قصيدة للامام العسكري عليه السلام (يبن الهادي )

(المستهل )

يبن الهادي .... يبن الهادي
جينه أنزورك .... يبن الهادي
نجدد هاي البيعه وياك .... ما نتخله وعاهدناك
********
يانبع الدين ونفحاته .. يانبراس الحگ ونوره
زوارك أحنه وعشآگك ..ولضريحك جيناه أنزوره
نجدد بيعه يم أعتابك .. وبموآلآتك نحي الصوره
صورة أيمان أبقدسيه .. تتجسد للمذهب دوره
&&

شوگ العدنه .... شوگ العدنه
بيش أنوصفه ..... شوگ العدنه
عفنه الدار ومتعنين .... والعدوانك متحدين
********

يوم أمصابك يآ نور الله .. جينه نجدد بيعه وياك
أنظل دوم ألآخر لحضه .. يبن الزهره ماننسآك
ندري أبگاعك تشكي الغربه .. يامولانه عد عيناك
زوارك أحنه وخدآمك .. ننصب مأتمنه الذكراك
&&
دموع أشواگي .... دموع أشواگي
تقراني .... بدموع أشواگي
ماتنشف لا يآلمظلوم .... من يومك الـــهذه اليوم
********
جيناك وطعنات المآضي .. بوسط أحشانه تنزف دم
تدري أجروح الگلب أهوآيه .. وجرح الخزن مآيلتم
ومتهمنه أدروب المخطوره .. شلنه أچفآن ومانهتم
بهذه الخط نسير ونعلن .. والمآفاهم خل يفـــــهم
&&

شما منعونه ..... شما منعونه
ميگدرون ...... شما منعونه
وتيقنو وأصبح معلوم ..... نبقه نواليكم للدوم
********

يا أنوار العرش ويىكم .. معگوده ومتخيب آمالي
عهد ويآكم وبخدمتكم .. للدوم أيضل ديدن حالي
أحزن وأنصب مأتم الكم .. وأجمع كل عآشگ وموالي
يلهج طروآكم بلساني .. والفرحتكم سر دلآلي
&&

سآكن روحي ..... سآكن روحي
حبكم يبقى ..... سآكن روحي
متمسك بي حد الموت ...... يبقه يدد هذه الصوت
********

أمن البين الجار أعلينه .. جيناك ونشكيلك همنه
يبن الهآدي وتدري أبهمنه .. چم غصه بغصه مجرعنه
عادآنه الخالف منهجكم ..وحبكم جرم وبي يطلبنه
خاوينه ونصفح كل مره .. ويتربص بينه ويبغضنه
&&
جمره وتسعر ..... وجمره وتسعر
هظم البينه .... جمره وتسعر
شيطفي جمر المهظوم ...... يابو محمد نشكي هموم
********
بمحبتكم يبن الهادي .. منهه أرضعه وتربينه
وسط الگلب أطرز حبكم .. يشهد حاضرنه وماضينه
دين الباري أتمثل بيكم .. ونوَّر ظلمات أليآلينه
أنتم قادتنه أبكل خطوه .. وعلى هالمنهج أحنه أمشينه
&&
ثمرة حبكم .......ثمرة حبكم
بينه أنزرعت ....... ثمرة حبكم
أثار الحب بالدلال ..... يالبيكم كل الامال
*********

محمد ابورغيف

ربي ايبارك في جهودكم

احسنتم كثيرا




عظم الله اجوركم واجورنا بمصاب ابي عبد الله الحسين ع

لكم منا دعاء بالعافيه

والتوفيق ان شاء الله

تحياتي ودعائي

سيدنا الغالي كل الشكر والتقدير لمروركم الكريم
لك فائق الود

قصيدة
الفرح والعراقيين
.......................

......... خآبرت آنه الفرح ...... شهلغيبه گتله وين . ..

.........عاتبته شفته استحه ......... وگتله نطلبك دين ....

........ شنهي السبب مختفي ............ عن العراق اسنين .........

........... شنهي احنه دون الخلگ .........ويل حزن متخاوين .....

........... تاليهه قدم عذر ............... وگال احنه متأسفين ..

......... وشد الرحال وأجه ......... يم العراقيين .............

......... وعزمته وقت الغده ......... وي اهلي والطيبين ...

........ تمالحنه ضحكه وحچي ..... بگعدتنه مرتاحين ...

......... وفرشنه سفرة صبر ...... والماي دمع العين .....

........ وسمعنه صوت الدوي ..... وجفلنه مرعوبين ....

......... هاون اجانه ترس............ وخلانه مطشرين ...

........ وفگدت آنه اخو......... وراحو اطفال اثنين ...

...... والباقي بيهم نفس ....... بجروح مصوبين ...

........ والفرح هم انجرح ......... لاجنه فر ويلين ...

وصحته انتظــــــــــــــــــر...... يالفرح...... گال الوضع مو زين .....

........ اطلب لجوء أبدول ......... ارحل لون للصين .........

...... وناده اهجرو هالبلد...... شعدكم بعد باقين ....

........ گتله أمشي روح ...او عمه ..... ولَّي أحنه ما ماشين ..

..... منعوف هذا الوطن ............. اي وحك دم احسين

محمد ابورغيف

منعوف هذا الوطن ----- اي وحك دم حسين
كلمات غاية بالروعة
محمد ابو رغيف