|
#1
|
|||||||||
|
|||||||||
ياعلي ننخاك كل صبح ومسيه -- وفاة الامام علي ع
بسمه تعالى
سلام عليكم -- -- -- المستهل ---- ياعلي ننخاك كل صبح ومسيه -- مو عراقك طايح ابشده وبليه انباعت ابسوك الذمم -- اخرونا اعله الامم ------ ياعلي هذا عراقك بالمآسي كلووب ماترحم عبد كل كلب قاسي طاحت امن افعالهم حتى الرواسي البعض بقصور وغواني او بالاماسي والظمير انباع بسواق النخاسه -- والامن ضيعته ارجالات السياسه ياضمير المانعدم -- أخرونا اعله الامم ----- ياعلي الانسان بارينه يكرمه العرش يهتز لو بشر ينسفك دمه جم جسد يتشظه ماواحد يلمه والذي عالكرسي كاعد مايهمه بالفساد وسرقوا اموال الرعيه -- الواحد اليملكله اكثر من هويه منو عمّر ماهدم -- أخرونا اعله الامم ------------- ياعلي ليك الوطن يشكي الظليمه بيد جيرانه العرب اصبح غنيمه واوي كام اعله الاسد يعوي هظيمه اعقول عفنه والظماير مو سليمه كامت العربان للمحتل تعينه -- صاحوا الفرهود ياحيدر علينه المات حتى ماسلم -- اخرونا اعله الامم ---- ياعلي اشيوخ البوادي فتت بينه حللوا دمنه ابفتاوي اهل الظغينه بين من اعدام رميا بين من كطعوا وتينه بين من ينهجم داره بين من يصبح رهينه كل امير البيهم ابفسقه يجاهر -- احنه ماشفنه امير وهوه عاهر شيكتب اليوم القلم -- اخرونا اعله الامم ----- ياعلي وين اكو مثلك شخص كامل ياعلي الايتام كثره والارامل عاشت الحرمان بدموع التهامل والذي ميهمه للمحتل يجامل للشريف انشوف ماظلت مكانه -- والوضيع الرشوه يطلبها ابلسانه انزلنه من اعله القمم -- اخرونا اعله الامم ---------- المشتكى لله يحيدر من وضعنه بين محتل بين سارق ولله ضعنه اشكثر صحنه امن الالم محد سمعنه الك من البينه نشكيلك وجعنه شوكت يايوم الذي تصحه الظماير -- ليش رمده اعيونهم عميه البصاير لشوكت نجرع الم -- اخرونا اعله الامم ---- سيد عدنان الحمامي |
08-17-2011, 09:40 AM | #2 |
المراقبين
ya hussien
|
موفق على هذه القصيده الرائعه
وجزاك الله عليها خير الجزاء دمت بكل خير سيدنا الغالي |
|
08-17-2011, 06:11 PM | #3 |
مشرف
|
الله الله الله الله الله الله الله الله الله الله الله الله
الله الله الله الله الله الله الله الله الله الله الله الله جمييييييييييييييييييييييييييييله جدا جدا جدا جدا هذه الابيات ولائيه في الامير سلام الله عليه روحي وارواح العالمين له الفداء ننترقب كل جديد من ابداعتك الولائيه سيدنا الجليل وربي ينطيك الصحه وي العافيه عله ماتقدمه من قصائد ولائيه وربي يطول النا بعمرك انته النا رمز فخر سيدنا الجليل وسئل الله العلي القدير ان يوفقك بحق محمد وآل محمد ص مع خالص تحيه وتقدير وامتنائي لجنابك الغالي عله قلبي |
|
|
|
|