يالرايح لحسين تزوره..اهنانه اتضحت هالصوره؟لزوار الامام الحسين ع اقول

يالرايح لحسين اتزوره.. اهنانه اتضحت هالصوره
زوار احنه ومتعنين ..ما همنه اشما جار البين
يالرايح لحسين اتزوره

يالرايح لحسين اتزوره واسي الزهره ابممشـاك
من توصل تدخل للحضره احضنه وادعيلي ويـاك
خطواتك كلهن محسوبه وخطوات الجمع الباراك
ماي الكرار ايشربنه مـن حوضـه البجنـه اهنـاك

يشربنه الماي الكرار.. وتتلكه الزهره الزوار
اتمعن بالكبه ونوره

الصوره انكشفت للزوار عن احسين وعن عبـاس
راحـت حفـاي وتشكلـيـه وبلهـفـه اتعـنـت هالـنـاس
تواسي الزهره بهذا الموعد من رد السجاد الراس
ولو كطعوا جفيـن العنـدي ولـو نبقـى باخـر انفـاس

انحب احسين انضحي ارواح.. وماهمنه الواحد لو طاح
وما همنه الطاغوت وجوره

لو كطعوا من عدنه جفوف اليوم انطب الحضره انطوف
ماردنه العسكر والظالـم ومـا نرجـف مـا ردنـه الخـوف
حب احسين السودن حالي ونتعنه من السـوك اصفـوف
هـذا بـحـك حسـيـن اشـويـه ولــو نتكـطـع هــم بسـيـوف

اشكد اتحملنه احنه وشفنه.. كطعنه الظالم ما خفنه
لبن الحافظ احسن جوره

حب حسين الساكن روحي ونتعنه الزهره انواسيهه
بمصاب العباس وزينب ومصاب الزهـره او واليهـه
نكطع ممشه الدرب بليل ومـا همنـه الحـر وذاريهـه
مشـايـه وملهـوفـه لــدرب زوارك انـــت التحمـيـهـه

توكف يوم المحشر النه.. بالحب والود اتقابلنه
نطوف حسين وندخل سوره

يوم الهـول الـراح ايصيـر تنكـر كـل راضـع مرضـوع
توكـف كلـه بيـوم المحـشـر تنـظـر للـنـاس بمجـمـوع
ايحاكـم ربـك كلمـن ظالـم والصـارع مـن المـصـروع
والزهره التوكف وتنادي بصوت الواضح والمسموع

الدمعه النزلت لااجل حسين.. عد العتره اكبر دين
والشيعه بيه مسروره
يالرايح لحسين اتزوره.

خادم اهل البيت
ابو علي السعيدي