مرسال وي ريح ياللبطيت اعلينه ارجع..ارجع بروح الذبيح كثرت اهموم العلينه..ومنهو النه من نطيح بويه لن عاب الدليل..اناشدك بسم الخليل نقسم برب العباد..عليك بس ينفع دواك &&& انته من رحت ومشيت..بوضح شمس النهار كلفك راعي الامامه..تنوب عنه بكل قرار وسلمك راية محمد..البيه كلها تستنار انت يامسلم عضيدي..وبعدي تحمل هالشعار كله عونك هالمجيب..انه اخوك ومو غريب نطيعك احنه بالوفاء..امشي كلحنه وراك &&& روحي عذبتني تريد..بويه منك فد لقاء ياللي بكليبي حروفك..اتعلمت بيها الهجاء اعرف تضحي حياتك..وانت عنوان الوفاء احنه اولادك يمسلم..خذنه منك كل هالولاء نعرفك تصبح سليب..بدمك مطبر خضيب تنرمي باعلى الجدار..تنظر بعينك سماك &&& مودع الله من تروح..وأعبرت بويه الحدود ننتظر شوفت ابونه..الجان بالبيت العمود بغيره كلنه نعيش وحشه..بغيره ماالنه وجود بويه خبرنه بصراحه..هاي روحه لو تعود انته يابويه الامل..بروح يمك يظل يمك ادريها الحلول..صعبه يابويه جفاك &&& خادم اهل البيت ابو علي السعيدي رحمه بالتشتم هواك........باسم 
|
|
10-30-2016, 06:11 AM
|
#2 | |
 مديــر عام
|
بسم الله الرحمن الرحيم اللهم صل على محمد وآل محمد وعجل فرجهم وسهل مخرجهم وصل اللهم على فاطمة وأبيها وبعلها وبنيها والسر المستودع فيها عدد ماأحاط به علمك وعجل فرج يوسفها الغائب ونجمها الثاقب واجعلنا من خلص شيعته ومنتظريه وأحبابه يا الله السلام على بقية الله في البلاد وحجته على سائر العباد ورحمة الله وبركاته أحسنت ووفقت ان شاء الله والقبول لكم هذا النفس الحسيني الرائع اللهم عجل لوليك الفرج يالله واسئل الله ان يجعلنا من المنتظرين ويرزقنا الشهاده بين يديه الشريفتين احسنتم واحسن الله اليكم دعائي لكم |
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض المتطور
|
|
|
|