|
|
|
#1
10-13-2011, 11:58 PM
|
||||||||
|
||||||||
الدين الاسلامي يستغيث ويشكو لامير المؤمنين ع من الناس اليوم
كوم الحكني ياحيدر - الدين بحيدرة استنصر بموتك ظلمة ايامي - وناسك هجرت احكامي كوم الحكني ياحيدر ــــــــــــــــــــــــــــــــــــــــــ الدين استنصرك ياوالد الامة - شمله تشتت وما واحد يلمه صار الدين عند الناس بس كلمة - وشذوا عن طريق الطاعة والحكمة بس مظهر تشوفنهم - وتاخذ بس حجي منهم ماظل عني محامي - وناسك هجرت احكامي كوم الحكني ياحيدر ـــــــــــــــــــــــــــــــــــــ تعطيل الفرض مأساتي يامولاي - لان الناس صارت تعمل اعلى الراي مضموني الحقيقي عافته وفحواي - ومنهم ياعلي زايد اثر بلواي مُرائي اتباهه باعماله - وعُجُب دمر اله حاله المُرأئي هيّج الامي - وناسك هجرت احكامي كوم الحكني ياحيدر ـــــــــــــــــــــــــــــ ضاعت لليتامى يا امامي حكوك - في عز النهار البعض بيها يبوك شكداكلت حرام بهالزمان حلوك - وهالظلام باجر للحميم تضوك قدوة انته يبو الحسنين - امن ايتامك صبح هالدين اسمك بالمجد سامي - وناسك هجرت احكامي كوم الحكني ياحيدر ـــــــــــــــــــــــــــــــ اشكيلك منين واحجي عن ياحال – وذنوب العباد اجبال فوك جبال شحجي اعلى المنافق شحجي عالدجال – بمسبحته ولحيته كاذب ومحتال انحسبوا سيدي اعليه – تشوّه مظهر البيه صرت مودين اسلامي – وناسك هجرت احكامي كوم الحكني ياحيدر ـــــــــــــــــــــــــــــــــ هناك بساحة الحق اوكف واحتج – على الضيع طريقي وخالف المنهج ولفكر الضلاله والغرب روج – والبيه هالصفات لسانه يتلجلج انه الدين الانساني – وسفه يضيع عنواني انه المنطبر هامي – وناسك هجرت احكامي كوم الحكني ياحيدر ــــــــــــــــــــــــــــ 21\8\2011 الشاعر : ناظم الكربلائي 
|
|
10-15-2011, 03:21 PM
|
#4 | |
|
عضو نشيط
|
تقبل الله منك اعمالك
|
|
|
|
10-17-2011, 03:34 PM
|
#6 | |
|
مشرف
|
الله الله الله الله الله الله الله الله الله
الله الله الله الله الله الله جمييله جدا جدا جدا جدا هذه الكلمات المعبره في حق امير المؤمنين ع وننترقب المزيد والمزيد من مواضيعك الشيقه والمفيده وسئل الله العلي القدير ان يوفقك ويسدد خطاك بهذه الطريق المنير وشكرا عله المجهوود الذي تبذلوه في تطوير هذه الصرح المبارك ارجوا تقبل مروري تحياتي ودعائي |
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض المتطور
|
|
|
|