الك ونه والي ونه..جرحك بيش اهيدنه..يخو الحوراء

الك ونه والي ونه..جرحك بيش اهيدنه..يخو الحوراء
دماكم صارت الحنه..اريد وياك بالجنه..يخو الحوراء
شفت جفين ..بنظرها العين
&&&
ابوك النحلف بخته نصيح ادخيل.. علينه لو احد يجرم يريد ايعيل
عليكم تهمل اعيوني بدمعها تسيل.. الك ناذر فده اسنيني وبعدها الحيل
من اذكرحرك خيمه وصهيل الخيل.. اصيح بصوتي العالي الف ياويل
شفت خويه الجره بالطف..سهم عينك وبترها الجف.. بنظر عيني
مواقف شنهي تتوصف..كمرنه اعليه نتاسف..بنظر عيني
اون مرتين.. بنظرها العين
&&&
شكد بينه الزمن قاسي تروح أيام.. نعيش بنشوت الماضي تصير احلام
شفت خويه الجره علينه وحرك الخيام.. علينه الكوم هل الدارت نسل ظلام
علينه ارماحهم شالو علينه اسهام.. روايه الحقد رفعوها وبعد اعلام
صحت بصوتي ياربي..واخلي ايدي عل كلبي..يبعد الروح
كمت مااشوف كل دربي..شمالي وماشفت غربي..عل المذبوح
اصيح حسين.. بنظرها العين
&&&
جنت مهيوبه بااسماكم يمن تروحون.. اعيش ابدونكم بالهم علي ترضون
فكدكم غير احوالي لون تدرون.. نحيله وحيل مهمومه وجرح لعيون
تنام الناس وعيوني تظل من دون.. اناطر جيت الوالي متى يرجعون
يالهمكم صبح همي..يالدمكم مشه بدمي..نفس روحي
يالاسمك نفس اسمي..ارفعت رايتي وعلمي..الك نوحي
انوح اسنين..بنظرها العين
&&&
يالطبعك وفه وايثار اليه اتشوف.. عمرك ماخفت احد وعرفت الخوف
يكبعه روحي وايماني عليها انطوف.. تهدم روفها روحي وبلايه اجروف
خوتك ماانوصف الها وبعد موصوف.. تروح وترحل بسرعه شكل لضيوف
الك كاصد واجه عاني..يدك كلبك وبيباني..اجه بهاليوم
هظمني وحيل بجاني..سئل خويه عل خواني..عله المظلوم
االسئلني وين..بنظرها العين
&&&
وحشه الدار ياخويه يبو الاحرار.. اصد بعيني مهمومه واشوف الصار
يكافل ضعن اختك انتظرت اخبار.. تجيني اليوم يالغايب علي خطار
عشت وياك كل عمري بهذيج الدار.. الك تربي عيوني اليوم هل الانظار

يمته تعود الي ترجع..اريد منك انه اسمع..الجره والحال
طحت ياخويه ومكطع..اجيت اليوم للمصرع..عله الكفال
شفتها اثنين..بنظرها العين
&&&
خادم اهل البيت
ابو علي السعيدي