|
#1
08-07-2012, 10:21 AM
|
|||||||||||
|
|||||||||||
لمناسبة استشهاد أمير المؤمنين عليه السلام (( ...قصيدة گعدية ...))
بسم الله الرحمن الرحيم قصيدة ((گعدية ))لاستشهاد أمير المؤمنين عليه السلام على طريقة قصيدة ((ياليل طول ساعاتك ... ياليل احمل أهاتك )) للحاج الرادود ابو بشير النجفي أدام الله عافيته وخدمته الطيبة وقصه القصيدة هي .....عندما أقبل هلال العيد يحمل بشارة عيد الصيام وكاني بلسان العقيلة تخاطبه وتقول المستهل يهلال لتهل أعلينه..... يهلال غايب والينه فارگنه داحي الباب .... امسه خالي المحراب ********** أرد أنشدك يلهلال بياوجه هليت لينه هدمت حيلي أبطلعتك وين عيدك من تجينه العيد گوطرنه ونسانه وانته ذاچرنه وتجينه گلب العقيله أيعاتبك موحش علينه مطلعك دم حيدر الوالي انسفك وأحنه بمصابه أنسبينه يهلال لو تنظر حالي ...منحچيلك ينزف دلالي مآتم أصيامه وغاب ...أمسه خالي المحراب ************** يلهلال أستمع نوحي الدمع جرح أجفوني وسله وي ونات گلبي ولا تمل كثرة أشجوني روحي شاغت لليتامه أشما تصد ليهه أعيوني كهف اليتامه ابطيحته بچه المحاجر غييبته كلساع أحن الشوفته رافگ أهلي الفآرگوني وآلام عاشت أبروحي ... ملچومه كلساع أجروحي أثر جرح المصاب ..... أمسه خالي المحراب ************ أبد ماچان اعله بالي يالهلال وحسبيته شلون مصباح الفآنه عودي يتچه أبمشيته حومت ذهني الخواطر بحيره وبدهشه أجيته أبصرته وگليبي شهگ ومن خوفي علوالي خفگ متعصب وجرحه غمگ منيتي كون ولا منيته بنظرات چنه ايحاچيني .... زينب يابويه وسديني صار الدمع جواب ... أمسه خالي المحراب *************** مرت اعليه الرزايه والنوايب اجرعتهه من فگد جدي ومصايب امي الي روعتهه ظلت أبگلبي ألمهه عصره الباب الشفتهه عصرة ظلعهه ويالصفع ولن صيحة الماتنسمع يابويه كسرولي الظلع وأذكر أبرهبه احضنتهه يايمه ارجوچ اتحآچيني ... ياجرح أيضهدچ خبريني وچبدي هيسته ذاب ... أمسه خالي المحراب ******************* كــَـبره يا نار الموادع والبواچي غدت حنه وبسرير الموت حيدر نودعه هالليله كلنه يلفظ انفاسه الاخيره أبونه وتزودنه منه ماتخطيَّ أسهام الحزن مرماهه صار اعله الجفن دلالي بحزانه يون الوالي عازم سفر عنه حانت ساعات الفرگه .... وبروحي تتواگد حرگه لو ذر گبره التراب ... أمسه خالي المحراب ************* گبل ما غمض أعيونه أمـَّـن الهاشم وصيه حسين لو نوخت أرچابه وحاطته جيوش أل أميه لاتبخلون أبنصرته وسابگو بخوض المنيه وانته يعباس الذخر ردتك يبويه الهل الامر يوليدي ياثمر العمر هناك واسيهه الزچيه بعزمك تتكفل الزينب ... وبحماك مأمون المرجب وتحفظ يبني الاطناب ...أمسه خالي المحراب ************* المصيبة .... گرت أعيونك يبويه والوصيه أنه احفضتهه ابرغد نام وتهنه العقيله أنه أكفلتهه منهو يجسر ليهه يدنه وآنه خوهه الي جبتهه زينب يبويه عهدتي ((زينب يبويه عهدتي )) تفديهه عيني ومهجتي ((زينب يبويه عهدتي )) تدري الچفاله منيتي ((زينب يبويه عهدتي )) ********************** أسئلكم الدعاء الشاعر محمد ابورغيف 
|
| مواقع النشر (المفضلة) |
«
الموضوع السابق
|
الموضوع التالي
»
العرض الشجري
|
|
|
|