|
#1
09-19-2017, 10:18 AM
|
||||||||||
|
||||||||||
أنه اوليدي كسر قلبي -- انه اوليدي
بسمه تعالى للاكبر --- حجي نصير --- - - المستهل -- أنه أوليدي كسّر گلبي – أنه اوليدي يموت وهذا مو وكته – عساني أبدمه لاشفته أنه أوليدي ....... 1 . يالمشيت أبلا وداع أنسيتني وعلى تل حزن الوكت خليتني بويه افرح بويه لو ناديتني ليش أنزلك باللحد خليتني دفنت روحي ونبظ گلبي – دفنت روحي بگبره وسدت جثته – عساني ابدمه لاشفته أنه اوليدي ....... 2 . يالذخر مريود ولأامك وأبوك شلون اشوف ابدمك أمن أيغسلوك شنو حسدّوا حسنك أمن ايعاينوك الگبرك ومن أيدي يوليدي خذوك آنه أشبيدي وخذاك الموت – انه أشبيدي هم ايعود الي يمته – عساني بدمه لاشفته أنه اوليدي ....... 3 . تدري وياك أتعبت يبني عُمر وچنت أشوفك بين صحبانك بدر وصرت انظرلك مثل خيط الفجر شلون عني ايظمك اتراب الگبر فلا أرضه تفارگني -- فلا أرضه غيابك يبني ماردته – عساني بدمه لاشفته انه أوليدي .... 4. هوه ياهو يرضه بفراگ ألابن آنته غالي وألك كل لحظه أحن أعليك جفني ماغمظ ليل اليجن روحي مو بس گلبي لفراگك تون غصب عني رحت مني – غصب عني ياهيبة أسد لاخته – عساني بدمه لاشفته أنه اوليدي ....... 5 . بعيني دارك موحش او ياذيني ليش من شوفتك تحرم عيني چا بهذا هجرك اتجازيني مو ردت من أكبر أتباريني تعال أمك دصبرها – تعال أمك تگول أنحرم من شمته – عساني بدمه لاشفته أنه أوليدي ........ 6 . يبني مارديت لمك ورجعت وعن خواتك هم رحت ماودعت شكثر صاحن خويه وينك وسمعت وآنه الفگدتك هرش گلبي أگطعت تعال أرجع بعد شيبي – تعال أرجع لأمه ذخر كبرته – عساني بدمه لاشفته أنه أوليدي ....... 7 . شلون الاكبر ودع امه أبخيمته راح للموت وبعد ماشافته وبالدموع حسين خضب شيبته أتمدد بطوله وشبگها الجثته يعين الام على فگده – يعين الام وصاحت يالولد عمته – عسىاني بدمه لاشفته آنه أوليدي ....... سيد عدنان الحمامي 
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|