الى ام البنين (عليها السلام)

كالوا اكتب شعر لجل أم البنين
وحرت يم عباس شرد احجيلج
الفكر قاصر والقلم منج خجول
ولو كتب خافنه ما يوفيلج
انتي عندج منزله من الإله
وهوه وحده ليعرف ابتنزيلج
انتي زوج المرتضى نفس الرسول
ويعني بس هذه فخر يكفيلج
من بعد فاطم ابد مالج مثيل
انطيتي للعترة نهار وليلج
انتي بيج الوفة مو قطرة وتطيح
انتي من راسج وفة لرجلينج
التنطي واحد اعتقد بعده تموت
واربعة انتي بكربله انطيتيلج
وانه اجزم مية لولج بالوجود
جان فدوه اتقدموا لحسينج
انتي ام عباس باب الله الوسيع
وانتي اية منزله ابتاويلج
بالحوائج جينه مليانه الصدور
وابد ما خاب الذي يشجيلج
الالج يقراه الفاتحه مراده ينول
وحنه جينه اليوم نقرالج شعر
ومنج احنه انريد تنطيه المراد
ومنج احنه انريد تسهيل الامر
وذا جلماتي الج بيهن قصور
اذا منج التمس انه العذر

اسئل الله لكم العافيه والامن والامان

ان شاء الله

تحياتي ودعائي

وربي يرعاكم